Bikɔs na dis PAPA GƆD se, we mek di skay (nain na Gɔd!), We mol dis wɔl ɛn mek am (i mek i tinap, i nɔ mek i bi ples we nɔ gɛt ɔda, i mek am fɔ pipul fɔ tap!). “Na Mi na PAPA GƆD, ɛn nɔn ɔda wan nɔ de.
“Wi Masta ɛn wi Gɔd! Yu fit fɔ mek wi fɔdɔm na yu fut, ɛn prez yu, ɛn sho se yu gɛt pawa, bikɔs na yu mek ɔltin ɛn yu mek dɛn ɛn gi dɛn layf bikɔs na dat yu want.”
Na dis PAPA GƆD se, PAPA GƆD, we mek di skay ɛn opin am wayd wan, we mek di wɔl ɛn ɔl wetin de de; we gi layf to di pipul dɛn we tap de ɛn spirit to di wan dɛn we de waka de:
Na siks de PAPA GƆD tek fɔ mek ɛvin ɛn ath, di si ɛn ɔl wetin de insay de, bɔt i blo di de we mek sɛvin. So PAPA GƆD insɛf blɛs da de de, ɛn mek am oli.
PAPA GƆD, na yu waŋren na GƆD. Yu mek di ɛvin, ivin insay insay di ɛvin ɛn ɔl di sta dɛn, di wɔl ɛn ɔl wetin de insay am, di si dɛn ɛn ɔl wetin de insay dɛn. Na yu gi layf to ɔltin ɛn di bɔku bɔku tin dɛn na ɛvin de wɔship yu.
PAPA GƆD we sev una, we mol unainsay una mami bɛlɛ, se; “Na Mi na PAPA GƆD we mek ɔl tin, we na Mi wan opin di skay rich ɔlsay, we mek dis wɔl – udat bin de wit mi?
I tɔk lawd wan se, “Una fred Gɔd, ɛn prez am bikɔs i wɔndaful! Di tɛm dɔn kam fɔ mek i jɔj mɔtalman. Una fɔdɔm bifo am ɛn prez am, nain mek ɛvin, nain mek di dray grɔn, di big wata we de rawnd di dray grɔn ɛn dɛn wata we de bɔs na grɔn!”
“Wi pipul dɛn, wetin mek una de du dɛn tin ya? Wi na mɔtalman lɛkɛ unasɛf! Wi kam na ya fɔ tɛl una di Gud Nyuz fɔ mek una lɛf fɔ du dɛn tin ya we go mek una day, ɛn kam to Gɔd we gɛt layf sote go. Na Gɔd mek dis wɔl, di klawd, di wata, ɛn ɔltin we de na di wɔl.
wi stil no se na wangren Gɔd de, we na wi Papa, we mek ɔltin ɛn nain gɛt wi layf; ɛn wi no se na wangren Masta de, dat na Jizɔs Krays we mek ɔltin, ɛn we gi wi layf.
Yu nɔ no yet? Yu nɔ dɔn yɛri? PAPA GƆD na di Gɔd we de sote go, na im mek di wanol wɔl. I nɔ de wik, i nɔ de taya pɔsin nɔ de ebul fɛnɔt fɔ no aw I de tink.
A dɔn put mi wɔd na yu mɔt ɛn dɔn ayd yu ɔnda mi an in shado, de opin di skay wayd, ɛn de le dis wɔl in fawndeshɔn, ɛn de tɛl Zayɔn se, “Una na mi pipul.’”
Wi de rayt to una bɔt di Wɔd we gɛt layf, we bin dɔn de frɔm we Gɔd mek di wɔl. Wi dɔn yɛri am, wi dɔn si am wit wi yon yay, ɛn wi dɔn tɔch am wit wi an.
Es yu yay ɔp ɛn si: udat mek dɛn wan ya? In we de pul di san mun ɛn sta dɛn, ɛn kɔnt dɛn, de kɔl dɛn ɔl bay nem; bikɔs i gɛt trɛnk bad bad wan, ɛn gɛt pawa bad bad wan nɔn pan dɛn nɔ lɔs.
I tɔk igen se, “Ɔl dɛn tin ya dɔn bi. Mi na Alfa, dat na di wan we bigin ɔltin, ɛn Omɛga, dat na di wan we go dɔn ɔltin. If ɛnibɔdi tɔsti, mek i kam to mi, a go gi am pan di wata we de bɔs plɛnti plɛnti we de gi layf; ɛn we fri.
Ɛn Gɔd dɔn pik mi ɛn gi mi di chans fɔ tɛl ɔlman bɔt di tin we i dɔn mekɔp fɔ du we i nɔ mek wi no yet, we go bi. Gɔd we mek ɔl di wɔl nɔ bin mek wi no di tin we i mekɔp fɔ du ɔl dis tɛm ya we dɔn pas,
ɛn yu dɔn fɔgɛt PAPA GƆD we na yu Meka, we bin opin di skay wayd, ɛn le di wɔl in fawndeshɔn ɛn jɛs de fred ol de fɔseka di man we de aras, yu in bad bad vɛksteshɔn, wɛn i rɛdi insɛf fɔ nyakanyaka? Ɛn we in bad bad vɛksteshɔn naw?
“Rayt dis mɛsej ya sɛn am go to di enjɛl we de gyad di Kristiɛn dɛn na Laodisya: “Na di mɛsej dis we di wan we de se ‘Emɛn’ fɔ ɔl Gɔd in wok, sɛn. Nain na di Wan we de tɔk tru ɔltɛm ɛn wɛn i tɔk pipul fɔ biliv wetin i se, nain an ɔl dɛn tin we Gɔd mek, bigin:
Da sem tɛm de Jizɔs se, “Papa, yu we na Masta na ɛvin ɛn dis wɔl! A tɛl yu tɛnki bikɔs yu dɔn sho pikin dɛn we nɔ sabi natin, dɛn tin we yu ayd pan di wan dɛn we gɛt sɛns ɛn lan plɛnti tin.
Dɔn i pre to PAPA GƆD se, “E PAPA GƆD, Izrɛl in PAPA GƆD, yu de ay wan midul dɛn Chɛryubim. Na yu wangren na PAPA GƆD pantap ɔl dɛn kindɔm na wɔl, na yu mek ɛvin ɛn ath.
