Jems 5:1 - Krio Fɔs Oli Baybul

¹ Una we jɛntri, una lisin wetin a de tɛl una naw. Una kray bita wan ɛn sɔri fɔ di waala dɛn we de kam mit una.

Jems 5:1 Referans Kwoze

Prɔvabs 11:28

Udat put in yay pan in jɛntri go fɔdɔm lɛk dray lif; bɔt gud pɔsin go frɛsh lɛkɛ grin lif.

Jɛrimaya 9:23

Na dis PAPA GƆD se, “Le di sɛnsman nɔ bost fɔ in sɛns, le di pawaful man nɔ bost fɔ in trɛnk, ɛn lɛ di jɛntri man nɔ boast bɔt in jɛntri;

Prɔvabs 11:4

Mɔni nɔ de sev pɔsin wɛn in tɛm rich fɔ day, bɔt if i ɔnɛs, PAPA GƆD go sev am.

Jems 1:11

Di ɔt san kin bɔn di flawa, ɛn di flawa kin fɔdɔm. Na dɔn ɔl di fayn we di flawa bin fayn kin dɔn so. Semwe so, jɛntri pɔsin go de pan in biznɛs wɛn day go mit am.

Mayka 6:12

Una man dɛn ɔl we jɛntri, bad, ɛn dɛn de lay lɛk wetin. Tru tɔk nɔ de na dɛn mɔt.

Zɛfinaya 1:18

We PAPA GƆD dɔn rɛdi fɔ du wetin i want, nɔn mɔni, i lɛk aw i bɔku nɔ go tap am. We PAPA GƆD dɔn jɛlɔs gud, i go jɛs mek faya bɔn ɛn dɔnawe wit ɔlman we tap na wɔl.

Ayzaya 13:6

Kray o! PAPA GƆD in de dɔn de rich, di de we go kam lɛk we di Ɔlmayti de distrɔy!

Jems 4:13

Una lisin wetin a de kam tɛl una, una we de tɔk se, “Tide ɔ tumara wi go go na da tɔŋ yanda ɛn tap de fɔ wan ia. Wi go tredin, ɛn mek plɛnti mɔni.”

Jems 2:6

Wetin mek una nɔ tek dɛn po pipul mek ɛnitin? Na dɛn jɛntri pipul de mek una tan lɛkɛ slev ɛn na dɛn de drɛg una go bifo dɛn jɔj.

Ditarɔnɔmi 32:15

Izrɛl, bin jɛs de jɛntri bɔt dɛn bin traŋayes; Izrɛl bin gɛt plɛnti fɔ it so i bin jɔs de rɔju. Dɔn i dɔn dray bak, dɔn i kɔmɔt biɛn PAPA GƆD we mek am, ɛn nɔ mɛmba di wan we sev am.

Joɛl 1:11

I se dɛn fama dɛn fɔ kɔnfyus ɛn sɔprayz, di wan dɛn we kin mek wayn fɔ kray we dɛn si wetin dɔn apin to di wit ɛn bali; bikɔs dɛn nɔ ebul pul natin igen, ɔltin dɔn pwɛl.

Joɛl 1:5

I beg ɔl drɔnkɔman fɔ wek ɛn kray; i se ɔl di wan dɛn we kin drink rɔm fɔ kray bita bita wan bikɔs dɛn dɔn lɔs di swit swit wayn we dɛn kin drink, i se dɛn mɔt nɔ go gɛt fɔ tes am igen

Izikɛl 19:2

se: una mama na bin pawaful uman layɔn pan dɛn layɔn dɛn! Na wit dɛn yɔŋ layɔn dɛm i bin de, de mɛn in pikin dɛn.

Jɛrimaya 4:8

Fɔseka dat, wɛr saklɔth na yu bɔdi, kray de ala lawd wan; bikɔs PAPA GƆD stil vɛks pan wi bad bad wan.

Jems 4:9

Una fɔ mɛmba dɛn bad we una dɔn du; ɛn una fɔ sɔri ɛn kray fɔ dɛn. Una fɔ lɛf fɔ laf, una fɔ sɔri ɛn kray; una nɔ fɔ gladi, una fɔ sɔri.

Joɛl 1:13

I se di man dɛn we de mek sakrifays fɔ pipul sin fɔ sɔri ɛn wɛr saklɔth fɔ sho se dɛn sɔri, dɛn fɔ kray as pipul we de sav na di ɔlta. I se dɛn fɔ go insay PAPA GƆD in os wɛr saklɔth fɔ slip. Dɛn we de wok fɔ PAPA GƆD! Bikɔs pipul nɔ ebul mek di gren ɛn drink ɔfrin igen na dɛn PAPA GƆD in os.

Di Sam Dɛm 17:14

Pul mi kɔmɔt na dɛn an, dɛn, we na dis wɔl nɔmɔ dɛn abop pan. Bɔt lɛ dɛn wan we lɛk yu gɛt wetin dɛn want ɔltɛm; lɛ dɛn pikin ɛn grampikin dɛnsɛf gɛt pasmak.

Ayzaya 15:3

dɛn ɔl rap dɛnsɛf wit saklɔth na trit; pantap dɛn os, ɛn na dɛn say fɔ gɛda ɔlman de kray ɛn pul wata na yay.

Izikɛl 30:2

“Mɔtalman, prɔfisay ɛn se, Na dis Papa Gɔd we na Gɔd se: “Ala kray big wan se, ‘Una fred da de de!’