Jɛnɛsis 1:21 - Krio Fɔs Oli Baybul

²¹ So PAPA GƆD mek big big si krichɔ dɛn fɔ de insay wata, ɛn ɔlkayn pan ɔl di ɔda si animal dɛm, ɛn ɔlkayn difrɛn bɔd dɛn we de flay. PAPA GƆD bin si se i gud.

Jɛnɛsis 1:21 Referans Kwoze

Jɛnɛsis 1:25

So PAPA GƆD mek ɔlkayn animal kam na wɔl: big wan o, smɔl wan o, wayl wan o, ɛn dɛn wan we go tap wit pipul na os. Dɛn ɔl fɔ bɔn pikin we tan lɛkɛ dɛnsɛf. PAPA GƆD bin si se i gud.

Jɛnɛsis 8:19

Ɔl di animal ɛn bɔd dɛn bin kɔmɔt insay di ak bay pia, wankayn to wankayn.

Jɛnɛsis 8:17

Pul ɔl di bɔd ɛn di animal dɛn na do, dɛn go bɔn pikin ɛn de ɔlsay na di wɔl.”

Ɛksodɔs 8:3

Di riva Nayl go ful-ɔp wit akpɔlɔ. Di akpɔlɔ dɛn go kɔmɔt na di riva ɛn go na yu os, yu rum, pantap yu bed, na yu ɔfisa ɛn yu pipul dɛn os, ɛn ivin insay yu ovin ɛn yu bekin pan dɛn.

Ɛksodɔs 1:7

Bɔt dɛn yon jɛnareshɔn dɛn we na di Izrɛlayt dɛn, bin dɔn bɔn bɔku bɔku pikin dɛn. Dɛn bin so bɔku ɛn dɛn de ɔlɔbɔt na di kɔntri.

Jɛnɛsis 9:7

“Una fɔ bɔn bɔku bɔku pikin so dat una go de ɔlsay na di wɔl.”

Jɛnɛsis 7:14

Ɔlkayn animal bin de insay di ak; di wan dɛn fɔ tap wit pipul ɛn dɛn wayl bist, big ɛn smɔl, ɛn ɔlkayn bɔd.

Jɛnɛsis 6:20

Tek tu-tu pan ɔl di difrɛn difrɛn bɔd dɛn, tu-tu pan di difrɛn difrɛn animal dɛn, tu-tu pan ɔltin we de krip na grɔn. Yu fɔ tek tu-tu pan ɔl wetin a dɔn mek fɔ de wit yu insay di ak mek dɛn nɔ day.

Job 26:5

Dɛn dayman dɛn spirit trimbul, ivin di si dɛn ɛn di wan dɛn we tap de.

Job 7:12

Mi nɔto watasay ɔ watasay dɛbul, we fɔ de wach wetin a de du ɔltɛm.

Jɛnɛsis 1:31

PAPA GƆD luk ɔl wetin i bin dɔn mek, ɛn i si se ɔltin gud ɛn fayn. Ivin tɛm kam ɛn do klin - dat na bin di de we mek siks.

Jɛnɛsis 1:18

ɛn fɔ sho layt de ɛn nɛt, ɛn fɔ sheb layt ɛn daknɛs. PAPA GƆD bin si se i gud.

Matyu 12:40

Lɛkɛ aw prɔfɛt Jona bin de tri de ɛn nɛt na di big fish in bɛlɛ, na so dɛn go bɛr Mɔtalman Pikin, ɛn i go de tri de ɛn nɛt ɔnda di grɔn.

Jona 1:17

PAPA GƆD mek wan big big fish swɛla Jona ɛn i lɛf insay di fish in bɛlɛ fɔ tri de.

Izikɛl 32:2

“Mɔtalman in bɔypikin, siŋ wan berin siŋ oba Ijipt in kiŋ Fero ɛn se: “yu tink yusɛf se yu na layɔn pan di neshɔn dɛm, bɔt yu na lɛk wan aligeta na di si wata; yu bɔs kɔmɔt na yu riva wata dɛm, miks miks di wata dɛm wit yu fut dɛn, ɛn dɔti, te i smɛl, dɛn riva wata.

Jona 2:10

So PAPA GƆD tɛl di fish we bin swɛla Jona fɔ vɔmit am na di shɔ, ɛn i vɔmit am.

Jɛnɛsis 1:20

Dɛn PAPA GƆD se, “Mek ɔlkayn tin we gɛt layf de bɔku bɔku wan insay di wata, ɛn mek bɔd dɛn flay ɔpskay.”

Jɛnɛsis 1:22

PAPA GƆD blɛs dɛn ɛn se, “Una bɔn bɔku bɔku pikin dɛn fɔ mek una go bɔku na di wata we de na di si ɛn mek di bɔd dɛnsɛf bɔn bɔku pikin dɛm.”

Jɛnɛsis 9:2

Ɔl dɛn animal, dɛn bɔd, ɛn fish dɛn go de fred una. Na una go de kɔntrol dɛn.

Di Sam Dɛm 148:7

Una we de dɔŋ na di wɔl fɔ prez PAPA GƆD de, di wan dɛn we tap na wata ɛn di dip dip si,

Jɛnɛsis 2:19

PAPA GƆD bin dɔn tek sɔm dɔti na grɔn mek ɔl dɛn animal ɛn ɔl dɛn bɔd. Dɛn i briŋ dɛn kam to di man fɔ si uskayn nem i go gi dɛm; ɛni nem we i gi dɛm, na da nem de lɛf pan dɛm. Na so dɛn ɔl tek gɛt dɛn nem.

Job 12:7

Aks di bist dɛn fɔ tich yu bɔt PAPA GƆD; aks dɛn bɔd sɛf we de flay, ɛn dɛnsɛf go tɛl yu;