Jɛnɛsis 10:4 - Krio Fɔs Oli Baybul

⁴ Javan in bɔypikin dɛn na Ilaysha, Tashish, Kitim ɛn Dodanim.

Jɛnɛsis 10:4 Referans Kwoze

Daniɛl 11:30

Bikɔs ship dɛn we kɔmɔt Kitim go kam fɛt am, ɛn i go fred ɛn tɔn bak kɔmɔt de; i go tɔn bak, ɛn i go vɛks bad bad wan ɛn fɛt di oli Kɔvinant. I go tɔn bak ɛn lisin to di wan dɛn we dɔn tɔn dɛn bak pan di oli Kɔvinant.

Ayzaya 23:12

Ɛn i tɔk se: “Yu nɔ go bɛtɛ igen, yu we na Saydɔn in gyal pikin we na vajin, we dɛn de sɔprɛs; i lɛk yu grap go oba Sayprɔs, de sɛf yu nɔ go gɛt alafia.”

Ayzaya 23:1

Wetin PAPA GƆD se go apin to Tay. Una kray, una dɛn ship dɛn na Tashish, bikɔs Tay dɔn lɛf ɛmti wan; os nɔ de, ples fɔ slam nɔ de! Na di wan dɛn we kɔmɔt Sayprɔs kan tɛl dɛm.

Di Nɔmba Dɛm 24:24

Dɛn go tek ship dɛn kam na Sayprɔs; dɛn go ovatro Asiria ɛn Eba bɔt dɛnsɛf go pwɛl kpatakpata.

Izikɛl 27:25

Di Tashish ship dɛn bin travul wit yu makit fɔ yu so yu bin ful ɛn lod bad bad wan midul di si. Di wan dɛn we de padul fɔ yu, dɔn briŋ yu kɔmɔt kam na di ay si dɛm. Di briz we kɔmɔt na di ist dɔn rɛk yu midul midul di si.

Izikɛl 27:12

Tashish bin trafik wit yu, bikɔs yu gɛt ɔl kayn bɔku richis; dɛn ɛkschenj silva, ayɛn, tin ɛn lɛd fɔ yu makit.

Jɛnɛsis 10:5

Dɛn pipul ya, we na Jefɛt in yon jɛnareshɔn na bin di grampa dɛn fɔ di pipul dɛn we bin de na di kost ɛn ayland dɛn. Dɛn bin gɛt dɛn yon kɔntri, ɛn ɔlman bin de tɔk difrɛn laŋwej wit in yon pipul dɛn.

1 Kronikuls 1:7

Javan in bɔypikin dɛm: Ilaysha, Spen, Sayprɔs ɛn Rods.

Izikɛl 27:6

Dɛn tek di ok tik na Beshan fɔ mek yu padul dɛm; dɛn tek payn tik mek yu dɛk, payn tik we kɔmɔt Sayprɔs in kost dɛm ɛn wok an wit ayvri.

Izikɛl 27:7

Yu sel na bin fayn linin we dɛn wok na Ijipt, we igen na yu flag, yu kanopi na bin blu ɛn pɔpul we kɔmɔt na Ilaysha in kos dɛm.