Jɛnɛsis 1:14 - Krio Fɔs Oli Baybul

¹⁴ Dɛn PAPA GƆD se, “Mek layt dɛn kam na di skay fɔ sheb de ɛn nɛt, ɛn we go sho di de dɛn, di ia dɛn, ɛn di sizin dɛn.

Jɛnɛsis 1:14 Referans Kwoze

Ditarɔnɔmi 4:19

A advays dɛn igen se lɛ dɛn tek tɛm lɛ dɛn nɔ kɔle pan di san mun ɛn sta dɛn ɛn ɔl di ɔda tin dɛn we de ɔp na di skay te dɛn at kɔmɔt pan PAPA GƆD ɛn bigin wɔship dɛn. I se PAPA GƆD we na dɛn PAPA GƆD put dɛn ɔlsay na di wɔl fɔ ɔda pipul dɛn fɔ wɔship bɔt nɔto fɔ Izrɛl.

Jɛrimaya 31:35

Na dis PAPA GƆD se, udat gi di san fɔ bi layt santɛm ɛn fiks di mun ɛn di sta dɛm ɔdali fɔ gi layt na nɛt, udat de shek shek di si so dat di swɛlin dɛn go ala– na PAPA GƆD Ɔlmayti nain nem;

Di Sam Dɛm 148:3

Di san ɛn di mun ɔl fɔ prez am, ivin di sta dɛn we de shayn fɔ prez am.

Di Sam Dɛm 148:6

I put dɛn usay dɛn go de sote go; i gi dɛn lɔ we dɛn nɔ go ɛva brok.

Emɔs 5:8

Di wan we mek ɛvin ɛn dɛn sta, we de tɔn nɛt to de, ɛn de to nɛt, we de tek di wata na di si, ɛn wata di grɔn, nain nem PAPA GƆD,

Joɛl 3:15

Di san ɛn di mun ɔl go dak ɛn di sta dɛn nɔ go gri fɔ shayn.

Jɛrimaya 10:2

Na dis PAPA GƆD se: “Una nɔ lan dɛn ɔda neshɔn dɛn we, ɔ mek dɛn sayn dɛn we de sho ɔp di skay pwɛl una at bikɔs dɛn neshɔn dɛm kin fred dɛm,

Di Sam Dɛm 81:3

Blo di trɔmpɛt we mun ful, fɔ sho se tɛm dɔn rich fɔ bigin di sɛlibreshɔn;

Jɛnɛsis 8:22

Wans di wɔl nɔ dɔn yet, tɛm go de fɔ plant ɛn tɛm go de fɔ avɛst; di ples go kol ɛn di ples go wam; Sɔma ɛn Winta” go de; do go klin, nɛt go kam. Ɔl dis nɔ go ɛva tap.

Ayzaya 40:26

Es yu yay ɔp ɛn si: udat mek dɛn wan ya? In we de pul di san mun ɛn sta dɛn, ɛn kɔnt dɛn, de kɔl dɛn ɔl bay nem; bikɔs i gɛt trɛnk bad bad wan, ɛn gɛt pawa bad bad wan nɔn pan dɛn nɔ lɔs.

Matyu 24:29

“Jɛs ɔl dɛn trɔbul de dɔn, di san go dak, di mun nɔ go shayn igen, di sta dɛn go fɔdɔm kɔmɔt na klawd, ɛn di pawa dɛn we de na di klawd go muf kɔmɔt na di ples we dɛn bin de.

Emɔs 8:9

Wande wande a go mek di san go dɔŋ santɛm dɔn di ples dak de tɛm. Na mi PAPA GƆD we na GƆD dɔn tɔk so.

Joɛl 2:10

Wɛn dɛn bɔs, di ath trimbul, ɛvin sɛf trimbul. Di san ɛn mun ɔl dak ɛn di sta dɛn nɔ gri shayn igen

Jɛrimaya 33:20

“Na dis PAPA GƆD se: if una kin brok mi Kɔvinant wit santɛm ɛn mi Kɔvinant wit nɛt, so dat de ɛn nɛt nɔ go kam di tɛm we dɛn fɔ kam,

Rɛvɛleshɔn 6:12

Dɛn a si di Ship opin di pepa we rol na di say we mek siks we bin fasin. Na de di grɔn bigin trimbul bad bad wan, di san blak, lɛkɛ dɛn tik blak klos, di mun rɛd lɛkɛ blɔd.

Matyu 2:2

Dɛn bigin aks pipul se, “Usay da pikin we bɔn fɔ kam bi dɛn Ju pipul dɛn kiŋ, de? Wi dɔn si in sta na di ist ɛn wi kam fɔ pre to am.”

Izikɛl 46:1

Na dis Papa Gɔd we na Gɔd se: di insay kɔt in get we fesin di ist go lɔk fɔ di siks de we dɛn de wok; bɔt i go opin di de fɔ blo ɛn rɛst, ɛn di de fɔ di nyu mun.

Jɛrimaya 33:25

Na dis PAPA GƆD se: If a nɔ bin dɔn mek mi Kɔvinant wit de ɛn nɛt, ɛn di lɔ dɛn we de kɔntrol ɛvin ɛn ath,

Job 25:5

Di mun we na di mun nɔ brayt, ɛn di sta dɛn nɔ klin na PAPA GƆD in yay;

Jɛnɛsis 9:13

A de put mi rembo ɔp na di klawd we go bi di sayn fɔ dis Kɔvinant wit di wɔl.

Rɛvɛleshɔn 8:12

Di enjɛl we mek fo blo in trɔmpɛt. Sɔntin nak wan pam tri pat pan di san we mek da pat de dak; sɔntin nak wan pan di tri pat pan di mun we mek da pat de dak; sɔntin nak wan pat pan di tri say we di sta dɛn de we mek dɛn dak; so dat mek, wan pat pam tri pat na de tɛm dak, ɛn na semwe so i bin bi na nɛt.

Lyuk 23:45

Di tik, tik kɔtin we bin ɛŋ insay Gɔd in Os chɛr midul kam dɔŋ.

Mak 13:24

“Afta pipul dɔn sɔfa ɔl dɛn tin ya, di san go dak, di mun nɔ go shayn igen.

Izikɛl 46:6

Di nyu mun de, i go ɔfa wan yɔŋ man kaw we nɔ gɛt ɛni bɔt, ɛn siks ship pikin, ɛn wan manship we nɔ gɛt ɛni bɔt.

Di Sam Dɛm 119:91

Ɔltin de lɛkɛ aw yu bin dɔn tɔk as dɛn ɔl de fɔ obe yu.

Job 25:3

Ɛnibɔdi ebul kɔnt PAPA GƆD in sojaman dɛn? Udat de we PAPA GƆD in layt nɔ de shayn pan?

Job 3:9

Lɛ di sta dɛn we kin shayn na mɔnin lɔs; lɛ di abop we i de abop se do de klin, bi fɔ natin,

Rɛvɛleshɔn 9:2

Di sta opin di dip ol, na de plɛnti smok kɔmɔt insay de, lɛkɛ se na big big faya i de kɔmɔt; di san in layt nɔ shayn, bikɔs di smok mek di ples dak.

Jɛnɛsis 1:13

Ivin tɛm kam ɛn do klin, dat na bin di tɔd de.

Jɛnɛsis 1:15

Mek dɛn go shayn na di skay fɔ gi layt na di wɔl,” ɛn dat bin bi.

Di Sam Dɛm 150:1

Lɛ wi prez PAPA GƆD! Prez PAPA GƆD we yu de insay in os! Prez am we yu de na ɛvin usay i de!