Jɛnɛsis 10:10 - Krio Fɔs Oli Baybul

¹⁰ In yon say we i bigin rul na Babilɔn, Irɛk, Akad ɛn Kalnɛ; dɛn ɔl bin de insay Shina.

Jɛnɛsis 10:10 Referans Kwoze

Jɛnɛsis 11:9

Na dat mek di siti nem Bebɛl, bikɔs na de PAPA GƆD miksɔp dɛn laŋwej, ɛn na de i skata dɛn go ɔlsay na di wɔl.

Jɛnɛsis 11:2

As di pipul dɛn de wirɔn ɔlɔbɔt na di ist, dɛn rich na Babilɔn; ɛn dɛn tek de mek dɛn siti ɛn tap de.

Mayka 4:10

I se na naw dɛn fɔ kray ɛn rol na grɔn lɛk uman we wan bɔn bikɔs dɛn gɛt fɔ kɔmɔt na di siti go tap na opin ples. I se dɛn go go Babilɔn bɔt PAPA GƆD go pul dɛn na dɛn ɛnimi dɛn an.

Jɛnɛsis 14:1

Dɛn fo kiŋ ya so, Amrafɛl, di kiŋ na Shina; Ariɔk, di kiŋ na Ɛlasa; Kɛdɔlaoma, kiŋ na Ilam; ɛn Tidal, kiŋ na Goim,

Zɛkaraya 5:11

I se dɛn de kɛr am go na Babilɔn usay dɛn go bil os fɔ am ɛn we dɛn go dɔn bil di os dɔn, dɛn go put am de fɔ pipul dɛn fɔ go wɔship.

Mayka 5:6

Dɛn go win di Asirian dɛn ɛn tek dɛn land ɛn di land usay Nimrɔd, da wɔndaful sojaman de. Dɔn i go pul dɛn na di Asirian dɛn an we di Asirian dɛn go go insay di Izrɛlayt dɛn yon siti go aras dɛn.

Emɔs 6:2

Una de tɛl di pipul dɛn se lɛ dɛn go luk na Kalnɛ, dɔn lɛ dɛn go luk bak na Amath we na big siti, dɔn igen lɛ dɛn go dɔŋ na Gath we na di Filistin dɛn siti, lɛ dɛn go si if ɛniwan pan dɛn siti de pawaful lɛk Izrɛl ɛn Juda ɔ if dɛn gɛt land lɛkɛ una.

Jɛrimaya 50:21

PAPA GƆD se, “Una go atak Mɛrataim, ɛn una go atak di pipul dɛn na Pɛkɔd. Una kil dɛm ɛn nyakanyaka dɛm, ɛn una fɔ du ɔl wetin a se una fɔ du paopa.

Ayzaya 39:1

Da tɛn de Mɛrodak Baladan, we na kiŋ na Babilɔn, ɛn sɛf na Baladan in bɔypikin, bin sɛn ambasedɔ dɛn wit lɛta ɛn prɛzɛnt to Ɛzikaya, bikɔs i yɛri se i bin sik, bɔt i dɔn wɛl.

Ayzaya 11:11

Da de de, PAPA GƆD go ɛp sɛkɛn tɛm fɔ briŋ di balans pan in pipul dɛn we bin lɛf, kɔmɔt Asiria, Ijipt, Patrɔs, Itiopia, Ilam, Babilonia, Emat ɛn di land dɛn we de na di kost.

Ayzaya 10:9

Kalno nɔ tan lɛk Kakɛmish? Emat nɔ tan lɛk Apad? Sameria nɔ tan lɛk Damaskɔs?

Daniɛl 1:2

PAPA GƆD bin mek Nɛbyukadnɛza kapchɔ Jɛoiakim, Juda dɛn kiŋ, ɛn sɔm pan di oli tin dɛn we dɛn bin de yuz na PAPA GƆD in os. Nɛbyukadnɛza bin kɛr dɛn ɔl go nain gɔd in os na Shina, ɛn bin put di oli tin dɛn, na di ples we dɛn bin de kip dɛn gɔd in fayn fayn tin dɛn.

Jɛnɛsis 10:9

PAPA GƆD gi am skil fɔ ɔntin. Ɛn na dat mek pipul dɛn kin tɔk se, “PAPA GƆD dɔn mek pɔsin sabi ɔntin lɛkɛ Nimrɔd!”

Jɛrimaya 21:2

“Fɛnɔt to PAPA GƆD fɔ wi, bikɔs Nɛbyukadnɛza we na kiŋ na Babilɔn de mek wa pan wi; sɔntɛnde, PAPA GƆD go yuz ɔl in wɔndaful tin dɛn we i kin du, fɔ ɛp wi, ɛn i go mek i fred fɔ fɛt wi.”

Jɛrimaya 50:1

Di wɔd we PAPA GƆD tɔk bɔt Babilɔn ɛn di pipul dɛn na Babilɔn, we Jɛrimaya we na prɔfɛt, bin tɔk.

Izikɛl 27:23

Erab, Kanɛ, Idɛn, Ashu ɛn Kilman bin tredin wit yu