Jems 5:14 - Krio Fɔs Oli Baybul

¹⁴ If ɛni wan pan una sik, mek i kɔl dɛn bigman na chɔch mek dɛn pre fɔ am. Wɛn dɛn de pre, mek dɛn tek ɔyl tɔn lili bit pan di pɔsin ɛn aks wi Masta Jizɔs Krays fɔ mɛn am.

Jems 5:14 Referans Kwoze

Mak 6:13

Dɛn drɛb plɛnti dɛbul kɔmɔt insay pipul, dɛn rɔb ɔliv ɔyl pan sik pipul dɛn ed ɛn mɛn dɛn.

Apɔsul Dɛn Wok 28:8

Publiɔs in papa nɔ bin wɛl, i bin gɛt fiva ɛn rɔnbɛlɛ. Pɔl go tɛl am adu. Di man wɛl wɛn Pɔl put in an pan am ɛn pre fɔ am.

Mak 16:18

if dɛn ol snek ɔ if dɛn drink pɔyzin sɛf, natin nɔ go du dɛn; dɛn go put dɛn an pan pipul we sik ɛn pre fɔ dɛn, ɛn di pipul dɛn go wɛl.”

2 Kiŋ 5:11

Bɔt Neman vɛks ɛn tɔn bak go se in bin fil se di prɔfɛt go kɔmɔt na do kam mit am, tinap bifo am ɛn kɔl in Gɔd we na PAPA GƆD in nem, dɔn i paspas in an na di say we di sik de, dɔn i wɛl.

Taytɔs 1:5

A bin lɛf yu na Krit fɔ mek yu du wetin wi nɔ bin du de yet, ɛn mek yu pik ovasia na ɔl dɛn tɔŋ. Mɛmba dɛn tin we a bin tɛl yu:

Apɔsul Dɛn Wok 15:4

Wɛn Pɔl ɛn Banabas rich Jerusɛlɛm, di chɔch pipul dɛn, di apɔsul dɛn ɛn di chɔch bigman dɛn gladi fɔ si dɛn, ɛn Pɔl ɛn Banabas tɛl dɛn ɔl wetin Gɔd ɛp dɛn fɔ du.

Apɔsul Dɛn Wok 14:23

Wɛn dɛn dɔn fas ɛn pre to Gɔd, dɛn pik sɔm bigman dɛn na ɔl dɛn chɔch fɔ du di wok, dɛn lɛf dɛn na di Masta, we dɛn biliv, in an.

Apɔsul Dɛn Wok 9:40

Pita mek ɔl di pipul dɛn go na do, dɔn i nil dɔŋ ɛn pre. I tɔn to di dedebɔdi ɛn se, “Tabita, grap!” Tabita opin in yay, grap ɛn sidɔm wɛn i si Pita.

2 Kiŋ 4:33

so i go insay ɛn lɔk di do lɛ dɛn tu de insay ɛn pre to PAPA GƆD.

1 Kiŋ 17:21

I tret in bɔdi pan di pikin tri tɛm ɛn pre to PAPA GƆD se, “E PAPA GƆD mi PAPA GƆD, lɛ dis bɔbɔ in layf kam bak pan am!”

Apɔsul Dɛn Wok 11:30

Dɛn gi Banabas ɛn Sɔl kɔpɔ fɔ kɛr go fɔ dɛn pipul na Jerusɛlɛm.