Jems 5:17 - Krio Fɔs Oli Baybul

¹⁷ Ilayja na bin mɔtalman lɛkɛ wisɛf. I pre wit ɔl in at fɔ mek ren nɔ kam ɛn tri ia ɛn siks mɔnt wan ren nɔ fɔdɔm.

Jems 5:17 Referans Kwoze

1 Kiŋ 17:1

Wan Tishbayt we nem Ilayja we kɔmɔt Tishbɛ na Giliad go to kiŋ Eab ɛn tɛl am se, “As lɔŋ as PAPA GƆD, PAPA GƆD fɔ Izrɛl we nain a de sav de alayv, wan drɔp ren ɔ dyu nɔ go fɔdɔm na ya fɔ di nɛks tu-tri ia te a se so.”

Lyuk 4:25

“Una lisin mi; di tɛm we Ilayja bin de na Izrɛl, ren nɔ kam fɔ tri ia ɛn siks mɔnt ɛn bad aŋri bin de na di kɔntri, ɛn plɛnti uman we dɛn man bin dɔn day bin de na Izrɛl.

Rɛvɛleshɔn 11:6

Dɛn gɛt pawa fɔ ol di ren mek i nɔ fɔdɔm di tɛm we dɛn de tɛl pipul di mɛsej we Gɔd sɛn. Ɛn igen, dɛn gɛt pawa fɔ mek wata we bɔs na grɔn tɔn blɔd; dɛn gɛt pawa fɔ sɛn ɛni kayn bad bad tin kam na di wɔl, ɛnitɛm we dɛn lɛk.

1 Kiŋ 18:1

Afta sɔm tɛm dɔn pas, dat na tri ia frɔm we ren lɛf fɔ kam, PAPA GƆD tɔk to Ilayja. I se, “Go sho yusɛf to Eab, a go mek ren bigin kam bak.”

Apɔsul Dɛn Wok 14:15

“Wi pipul dɛn, wetin mek una de du dɛn tin ya? Wi na mɔtalman lɛkɛ unasɛf! Wi kam na ya fɔ tɛl una di Gud Nyuz fɔ mek una lɛf fɔ du dɛn tin ya we go mek una day, ɛn kam to Gɔd we gɛt layf sote go. Na Gɔd mek dis wɔl, di klawd, di wata, ɛn ɔltin we de na di wɔl.

Apɔsul Dɛn Wok 10:26

Pita tɛl am se, “Grap, mi na mɔtalman.”

Lɛta Fɔ Rom 11:2

Nɔ, Gɔd nɔ se in nɔ want in yon pipul dɛn we i bin dɔn pik lɔntɛm. Una no wetin rayt na Gɔd in Buk, da say we Ilayja tɔk traŋa wan bɔt di Ju pipul dɛn, we i tɔk to Gɔd se: