Jems 4:7 - Krio Fɔs Oli Baybul

⁷ So, una fɔ put unasɛf ɔnda Gɔd. Una tinap fɔ fɛt Setan, i go rɔnawe go lɛf una.

Jems 4:7 Referans Kwoze

Lɛta Fɔ Ɛfisɔs 4:27

Una nɔ gi Setan da chans de.

Pita In Fɔs Lɛta 5:6

Una nɔ fɔ prawd, una fɔ mek Gɔd we gɛt pawa kɔntrol una ɛn i go mek pipul rɛspɛkt una wɛn di tɛm we i dɔn mak, rich.

Di Ibru Pipul Dɛn 12:9

Wɛn wi papa dɛn na dis wɔl pɔnish wi fɔ di bad we wi du, wi kin rɛspɛkt dɛn. So i go bɛtɛ fawe if wi put wisɛf ɔnda wi Papa we de na ɛvin, so dat wi go gɛt tru layf.

Lɛta Fɔ Rom 10:3

Dɛn nɔ bin ɔndastand aw Gɔd de mek ɔltin rayt bitwin in ɛn pipul, ɛn dɛn bin de tray fɔ fɛn dɛn yon we fɔ mek ɔltin rayt bitwin dɛn ɛn Gɔd; so dɛn nɔ bin gri fala Gɔd in yon we fɔ mek ɔltin rayt bitwin in ɛn dɛn.

Di Sam Dɛm 66:3

Tɛl PAPA GƆD se “Di tin dɛn we yu de du, so wɔndaful dat yu ɛnimi dɛn ɔl de fred yu.

Job 1:21

I se, ‘we a bɔn, a nɔ kam wit natin, semweso we a day, a nɔ gɛt fɔ kɛr natin go; na PAPA GƆD gi mi ɔl wetin a gɛt ɛn na PAPA GƆD dɔn tek dɛn na mi an bak; mek ɔlman prez in nem.’

2 Kronikuls 30:8

Una nɔ stif una nɛk lɛk una Papa dɛm, bɔt gi una sɛf to PAPA GƆD. Ɛn kam to in Oli ples we i dɔn mek oli sote go ɛn sav PAPA GƆD una Gɔd mek in at we dɔn wam fɔ una go kol.

Matyu 11:29

Una opin una at fɔ di tru tin dɛn we a de lan una, ɛn una lan ɔl wetin a de tɛl una, bikɔs a de bia wit una ɛn a nɔ de tɔk pan una; if una du dat, una go blo.

Lɛta Fɔ Ɛfisɔs 5:21

Una fɔ put unasɛf ɔnda una kɔmpin bikɔs una rɛspɛkt Krays.

Pita In Fɔs Lɛta 2:13

Fɔ di Masta in sek, una fɔ put unasɛf ɔnda ɛnibɔdi we de oba una na dis wɔl ɛn du ɔl wetin dɛn want una fɔ du, dat na di pɔsin we de oba ɔl dɛn ɔda rula,

2 Samiɛl 15:26

I se, if PAPA GƆD se i nɔ gladi wit am dɛn in rɛdi fɔ mek i du wetin i wan du wit am.

Daniɛl 4:25

Di lɔ se, dɛn go drɛb yu kɔmɔt usay mɔtalman dɛn tap, ɛn yu go tap wit di bist dɛn na di fil; yu go it gras lɛk kaw, ɛn di ali mɔnin smɔl smɔl wata we de fɔdɔm frɔm di klawd go sok yu; ɛn yu go de so fɔ sɛvin ia, te yu no se PAPA GƆD we ay pas ɔl de rul mɔtalman dɛn kindɔm ɛn i de gi am to udat i wan gi.

Di Sam Dɛm 68:30

Tɔk pan dɛn neshɔn we de mek gbagbati, lili dɛn wan dɛn we tek dɛn silva mek gɔd ɛn skata dɛn wan dɛn we de ɛnjɔy wɛn wa de.

1 Samiɛl 3:18

So Samiɛl insɛf tɛl am ɔl wetin PAPA GƆD bin tɛl am. I nɔ ayd natin. We Ilaɛl yɛri wetin PAPA GƆD se, i se, “Nain na PAPA GƆD, lɛ i du wetin rayt fɔ am.”

Jɛrimaya 13:18

Tɛl di kiŋ ɛn di kwin mami se; “Una de wit di ɔdinari pipul dɛm, bikɔs una fayn fayn krawn dɔn kɔmɔt na una ed.”

Lɛta Fɔ Rom 14:11

Dɛn rayt na Gɔd in Buk se, “Di Masta se, wans nɔmɔ a gɛt layf, a prɔmis se ɔlman go nil dɔŋ bifo mi, ɛn ɔlman go tɔk ɔlɔbɔt se, mi na Gɔd.”

Apɔsul Dɛn Wok 26:19

“Kiŋ Agripa, a du dɛn tin we di vɔys we kɔmɔt ɛvin tɛl mi fɔ du.

Apɔsul Dɛn Wok 9:6

Grap na grɔn ɛn go insay di tɔŋ, pɔsin go mit yu de ɛn tɛl yu wetin yu fɔ du.”

Daniɛl 4:32

ɛn dɛn go drɛb yu kɔmɔt usay mɔtalman dɛn tap, ɛn yu go tap wit dɛn animal na di fil; ɛn dɛn go mek yu it gras lɛk kaw; yu go de so fɔ sɛvin ia, te yu lan se PAPA GƆD we ay pas ɔl, de rul mɔtalman in kindɔm ɛn i de gi udat i wan gi.”

Lɛta Fɔ Ɛfisɔs 6:13

Una fɔ wɛr di klos we Gɔd gi una fɔ tek fɛt, so dat wɛn di tɛm we pipul go de du plɛnti bad pas ɔl na wɔl go kam, una go ebul fɔ fɛt Setan pan ɔl di kɔni we i de pul. Wɛn una de fɛt, una nɔ go fɔdɔm, ɛn wɛn di fɛt dɔn, una go stil tinap traŋa.