Jems 4:2 - Krio Fɔs Oli Baybul

² Wɛn una want sɔntin una nɔ gɛt am, na dat kin mek una kil una kɔmpin. Wɛn una put yay pan sɔntin una nɔ gɛt am, na dat kin mek una mek plaba ɛn fɛt una kɔmpin. Una nɔ gɛt wetin una want bikɔs una nɔ aks Gɔd fɔ gi una.

Jems 4:2 Referans Kwoze

Jɔn 16:24

Te naw una nɔ tek mi nem aks Gɔd fɔ ɛnitin yet; una aks Gɔd fɔ ɛnitin i go gi una wetin una aks fɔ, ɛn ɔl di gladi we fɔ de na una at go lib de.

Jems 1:5

If ɛni wan pan una want mɔ sɛns fɔ du ɛnitin, mek i aks Gɔd, Gɔd go gi am, bikɔs Gɔd de gi mɔtalman plɛnti tin dɛn ɛn i gladi fɔ du dat.

Jɔn 4:10

Jizɔs se, “If yu bin no wetin Gɔd de gi pipul, ɛn if yu no udat de aks yu fɔ gi am wata fɔ drink, yu bin fɔ aks am ɛn i bin fɔ gi yu da wata we de mek pipul gɛt layf.”

Prɔvabs 1:19

Udat de tif, na so i de ɛnd; na shɔt layf i de gɛt.

Abakɔk 2:5

Nɔ fɔ abop pan jɛntri. I de mek pipul ful ɛn de kak, bɔt dɛn kayn pipul de nɔ de bɛlful lɛk grev yad we nɔ de taya fɔ gɛt nyu tɛnant. So na dat mek di Babilonian dɛn ɔl di tɛm de atak difrɛn neshɔn dɛn ɛn siz di pipul dɛn.

Ayzaya 7:12

Bɔt Eaz se, “a nɔ go aks, ɛn a nɔ go tɛst PAPA GƆD”

Ɛkliziastis 4:8

Pɔsin we nɔ gɛt nɔbɔdi; we nɔ gɛt pikin ɔ ivin brɔda, bɔt de wok traŋa traŋa wan ɛn nɔ de satisfay wit wetin dɛn gɛt, nɔ de ɛva sidɔm ɛn aks insɛf se udat dɛn de wok ɔl da wok de fɔ, ɛn nɔ de ebul ɛnjɔy in layf. Dis sɛf na natin ɛn nɔ de mek pɔsin gladi.

Jems 5:6

Una dɔn kɔndɛm dɛn pipul we nɔ du una natin; dɛn nɔ se fiŋ, ɛn una dɔn kil dɛn.

Jɔn In Fɔs Lɛta 3:15

Ɛni bɔdi we nɔ lɛk in kɔmpin, na pɔsin we kin kil in kɔmpin mɔtalman, ɛn una no se ɛni bɔdi we de kil in kɔmpin mɔtalman, na pɔsin we nɔ gɛt di layf we go de sote go.

1 Kiŋ 21:6

I ansa am se in beg Nebɔth da Jɛzrilayt fɔ lɛ i sɛl in vayn fam gi am, i nɔ gri; i se pan ɔl we i se in go gi am ɔda vayn frut fam fɔ da wande, Nebɔth stil nɔ gri.