Jems 5:16 - Krio Fɔs Oli Baybul

¹⁶ Na dat mek, una fɔ tɛl una kɔmpin Kristiɛn di sin dɛn we una dɔn sin ɛn una fɔ pre mek Gɔd mek una wɛl. Wɛn pɔsin we de waka tret bifo Gɔd pre, da pre de gɛt pawa ɛn Gɔd go ansa am.

Jems 5:16 Referans Kwoze

Prɔvabs 15:29

PAPA GƆD nɔ de nia bad man, bɔt de ansa udat de waka tret wan in prea.

Matyu 21:22

Wɛn una de pre to Gɔd fɔ du sɔntin, i go du am if una biliv se i go du am.”

Jɔn 9:31

Wi no se Gɔd nɔ de ansa wɛn pɔsin we gɛt sin nain layf pre to am. Gɔd de ansa ɔl dɛn pipul we rɛspɛkt am ɛn we de du ɔl wetin i tɛl dɛn fɔ du.

Di Sam Dɛm 34:15

PAPA GƆD de wach ɔl udat de du tin tret wan ɛn de yɛri we dɛn de kray;

Pita In Fɔs Lɛta 2:24

Krays insɛf kɛr wi sin go na di krɔs go day de fɔ dɛn, so dat wi go want du wetin rayt ɔltɛm. Di wund we dɛn bin wund Krays nain dɔn mek una wɛl.

Jɛrimaya 33:3

Kɔl mi ɛn a go ansa yu, ɛn a go tɛl yu di wɔndaful tin dɛn we ayd we yu nɔ no yet.

Jɔn In Fɔs Lɛta 3:22

Gɔd de gi wi ɛnitin we wi aks am fɔ, bikɔs wi de du wetin i de tɛl wi fɔ du ɛn dɛn tin we mek i satisfay.

Prɔvabs 15:8

PAPA GƆD et di sakrifays we bad pɔsin de mek to am, bɔt i de gladi fɔ yɛri gud pɔsin in prea.

Apɔsul Dɛn Wok 19:18

Plɛnti pan di Kristiɛn dɛn tɔk se dɛn bin dɔn du bad ɛn dɛn tɔk bifo ɔlman bɔt di bad tin dɛn we dɛn bin dɔn du.

Fɔs Lɛta Fɔ Tɛsalonayka 5:17

una fɔ de pre ɔltɛm,

Job 42:8

PAPA GƆD se dɛn fɔ kɛr sɛvin man kaw ɛn sɛvin man ship go to Job we nain wokman, ɛn go ɔfa sakrifays we dɛn de bɔn na faya, fɔ pul dɛn ed. I se Job go pre fɔ dɛn ɛn in go ansa di pre we Job go pre, lɛ in nɔ pɔnish dɛn fɔ di fulish tin we dɛn du; i se dat na we dɛn nɔ se di rayt tin bɔt am, bɔt Job in bin se di rayt tin.

Jɛnɛsis 20:17

Ebraam pre fɔ Abimɛlɛk, in wɛf ɛn ɔl di ɔda uman dɛn nain os we mek dɛn bigin bɔn pikin.

Prɔvabs 28:9

Udat nɔ obe PAPA GƆD in lɔ, PAPA GƆD et in prea ɛn nɔ go ansa dɛnsɛf we i de pre.

2 Kronikuls 30:20

Ɛn PAPA GƆD yɛri Ɛzikaya in prea ɛn il di pipul dɛm.

Di Nɔmba Dɛm 11:2

Di pipul ala fɔ lɛ Mozis ɛp dɛn, so Mozis pre to PAPA GƆD ɛn in mek di faya ɔt.

Di Ibru Pipul Dɛn 12:13

Una waka na di tret rod, so dat di wan we in fut nɔ traŋa nɔ go fɔdɔm ɛn ambɔg in fut, bɔt in fut go wɛl ɛn insɛf go ebul waka na di tret rod.

Fɔs Lɛta Fɔ Tɛsalonayka 5:25

Wi brɔda dɛn, una pre fɔ wi.

Matyu 3:6

Dɛn kin tɛl Gɔd ɔl di bad tin dɛn we dɛn dɔn du, dɛn Jɔn kin baptayz dɛn na Riva Jɔdan.

Di Ibru Pipul Dɛn 13:18

Una pre fɔ wi ɔltɛm. Wi no gud wan se wi dɔn du ɔl wetin wi no se wi fɔ du, bikɔs wi bin want du wetin rayt ɔltɛm.

Di Ibru Pipul Dɛn 11:7

Na bikɔs Noa bin biliv Gɔd mek i lisin di tɛm we Gɔd wɔn am bɔt dɛn tin we go bi. Pan ɔl we i nɔ bin si di tin dɛn yet, Noa du wetin Gɔd tɛl am fɔ du. I mek wan big bot we in, in wɛf ɛn in pikin dɛn go insay, so di wata we bin kɔba di wɔl nɔ bin du dɛn natin. So di biliv we Noa biliv Gɔd dɔn pruv se di pipul dɛn na di wɔl bin de du bad we dɛn nɔ bin biliv Gɔd. Gɔd tek Noa fɔ bi tret pɔsin bikɔs Noa bin biliv am.

Lɛta Fɔ Rom 5:19

Ɛn lɛkɛ aw wɛn wan man nɔ du wetin Gɔd tɛl am fɔ du, dat mek ɔlman sin; semwe so Gɔd go mek ɔltin rayt bitwin in ɛn plɛnti pipul we biliv pan am, bikɔs Jizɔs Krays du wetin i tɛl am fɔ du.

Lɛta Fɔ Rom 3:10

Lɛkɛ aw dɛn rayt na Gɔd in Buk se: “Nɔbɔdi nɔ de we de du ɔl wetin Gɔd want am fɔ du,

Jɔshwa 10:12

Da de de we PAPA GƆD bin mek Izrɛl bit di Amorayt dɛn, Jɔshwa bin tɔk to PAPA GƆD. Ɔl di Izrɛlayt dɛn bin de de. I se, “San, tinap oba Gibɛɔn ɛn nɔ muf; Mun yu tinap oba Aijalɔn Vali,”

Di Ibru Pipul Dɛn 11:4

Na bikɔs Ebɛl bin biliv Gɔd, mek i mek bɛtɛ sakrifays to Gɔd, pas di wan we Ken mek. Na bikɔs Ebɛl bin biliv Gɔd mek Gɔd se Ebɛl na tret pɔsin. Na we Gɔd tek di sakrifays we Ebɛl mek mek wi no se Gɔd se Ebɛl na tret pɔsin. Pan ɔl we Ebɛl dɔn day, wi stil de lan bɔt wetin i min fɔ biliv Gɔd bay aw in bin biliv Gɔd.

Apɔsul Dɛn Wok 10:38

Una no se Gɔd bin gi Jizɔs we kɔmɔt Nazarɛt in Spirit ɛn in pawa. Jizɔs bin de go ɔlɔbɔt de du gud fɔ pipul ɛn i mɛn ɔl dɛn wan we bin gɛt dɛbul insay dɛn. I bin ebul du ɔl dɛn tin ya bikɔs Gɔd bin de wit am.

Jɛnɛsis 19:29

We PAPA GƆD bin wan pwɛl di siti dɛn we de na di vali usay Lɔt bin tap, i mɛmba Ebraam ɛn na dat mek i sev Lɔt ɛn nɔ mek natin du am.

Jɛrimaya 15:1

Nain PAPA GƆD tɛl mi se, ‘Ɔlwe Mozis ɛn Samiɛl bin tinap bifo mi, mi at stil nɔ bin tek dɛn pipul ya. Drɛb dɛn kɔmɔt bifo mi lɛ dɛn go!

1 Kiŋ 13:6

Nain di kiŋ beg di prɔfɛt lɛ i pre fɔ am to PAPA GƆD mek di an gɛt layf bak.

Jɛnɛsis 32:28

Nain di man tɛl am se in nɔ go nem Jekɔb igen In nem naw na Izrɛl bikɔs i dɔn chalenj wit PAPA GƆD ɛn mɔtalman, ɛn i dɔn win.

Jɛnɛsis 20:7

So naw, sɛn di uman go bak to in man. Na prɔfɛt, i go pre fɔ yu, ɛn yu nɔ go day. Mek a wɔn yu. If yu nɔ sɛn am go bak, no se yu wangren nɔ go day, yu ɛn ɔl yu pipul dɛn go day.”

1 Samiɛl 12:18

So Samiɛl pre to PAPA GƆD ɛn da sem de de, tɛnda rol, dɔn big big ren fɔdɔm. Na so ɔl di pipul lɛf mɔt de wɔnda pan PAPA GƆD ɛn pan Samiɛl.

Ɛksodɔs 17:11

Ɛnitɛm nɔmɔ we Mozis es in an ɔp, di Izrɛlayt dɛn kin win di fɛt, ɛn wɛn i put in an dɔŋ, na di Amalɛkayt dɛn kin de win.

Ɛksodɔs 9:33

Mozis lɛf di kiŋ ɛn kɔmɔt na de siti. I es in an ɔp ɛn pre to PAPA GƆD ɛn wantɛm wantɛm di tɛnda lɛf fɔ blo ɛn di ren we fiba grabul-grabul tap. Di ren nɔ kam igen

Fɔs Lɛta Fɔ Tɛsalonayka 5:23

Mek Gɔd we de gi wi kol at mek una tan lɛkɛ insɛf, ɛn mek i kip una spirit, layf, ɛn bɔdi klin so dat wɛn wi Masta Jizɔs Krays kam bak, i nɔ go gɛt ɛnitin fɔ jɔj una fɔ.

Lɛta Fɔ Kɔlɔse 1:9

Na dat mek frɔm di de we wi yɛri bɔt una, wi de pre fɔ una ɔltɛm. Wi de aks Gɔd mek in Spirit gi una sɛns ɛn mek una sabi bɔt am, so dat una go no wetin Gɔd want una fɔ du, ɛn una nɔ go dawt.

Lyuk 9:6

Di lanin bɔy dɛn lɛf Jizɔs go ɔlɔbɔt na dɛn vilej de tɛl pipul di Gud Nyuz ɛn mɛn sik pipul.

2 Samiɛl 19:19

ɛn beg am fɔ padin am. I se lɛ di kiŋ nɔ mɛmba wetin i bin du am di tɛm we i bin kɔmɔt Jerusɛlɛm.

1 Samiɛl 12:17

Na dray sizin dis, nɔto so? Naw a de kam aks PAPA GƆD lɛ i mek tɛnda rol ɛn big big ren fɔdɔm. Da tɛm de una go si se na bad bad tin una du to PAPA GƆD we una se una want kiŋ.”

Jɛrimaya 42:2

ɛn tɛl Jɛrimaya we na prɔfɛt se, “Lisin wi prɔblɛm dɛm ɛn pre to PAPA GƆD we na yu Gɔd fɔ wi, fɔseka ɔl di wan dɛm we lɛf (bikɔs wi we lɛf na jɛs tu tri pan di wanol nɔmba as yusɛf kin si)

Mak 1:5

Plɛnti pipul we de na Judia ɛn Jerusɛlɛm go fɔ yɛri Jɔn. Di pipul dɛn tɛl Gɔd bɔt dɛn sin, bifo ɔlman we bin lib de, dɛn Jɔn baptayz dɛn na Riva Jɔdan.

Apɔsul Dɛn Wok 8:24

Saymɔn tɛl Pita ɛn Jɔn se, “Duya, una beg Gɔd fɔ mi, mek wetin una tɔk nɔ bi to mi.”

1 Samiɛl 1:12

As i bin de pre to PAPA GƆD, na so Ilaɛl bin de wach in mɔt.