Jɛnɛsis 1:11 - Krio Fɔs Oli Baybul

¹¹ Dɛn PAPA GƆD se, “Mek ɔlkayn plant gro na di grɔn; gras gras ɛn dɛn wan we de bia sid. Dɛn lɛ dɛn tik we de bia frut we gɛt sid sɛf de. Di sid dɛn fɔ bia ɔda plant ɛn tik dɛn,” ɛn dat bin bi.

Jɛnɛsis 1:11 Referans Kwoze

Di Ibru Pipul Dɛn 6:7

Wɛn plɛnti ren dɔn fɔdɔm pan grɔn, dat kin mek tin gro fɔ dɛn pipul we de mek fam, dat min se Gɔd dɔn blɛs di grɔn.

Di Sam Dɛm 147:8

I kɔba di skay wit klawd; i mek ren fɔdɔm na wɔl ɛn gras gro pantap dɛn il.

Jɛnɛsis 1:29

Dɛn PAPA GƆD se, “Luk ya, a dɔn gi una ɔl dɛn plant we de pul sid na di wanol wɔl, ɛn dɛn tik we de bia frut fɔ mek una go it.

Jɛnɛsis 2:9

I mek fayn fayn tik dɛn gro de we gɛt gud frut fɔ it. Wan tik bin de midul di fam we nem “Layf tik.” Dɛn igen, wan ɔda tik bin de de we nem “Sɛns tik.”

Mak 4:28

Na di grɔn de mek sid dɛn gro. Wɛn sid dɛn de gro, na di pat we bɔs fɔs yu kin si fɔs, dɛn yu go si di ɔda pat, dɛn yu go si di tin dɛn we i bia, las.

Matyu 6:30

Na Gɔd de mek flawa gro pan gras lɛkɛ we pɔsin go wɛr klos, da gras we de tide, ɛn tumara, dɛn go ib am na faya fɔ bɔn. Gɔd nɔ go du pas dat fɔ gi una klos fɔ wɛr? Una nɔ biliv Gɔd lɛkɛ aw una fɔ biliv am!

Job 28:5

Fɔ di grɔn yon, tin dɛn fɔ it de gro de; bɔt ɔnda de in tan lɛk we faya mek ɔltin tɔn ɔpsay dɔŋ.

Di Sam Dɛm 1:3

Dis kayn man tan lɛkɛ we yu plant tik nia watasay, we de bia frut in rayt tɛm ɛn in lif dɛn nɔ de wida. I go bɛtɛ pan ɔl wetin i de du.

Jɛnɛsis 2:5

plant dɛn nɔ bin de na grɔn, ɛn sid sɛf nɔ bin bigin bɔs yet. Natin nɔ bin de gro na di grɔn bikɔs PAPA GƆD nɔ bin mek ren bigin kam yet, ɛn nɔbɔdi nɔ bin de yet fɔ dig di grɔn;

Jems 3:12

Maŋro tik nɔ go bia brɛfut. Lɛm tik nɔ go bia ɔrinch. Semwe so, frɛsh wata nɔ go kɔmɔt na sɔl wata.

Matyu 3:10

Di aks we fɔ tek kɔt di tik dɛn rut dɔn rɛdi naw; ɔl dɛn tik we nɔ de bia gud tin fɔ it, dɛn go kɔt dɛn ɛn trowe dɛn na faya.

Jɛrimaya 17:8

In na lɛk tik we dɛn plant nia watasay, we de sɛn in rut go nia di wata, ɛn nɔ de fred we di ples ɔt, bikɔs in lif dɛn grin ɔltɛm, ɛn nɔ de kɔtat we drawt kam, bikɔs i nɔ de tap fɔ bia frut”

Jɛnɛsis 2:16

I tɛl am se, “Yu kin it di frut dɛn pan ɛni tik na di fam,

1 Kɔrint 15:38

Gɔd de mek di sid lɛkɛ aw i want am fɔ bi; i de mek difrɛn difrɛn kayn sid we go tɔn difrɛn difrɛn kayn plant.

Jɛnɛsis 1:12

So di grɔn bin ful wit plant ɛn tik we de pul sid, ɛn dɛn sid de sɛf bin bia ɔda plant ɛn tik dɛn lɛkɛ dɛnsɛf. PAPA GƆD si se i gud.

Ayzaya 61:11

Bikɔs, lɛk aw yɔŋ plant de bɔs kɔmɔt na grɔn, ɛn lɛk aw gadin de mek wetin dɛn plant insay am, bɔs kam ɔp, na so Papa Gɔd we na Gɔd go mek raychɔsnɛs ɛn prez bɔs bifo ɔl di neshɔn dɛm.