Jems 5:20 - Krio Fɔs Oli Baybul

²⁰ una fɔ no se, di pɔsin we briŋ wan sina kam bak na Gɔd rod ɛn ɛp am mek i lɛf fɔ du bad, dɔn sev da pɔsin de ɛn Gɔd go padin am fɔ plɛnti ɔda bad tin dɛn we i du.

Jems 5:20 Referans Kwoze

Pita In Fɔs Lɛta 4:8

Bɔt di tin we pas ɔl, na fɔ mek una lɛk una kɔmpin wit ɔl una at, bikɔs dɛn pipul we lɛk dɛnsɛf kin rɛdi ɔltɛm fɔ padin dɛn kɔmpin wɛn dɛn kɔmpin du dɛn bad.

Prɔvabs 10:12

Bad at de briŋ plaba, bɔt lɔv de mek pɔsin fɔgiv.

Fɔs Lɛta To Timoti 4:16

Yu fɔ bikyaful wetin yu de du ɛn wetin yu de lan pipul. Nɔ fɔ lɛf fɔ du dɛn tin ya; if yu de du dɛn ɔltɛm yu go sev yusɛf ɛn ɔl dɛn wan we de lisin to yu.

Lɛta Fɔ Rom 11:14

Sɔntɛm, we a de du dat, a go mek mi yon Ju kɔntri man dɛn jɛlɔs una, so da we de a kin mek Gɔd sev sɔm pan dɛn.

Prɔvabs 11:30

Udat liv raychɔs layf de mek ɔda pipul bɛnifit; ɛn yu gɛt sɛns de mek pipul de rawnd am.

Jems 5:19

Mi kɔmpin Kristiɛn dɛn, if ɛni wan pan una slipul ɛn kɔmɔt na Gɔd in rod, bɔt sɔmbɔdi briŋ am kam bak,

Jems 1:15

Na di bad we de na pɔsin at de mek di pɔsin want sin, ɛn wɛn pɔsin sin dat go mek i day.

1 Kɔrint 9:22

To dɛn wan we nɔ go fa yet pan Krays in we, a kin mek lɛkɛ se misɛf no go fa yet pan Krays in we, so dat bay aw a de du, dɛn go go fa pan Krays in we: bay aw ɔlman tan na so misɛf de chenj, so a de fɛn ɔl kayn we so dat sɔm pipul mɔs sev.

Prɔvabs 11:4

Mɔni nɔ de sev pɔsin wɛn in tɛm rich fɔ day, bɔt if i ɔnɛs, PAPA GƆD go sev am.

Di Sam Dɛm 32:1

I fayn fɔ da pɔsin we PAPA GƆD dɔn fɔgiv in sin, PAPA GƆD dɔn fɔgiv am kpatakpata.

Jɔn 5:24

“A de tɛl una se, ɛnibɔdi we yɛri mi wɔd ɛn biliv pan di wan we sɛn mi kam na wɔl, dɔn bigin liv di tru layf we go de sote go. Gɔd nɔ go jɔj am, i tan lɛkɛ pɔsin we bin dɔn day, bɔt i dɔn gɛt tru layf naw.

Prɔvabs 10:2

Ɛni jɛntri we yu gɛt bay kruk nɔ de mek yu bɛtɛ, bɔt raychɔs layf de gi lɔŋ layf.

Faylimɔn 1:19

A de sayn na ya wit mi yon an: Mi, Pɔl, go pe yu ɛnitin we Onɛsimɔs gɛt fɔ pe yu. (A nɔ go tɔk bɔt di dɛt we yu gɛt fɔ pe mi, da dɛt de na yu layf.)

Rɛvɛleshɔn 20:6

Ɔl dɛn pipul we fɔs kam gɛt layf bak afta dɛn bin dɔn day na pipul we gɛt blɛsin, dɛn gɛt wɔndaful blɛsin. Di sɛkɛn day nɔ go du dɛn natin; dɛn go bi pipul we de mek sakrifays to Gɔd ɛn Krays, ɛn dɛn go rul wit am fɔ wan tawzin ia.

Prɔvabs 17:9

If yu want lɛ pipul lɛk yu, na fɔ fɔgiv dɛn; bɔt if yu tɔk tumɔs bɔt di bad we dɛn du, una padi go skata.

1 Kɔrint 1:21

Gɔd yus in sɛns fɔ mek mɔtalman nɔ ebul fɛn am wit in yon sɛns. Bɔt i mekɔp fɔ tek di prich we wi de prich bɔt di day we Jizɔs day na di krɔs we tan lɛkɛ nɔnsɛns, fɔ sev dɛn wan we biliv pan Jizɔs.

Jems 1:21

Na dat mek a de tɛl una se, mek una pul ɔltin we bad kɔmɔt na una layf. Una put unasɛf ɔnda Gɔd ɛn mek di wɔd we i dɔn put na una at sidɔm, bikɔs in wɔd gɛt pawa fɔ sev una.

Jems 5:15

If dɛn biliv se Gɔd go du wetin dɛn de pre fɔ, di sik pɔsin go wɛl. Gɔd go mek i wɛl gud gud, ɛn pantap dat, if di pɔsin bin dɔn du bad, Gɔd go padin am.