Jɛnɛsis 1:25 - Krio Fɔs Oli Baybul

²⁵ So PAPA GƆD mek ɔlkayn animal kam na wɔl: big wan o, smɔl wan o, wayl wan o, ɛn dɛn wan we go tap wit pipul na os. Dɛn ɔl fɔ bɔn pikin we tan lɛkɛ dɛnsɛf. PAPA GƆD bin si se i gud.

Jɛnɛsis 1:25 Referans Kwoze

Jɛrimaya 27:5

“Na mi we tek mi gret pawa ɛn mi an we a opin wayd wayd wan, mek dis wɔl, di mɔtalman ɛn di animal dɛm we de na wɔl, ɛn a gi am to udat a fil se rayt to mi, fɔ gi.

Job 26:13

I blo wit in mɔt we mek di skay klia, ɛn yuz in an fɔ kil da snek we bin de rɔnawe.

Fɔs Lɛta To Timoti 4:5

Na Gɔd in wɔd ɛn di pre we pɔsin de pre de mek Gɔd put in blɛsin pan di it.

Jɛnɛsis 7:21

Ɔltin we bin de na di wɔl day, ɔl dɛn bɔd, animal, di wan dɛn we tap wit pipul, di wayl bist, ɛn ɔl dɛn mɔtalman sɛf.

Jɛnɛsis 7:22

Ɔltin we bin de na di wɔl we gɛt layf day.

Job 12:7

Aks di bist dɛn fɔ tich yu bɔt PAPA GƆD; aks dɛn bɔd sɛf we de flay, ɛn dɛnsɛf go tɛl yu;

Job 41:12

“A mɔs tɛl una bɔt in fut dɛn, ɔ in trɛnk, ɔ in bɔdi.