Jɛnɛsis 1:16 - Krio Fɔs Oli Baybul

¹⁶ So PAPA GƆD mek di tu big layt dɛm lɛ di san we na di big wan go de, de tɛm, ɛn di mun we na di smɔl wan, shayn na nɛt. I mek di sta dɛnsɛf.

Jɛnɛsis 1:16 Referans Kwoze

Ditarɔnɔmi 4:19

A advays dɛn igen se lɛ dɛn tek tɛm lɛ dɛn nɔ kɔle pan di san mun ɛn sta dɛn ɛn ɔl di ɔda tin dɛn we de ɔp na di skay te dɛn at kɔmɔt pan PAPA GƆD ɛn bigin wɔship dɛn. I se PAPA GƆD we na dɛn PAPA GƆD put dɛn ɔlsay na di wɔl fɔ ɔda pipul dɛn fɔ wɔship bɔt nɔto fɔ Izrɛl.

Di Sam Dɛm 8:3

Wɛn a tink bɔt di tin dɛn ɔp klawd we yu tek yu an mek, di mun ɛn di sta dɛn we yu put na di skay,

Ayzaya 40:26

Es yu yay ɔp ɛn si: udat mek dɛn wan ya? In we de pul di san mun ɛn sta dɛn, ɛn kɔnt dɛn, de kɔl dɛn ɔl bay nem; bikɔs i gɛt trɛnk bad bad wan, ɛn gɛt pawa bad bad wan nɔn pan dɛn nɔ lɔs.

Di Sam Dɛm 148:5

Dɛn ɔl fɔ prez PAPA GƆD, bikɔs na tɔk nɔmɔ i tɔk we dɛn apia.

Di Sam Dɛm 74:16

Na yu mek de ɛn nɛt, na yu mek di mun ɛn di san.

Di Sam Dɛm 148:3

Di san ɛn di mun ɔl fɔ prez am, ivin di sta dɛn we de shayn fɔ prez am.

Job 38:7

we di mɔnin sta dɛn bin de siŋ togɛda, ɛn ɔl PAPA GƆD in pikin dɛn bin de ala wit gladi?

1 Kɔrint 15:41

Di san fayn in yon fayn, di mun fayn in yon fayn, di sta dɛn fayn dɛn yon fayn; pan di sta dɛnsɛf, sɔm fayn wan kayn fayn, ɔda wan dɛn fayn ɔda kayn fayn.

Matyu 27:45

Ɔl di wɔl dak fɔ tri awa frɔm twɛlv oklɔk santɛm sote tri oklɔk.

Abakɔk 3:11

Di san ɛn di mun nɔ gri fɔ shayn igen we dɛn si aw yu aro dɛn de flay, ɛn yu spia de shayn na di laytin.

Ayzaya 45:7

A mek layt ɛn daknɛs, A mek gladi gladi ɛn waala, na Mi na PAPA GƆD, we de du ɔl dɛn tin ya.

Ayzaya 13:10

Bikɔs di sta dɛn na ɛvin ɛn dɛn kɔmpin dɛn we kin de bay grup nɔ go sho layt; di san go dak we i kɔmɔt ɛn di mun nɔ go shayn.

Di Sam Dɛm 19:6

Di san de grap na wan ɛnd dɔn i go dɔŋ na di ɔda ɛnd; ɔltin de fil di san wɛn san wam.

Rɛvɛleshɔn 21:23

Da tɔŋ de nɔ nid san, i nɔ nid mun fɔ layt am, bikɔs na di layt we de kɔmɔt pan Gɔd, ɛn di Ship insɛf, de layt am.

Ayzaya 24:23

Di mun go sɔprayz, ɛn di san go shem; bikɔs PAPA GƆD Ɔlmayti go ren na Mawnt Zayɔn ɛn insay Jerusɛlɛm ɛn na frɔnt di bigman dɛn i go sho in pawa.

Job 31:26

if a bin de luk di san ɔ di mun bikɔs i fayn fɔ si,

Matyu 24:29

“Jɛs ɔl dɛn trɔbul de dɔn, di san go dak, di mun nɔ go shayn igen, di sta dɛn go fɔdɔm kɔmɔt na klawd, ɛn di pawa dɛn we de na di klawd go muf kɔmɔt na di ples we dɛn bin de.

Jɛnɛsis 1:15

Mek dɛn go shayn na di skay fɔ gi layt na di wɔl,” ɛn dat bin bi.

Jɛrimaya 31:35

Na dis PAPA GƆD se, udat gi di san fɔ bi layt santɛm ɛn fiks di mun ɛn di sta dɛm ɔdali fɔ gi layt na nɛt, udat de shek shek di si so dat di swɛlin dɛn go ala– na PAPA GƆD Ɔlmayti nain nem;