Jems 4:3 - Krio Fɔs Oli Baybul

³ Sɔntɛm una kin aks Gɔd fɔ sɔntin ɛn Gɔd nɔba gi una, bikɔs di rizin we mek una aks nɔ rayt. Una aks fɔ dɛn tin we fɔ mek una nɔmɔ satisfay.

Jems 4:3 Referans Kwoze

Jɔn In Fɔs Lɛta 5:14

Wi biliv se wɛn wi kam bifo Gɔd ɛn aks am fɔ ɛnitin, i go yɛri wi ɛn gi wi, if na dat in want.

Jɔn In Fɔs Lɛta 3:22

Gɔd de gi wi ɛnitin we wi aks am fɔ, bikɔs wi de du wetin i de tɛl wi fɔ du ɛn dɛn tin we mek i satisfay.

Jems 4:1

Wetin mek una de fɛt ɛn mek plaba ɔltɛm? Dɛn tin we de insay una at we de fɛt fɔ mek una nɔ de wit Gɔd, na dɛn de mek una fɛt ɛn mek plaba ɔltɛm.

Mayka 3:4

Dɛn go pre to PAPA GƆD bɔt i nɔ go ansa dɛn. I nɔ go lisin to dɛnsɛf bikɔs dɛn dɔn du bad.

Prɔvabs 15:8

PAPA GƆD et di sakrifays we bad pɔsin de mek to am, bɔt i de gladi fɔ yɛri gud pɔsin in prea.

Prɔvabs 21:13

Udat sɛt yes pan poman wɛn i want am fɔ ɛp am, dɛn go sɛt yes pan insɛf wɛn in yon tɔn rich.

Job 35:12

Dɛn de pre to am, bɔt i nɔ de ansa, bikɔs dɛn na prawd ɛn wikɛd pipul dɛn.

Zɛkaraya 7:13

I se we in tɔk, di pipul dɛn nɔ de yɛri, so, we dɛnsɛf pre to am, i nɔ go yɛri.

Lyuk 15:13

I nɔ lɔŋ igen afta dat, di lili brɔda sɛl ɔl in yon pat pan di prɔpati, gɛda di kɔpɔ ɛn go na wan kɔntri we de fawe. Na de i wes ɔl wetin i bin gɛt pan fulish layf.

Mak 10:38

Jizɔs se, “Una nɔ no wetin una de tɔk; una go ebul drink na di kɔp we a go drink, ɛn baptayz lɛkɛ aw a go baptayz?”

Matyu 20:22

Jizɔs aks di pikin dɛn se, “Una nɔ no wetin una de aks fɔ. Una go ebul sɔfa lɛkɛ aw a go sɔfa?” Dɛn ansa se, “Wi go ebul, sa.”

Jɛrimaya 11:14

Fɔseka dat, nɔ pre fɔ dɛn pipul dɛn ya, ɔ kray to mi, ɔ pre fɔ beg fɔ dɛm, bikɔs a nɔ go lisin we dɛn kɔl mi we trɔbul mit dɛm.

Prɔvabs 21:27

PAPA GƆD nɔ lɛk di sakrifays we bad pɔsin kin kɛr to am; i et am mɔ wɛn di pɔsin kin de du am fɔ lɛ i go du mɔ bad.

Prɔvabs 1:28

A go de yɛri we una de kɔl so, bɔt a nɔ go ansa; una go de fɛn fɛn mi, bɔt una nɔ go si mi.

Jɛrimaya 14:12

Ilɛk dɛn fast, a nɔ go yɛri dɛn kray, ɛn ilɛk dɛn mek sakrifays we dɛn de bɔn na faya ɛn sid ɔfrin, a nɔ go tek dɛm; bɔt a go kil dɛm wit wa, aŋri ɛn wit bad bad sik dɛm.

Di Sam Dɛm 18:41

Dɛn ala fɔ mek pɔsin ɛp dɛn, nɔbɔdi nɔ de Dɛn kɔl PAPA GƆD, i nɔ ansa dɛn.

Jɛrimaya 11:11

Fɔseka dat, na dis PAPA GƆD se, A de briŋ ivul tin pan dɛm we dɛn nɔ go ebul pul dɛn ed kɔmɔt; ɔl we dɛn go kray to mi, A nɔ go lisin dɛm.

Lyuk 15:30

Wɛn dis yu pikin ya we dɔn go wes yu prɔpati pan dɛn trit uman, kam, yu kil di lili kaw we fat pas ɔl fɔ am!’

1 Kiŋ 3:11

so i tɛl am se, “Bikɔs na dis kayn tin yu aks fɔ, yu nɔ aks fɔ lɔŋ layf ɔ jɛntri fɔ yusɛf, yu nɔ aks fɔ lɛ yu ɛnimi dɛn day, bɔt yu aks fɔ lɛ yu gɛt sɛns fɔ de rul fayn,

Lyuk 11:10

Ɛnibɔdi we aks, go gɛt wetin i want. Ɛnibɔdi we luk gud, go gɛt wetin i de luk fɔ. Ɛnibɔdi we kɔnk na do, Gɔd go opin am fɔ am.