Jɛnɛsis 10:5 - Krio Fɔs Oli Baybul

⁵ Dɛn pipul ya, we na Jefɛt in yon jɛnareshɔn na bin di grampa dɛn fɔ di pipul dɛn we bin de na di kost ɛn ayland dɛn. Dɛn bin gɛt dɛn yon kɔntri, ɛn ɔlman bin de tɔk difrɛn laŋwej wit in yon pipul dɛn.

Jɛnɛsis 10:5 Referans Kwoze

Zɛfinaya 2:11

PAPA GƆD insɛf go dil wit dɛn traŋa traŋa wan. Yɛs, i go nyakanyaka dɛn ɛn mek dɛn gɔd nɔ fiba natin to dɛn ɛn ɔlman naw go butu ɛn wɔship am, usay dɛn de, na ɔl di neshɔn dɛn na wɔl.

Jɛrimaya 2:10

Krɔs go na di kos dɛn na Sayprɔs go si, ɔ sɛn go Keda mek dɛn tek tɛm aks gud, ɛn si if ɛnitin lɛk dat dɔn apin bifo.

Jɛrimaya 25:22

ɔl di kiŋ dɛm na Taya, ɔl di kiŋ dɛn na sidɔm, ɛn di kiŋ dɛm na di kos oba di si;

Ayzaya 42:4

I nɔ go fel ɔ diskɔrej te i dɔn mek jɔstis sidɔm traŋa wan na wɔl; ɛn di kɔntri dɛn nia di si de wet fɔ in lɔ.

Jɛnɛsis 10:20

Dɛn wan ya so na Am in yon jɛnareshɔn dɛn, we bin gɛt dɛn yon kɔntri, ɛn ɔlman bin de tɔk difrɛn laŋwej wit in yon pipul dɛn.

Ayzaya 60:9

Bikɔs dɛn kɔntri dɛn we de na di si, go wet fɔ mi, Tashish in ship dɛn fɔs, fɔ briŋ yu bɔypikin dɛn kɔmɔt fa, ɛn dɛn silva ɛn gold kam wit dɛn, fɔseka PAPA GƆD we na yu Gɔd, in nem; ɛn fɔ di Oli Wan na Izrɛl, bikɔs, i dɔn mek yu de shayn.

Ayzaya 59:18

Na akɔdin to wetin dɛn du, i go pe dɛn bak, vɛksteshɔn fɔ di wan dɛn we de agens am, ɛn i go sho lɔv to in ɛnimi dɛn; i go sho lɔv to di kɔntri dɛn we de nia di si.

Ayzaya 51:5

Mi dilivrans de kam nia wit spid, ɛn mi salveshɔn dɔn go bifo, ɛn na misɛf go rul di pipul dɛm; di land dɛn we de nia di si, go wet fɔ mi, ɛn dɛn de abop pan mi..

Ayzaya 49:1

Lisin to mi, una dɛn kɔntri dɛn nia di si, ɛn pe atɛnshɔn, una dɛn neshɔn dɛn we de fawe, PAPA GƆD kɔl mi frɔm we a de na bɛlɛ, nainsay mi mami bɛlɛ i gi mi nem.

Ayzaya 42:10

Siŋ wan nyu siŋ to PAPA GƆD, siŋ in prez usay di wɔl tap! Le di si ala ɛn ɔl wetin de de, di kɔntri dɛn nia di si ɛn di wan dɛm we tap de.

Ayzaya 41:5

Dɛn kɔntri we de nia wata dɔn si ɛn de fred, usay di wɔl tap, de trimbul; dɛn dɔn gɛda kam nia.

Ayzaya 40:15

Biliv mi, di neshɔn dɛn na lɛk wan drɔp wata na bokit to am, ɛn I si dɛn lɛk dɔst na skel; Luk, i es ɔp di ayland dɛm lɛk fayn dɔst.

Ayzaya 24:15

So, una we de na di ist fɔ glorifay PAPA GƆD; una we de na dɛn kɔntri dɛn we de nia di si, una glorifay PAPA GƆD we na Izrɛl dɛn Gɔd.

Di Sam Dɛm 72:10

Dɛn ɔda Kiŋ dɛn go kɔmɔt Spen, Shiba ɛn Sɛba ɛn briŋ prɛzɛnt fɔ am fɔ sho se dɛn gri fɔ am.

Jɛnɛsis 10:25

Eba bin gɛt tu bɔypikin dɛn: wan nem Pɛlɛg, bikɔs nain tɛm di pipul dɛn na di wɔl bin sheb dɛnsɛf bay dɛn laŋwej; ɛn di ɔda wan nem Joktan.

Jɛnɛsis 10:4

Javan in bɔypikin dɛn na Ilaysha, Tashish, Kitim ɛn Dodanim.

Jɛnɛsis 10:6

Am in bɔypikin dɛn na Kush, Ijipt, Put, ɛn Kenan.

Izikɛl 26:15

“Na dis PAPA GƆD se to Taya: Di kos kɔntri dɛm nɔ go shek wɛn dɛn yɛri di sawnd we mek wɛn yu fɔdɔm; wɛn dɛn wan dɛm we wund de pini wit pen; wɛn dɛn de kil bɔku bɔku pipul midul una?

Izikɛl 26:18

Naw di ayland dɛn de trimbul di de we yu fɔdɔm; yɛs di ayland dɛn na di si bin fred ɛn diskɔrej we yu dɔn dɔn.

Daniɛl 11:18

Afta dat, i go tɔn in atɛnshɔn to di kɔntri dɛn we de nia wata, ɛn i go kapchɔ bɔku; bɔt wan kɔmanda go tap in fityay; fɔ tru i go tɔn di kiŋ na Siria in fityay bak pan am.

Jɛnɛsis 9:19

Na frɔm Noa in tri bɔypikin dɛn ɔl di pipul dɛn na dis wɔl kɔmɔt.

Jɛnɛsis 10:32

Ɔl dɛn pipul ya so na Noa in jɛnareshɔn dɛn, dɛn bin de bay dɛn yon neshɔn, bay usay dɛn kɔmɔt. Na frɔm dɛn wan ya ɔlman kam na di wɔl afta di flɔd.

Ditarɔnɔmi 32:8

We PAPA GƆD Ɔlmayti gi neshɔn dɛn prɔpati, we i de sɛpret difrɛn difrɛn pipul dɛn, i sho ɔlman usay dɛn fɔ de akɔdin to aw di difrɛn fambul dɛn na Izrɛl plɛnti.

Ɛsta 10:1

Kiŋ Zaksis fos ɔlman na di land ɛn di wan dɛn we de na di shɔ dɛn nia di si fɔ pe taks.

Ayzaya 11:11

Da de de, PAPA GƆD go ɛp sɛkɛn tɛm fɔ briŋ di balans pan in pipul dɛn we bin lɛf, kɔmɔt Asiria, Ijipt, Patrɔs, Itiopia, Ilam, Babilonia, Emat ɛn di land dɛn we de na di kost.