Jɛnɛsis 11:6 - Krio Fɔs Oli Baybul

⁶ I se, “If dɛn pipul ya so we dɛn de tɔk wan laŋwej kin ebul du dis kayn tin, wetin lɛf we dɛn nɔ go ebul du?

Jɛnɛsis 11:6 Referans Kwoze

Jɛnɛsis 3:22

PAPA GƆD se, “Naw, mɔtalman dɔn tan lɛkɛ wi, ɛn i dɔn gɛt sɛns fɔ no wetin gud frɔm wetin bad. Wi nɔ fɔ mek i tek da frut we de na di “Layf tik” ɛn it am, ɔ nɔ so i go gɛt layf we go de sote go.”

Jɛnɛsis 11:1

Fɔs fɔs tɛm, na wangren laŋwej ɔlman na di wɔl bin de tɔk, ɛn na bin di sem we dɛn bin de tɔk am.

Lyuk 1:51

I dɔn sho se in gɛt pawa, i dɔn kɔnfyus dɛn wan we prawd ɛn mek dɛn rɔnawe ɛn pwɛl ɔl wetin dɛn bin mekɔp fɔ du.

Ɛkliziastis 11:9

Ɛnjɔy yusɛf, yɔŋman, we yu yɔŋ, ɛn lɛ yu at mek yu gladi we yu yɔŋ. Du wetin yu at tɛl yu ɛn tek wetin yu si we yu lɛk, bɔt no se fɔ ɔl dɛn tin dɛn de, PAPA GƆD go jɔj yu.

Jɛnɛsis 6:5

We PAPA GƆD si se mɔtalman in wikɛdnɛs dɔn pasmak, ɛn na bad nɔmɔ i de mɛmba ɔltɛm,

Jɛnɛsis 8:21

We di sakrifays bin de bɔn, in sɛnt bin so fayn dat i mek PAPA GƆD in at gladi, nain i tɔk nain at se, “A nɔ go swɛ di wɔl igen fɔseka wetin mɔtalman de du; a no se frɔm we i smɔl na soso bad tin i de tink bɔt. A nɔ go ɛva pwɛl ɔltin we gɛt layf na dis wɔl, lɛkɛ aw a jɛs du.

Jɛnɛsis 9:19

Na frɔm Noa in tri bɔypikin dɛn ɔl di pipul dɛn na dis wɔl kɔmɔt.

Apɔsul Dɛn Wok 17:26

Gɔd bin mek wan fambul fɔs ɛn na pan da wan fambul de, ɔl di pipul dɛn na dis wɔl kɔmɔt. Bifo Gɔd mek dɛn, i bin dɔn mak di tɛm we dɛn fɔ de na wɔl ɛn di ples we dɛn fɔ de.

Di Jɔj Dɛm 10:14

I tɛl dɛn se lɛ dɛn go kray to di gɔd dɛn we dɛn bin dɔn pik, lɛ dɛn fɛt fɔ dɛn we dɛn de pan trɔbul.

1 Kiŋ 18:27

We santɛm rich, Ilayja bigin provok dɛn se, “Una ala lawd, lawd wan! Bo na gɔd! Sɔntɛm i de mɛditet, sɔntɛm i de slip ɔ i de du sɔntin, ɔ sɔntɛm i dɔn travul sɛf.”

Emɔs 4:7

A ol di ren mek wan drɔp nɔ fɔdɔm di tɛm we una plant dɛn fɔ gro. A mek ren kam na wan siti, ɛn mek ren nɔ kam na di ɔda wan. Wan fam gɛt wata ɛn di ɔda wan nɔ gɛt natin ɛn dray.