Jɛnɛsis 1:12 - Krio Fɔs Oli Baybul

¹² So di grɔn bin ful wit plant ɛn tik we de pul sid, ɛn dɛn sid de sɛf bin bia ɔda plant ɛn tik dɛn lɛkɛ dɛnsɛf. PAPA GƆD si se i gud.

Jɛnɛsis 1:12 Referans Kwoze

Mak 4:28

Na di grɔn de mek sid dɛn gro. Wɛn sid dɛn de gro, na di pat we bɔs fɔs yu kin si fɔs, dɛn yu go si di ɔda pat, dɛn yu go si di tin dɛn we i bia, las.

Lyuk 6:44

Yu go no if tik gud ɔ i nɔ gud bay di tin we i de bia. Pɔsin nɔ go pik fig pan tik we gɛt chuk chuk, ɛn pɔsin nɔ go pik greps pan bush we gɛt chuk chuk.

Lɛta Fɔ Galeshya 6:7

Una nɔ mek unasɛf ful se una kin ful Gɔd. Na wetin una plant, una go gɛt.

2 Kɔrint 9:10

Gɔd, we de gi fama sid fɔ plant, ɛn we de gi wi bred fɔ it, go gi una ɔl di sid we una fɔ gɛt, ɛn mek dɛn gro, so aw una gi plɛnti, na so i go mek una gɛt plɛnti ɛn mek una ebul du plɛnti gud mɔ ɛn mɔ.

Ayzaya 61:11

Bikɔs, lɛk aw yɔŋ plant de bɔs kɔmɔt na grɔn, ɛn lɛk aw gadin de mek wetin dɛn plant insay am, bɔs kam ɔp, na so Papa Gɔd we na Gɔd go mek raychɔsnɛs ɛn prez bɔs bifo ɔl di neshɔn dɛm.

Di Ibru Pipul Dɛn 6:7

Wɛn plɛnti ren dɔn fɔdɔm pan grɔn, dat kin mek tin gro fɔ dɛn pipul we de mek fam, dat min se Gɔd dɔn blɛs di grɔn.

Jɛnɛsis 1:11

Dɛn PAPA GƆD se, “Mek ɔlkayn plant gro na di grɔn; gras gras ɛn dɛn wan we de bia sid. Dɛn lɛ dɛn tik we de bia frut we gɛt sid sɛf de. Di sid dɛn fɔ bia ɔda plant ɛn tik dɛn,” ɛn dat bin bi.

Jɛnɛsis 1:13

Ivin tɛm kam ɛn do klin, dat na bin di tɔd de.

Di Sam Dɛm 104:14

I de mek di gras gro fɔ dɛn animal, ɛn plant dɛn de fɔ mɔtalman as di plant dɛn de mek mɔtalman gɛt it fɔ it;