Jems 5:15 - Krio Fɔs Oli Baybul

¹⁵ If dɛn biliv se Gɔd go du wetin dɛn de pre fɔ, di sik pɔsin go wɛl. Gɔd go mek i wɛl gud gud, ɛn pantap dat, if di pɔsin bin dɔn du bad, Gɔd go padin am.

Jems 5:15 Referans Kwoze

Jems 5:13

If ɛni wan pan una de sɔfa, mek i aks Gɔd fɔ ɛp am. If ɛni wan pan una gladi, mek i siŋ ɛn prez Gɔd.

Jems 5:16

Na dat mek, una fɔ tɛl una kɔmpin Kristiɛn di sin dɛn we una dɔn sin ɛn una fɔ pre mek Gɔd mek una wɛl. Wɛn pɔsin we de waka tret bifo Gɔd pre, da pre de gɛt pawa ɛn Gɔd go ansa am.

Jems 1:6

Bɔt wɛn ɛnibɔdi aks Gɔd fɔ ɛnitin, mek da pɔsin de biliv se Gɔd go gi am wetin i aks fɔ, mek i nɔ dawt. Ɛnibɔdi we de dawt tan lɛkɛ swɛlin na wata we briz de blo, i nɔ stɛdi.

Matyu 17:20

Jizɔs ansa dɛn se, “Na we una nɔ biliv Gɔd gud wan. A de tɛl una se, if una biliv, ilɛk di biliv we una biliv smɔl lɛkɛ mɔstad sid, una kin tɛl dis mawnten se, ‘Kɔmɔt na ya, go yanda!’ Ɛn i go bi. Ɛn natin nɔ de we una nɔ go ebul du! [

Ayzaya 33:24

Ɛn nɔbɔdi we tap de nɔ go se “A nɔ wɛl”; dɛn go fɔgiv di pipul dɛn we tap de, dɛn sin.

Jɔn 5:14

Wɛn dat pas, Jizɔs mit di man insay Gɔd in Os, i se, “Luk, yu dɔn wɛl naw, so yu fɔ lɛf fɔ sin, if nɔ so, wɔs tin go bi to yu pas wetin dɔn bi.”

Jɔn 6:39

Ɛn di wan we sɛn mi nɔ want mek a lɔs ɛni wan pan dɛn wan we i dɔn gi mi, i want mek a mek dɛn rayz frɔm dɛn grev ɛn gi dɛn layf we go de sote go, di de we i go jɔj ɔlman.

1 Kɔrint 1:21

Gɔd yus in sɛns fɔ mek mɔtalman nɔ ebul fɛn am wit in yon sɛns. Bɔt i mekɔp fɔ tek di prich we wi de prich bɔt di day we Jizɔs day na di krɔs we tan lɛkɛ nɔnsɛns, fɔ sev dɛn wan we biliv pan Jizɔs.

2 Kɔrint 4:14

Wi no se Gɔd we mek Masta Jizɔs rayz frɔm di grev go mek wisɛf rayz frɔm wi grev go jɔyn Masta Jizɔs ɛn briŋ wi, ɛn unasɛf, kam na di ples we i de.

Jems 5:20

una fɔ no se, di pɔsin we briŋ wan sina kam bak na Gɔd rod ɛn ɛp am mek i lɛf fɔ du bad, dɔn sev da pɔsin de ɛn Gɔd go padin am fɔ plɛnti ɔda bad tin dɛn we i du.