Jems 4:1 - Krio Fɔs Oli Baybul

¹ Wetin mek una de fɛt ɛn mek plaba ɔltɛm? Dɛn tin we de insay una at we de fɛt fɔ mek una nɔ de wit Gɔd, na dɛn de mek una fɛt ɛn mek plaba ɔltɛm.

Jems 4:1 Referans Kwoze

Pita In Fɔs Lɛta 2:11

Mi padi dɛn, una we de lɛkɛ trenja na dis wɔl ɛn lɛkɛ pipul we nɔ kam fɔ tap lɔŋ na ya, a de beg una mek una nɔ jɛs de fala una at fɔ satisfay una bɔdi bikɔs wetin una bɔdi want nɔto dat una spirit want.

Lɛta Fɔ Galeshya 5:17

Wetin mɔtalman want, nɔto wetin Gɔd in Spirit want. Wetin Gɔd in Spirit want, nɔto wetin mɔtalman want. Wetin mɔtalman want ɛn wetin Gɔd in Spirit want na tu difrɛn tin, so una nɔ go du wetin una want fɔ du.

Lɛta Fɔ Rom 7:23

Bɔt di lɔ we mi bɔdi de fala difrɛn frɔm di lɔ we mi at tɛl mi se na di rayt wan. Na dat mek a tan lɛkɛ jelman to di lɔ we mi bɔdi de fala, we de mek a sin.

Lɛta Fɔ Rom 8:7

So, if mɔtalman jɛs de mɛmba wetin in at want nɔmɔ, dat go mek i nɔ lɛk Gɔd; i nɔ go de du wetin Gɔd in lɔ se, ɛn i nɔ go ebul du am sɛf.

Jems 1:14

Na di bad we de na pɔsin in at de mek di pɔsin want fɔ du bad.

Jɛrimaya 17:9

Mɔtalman at disitful pas ɔltin, ɛn i kɔrɔpt in kayn nɔ de; udat go ebul ɔndastand am?

Pita In Fɔs Lɛta 1:14

Una fɔ du ɔl wetin Gɔd tɛl una fɔ du, una nɔ fɔ fala una at fɔ du dɛn bad tin we una bin lɛk fɔ du di tɛm we una nɔ bin no di Gud Nyuz bɔt Jizɔs Krays yet.

Lɛta Fɔ Kɔlɔse 3:5

Una fɔ kil di tin we de insay una at we de mek una want fɔ du dɛn bad tin we dɛn ɔda mɔtalman de du, dat na fɔ liv fri ɔ dɔti layf; fɔ want man ɔ uman we nɔto una yon; fɔ want fɔ du ɔl kayn bad tin; fɔ want plɛnti, plɛnti tin (dat jɛs tan lɛkɛ wɛn pɔsin gɛt ɔda tin we i lɛk pas Gɔd).

Pita In Sɛkɛn Lɛta 3:3

Di fɔs tin we a want tɛl una nain dis: wɛn di wɔl want dɔn, pipul go kam we go de laf una ɛn mek una ful. Dɛn go de du wetin dɛn at gi dɛn fɔ du.

Jems 4:3

Sɔntɛm una kin aks Gɔd fɔ sɔntin ɛn Gɔd nɔba gi una, bikɔs di rizin we mek una aks nɔ rayt. Una aks fɔ dɛn tin we fɔ mek una nɔmɔ satisfay.

Pita In Sɛkɛn Lɛta 2:18

Dɛn de bost bost we nɔ min natin ɛn dɛn liv fri layf; na dat dɛn de tek drɔ dɛn pipul we jɛs bigin lɛf dɛn bad we fɔ mek dɛn fala dɛn, fɔ bigin liv bad layf bak.

Taytɔs 3:3

Tɛm bin de we wisɛf bin de pan fulish layf, wi nɔ bin de lisin to Gɔd, wi nɔ bin de lisin to mɔtalman, ɛn wi nɔ bin de du wetin rayt. Wi nɔ bin ebul kɔntrol wisɛf, ɛn na wetin wi at tɛl wi nɔmɔ wi bin de fala; wi bin de pan ɔl kayn ɛnjɔymɛnt, na bad nɔmɔ wi bin de mɛmba fɔ pipul, wi bin de jɛlɔs pipul, pipul nɔ bin lɛk wi ɛn wisɛf nɔ bin lɛk dɛn.

Taytɔs 3:9

Bɔt nɔ gɛt natin fɔ du wit dɛn nɔnsɛns agyu, nɔ agyu bɔt wi grampapa papa dɛn nem, nɔ mek plaba ɛn fɛt bɔt dɛn tin we di Lɔ se wi fɔ du. Ɔl dat nɔ min natin ɛn dɛn nɔ go mek yu gen ɛnitin.

Lɛta Fɔ Rom 7:5

Di tɛm we wi bin jɛs de du ɛnitin we wi at gi wi fɔ du, wi bin de fala wi at fɔ du plɛnti bad tin, bikɔs nɔmɔ di lɔ bin se wi nɔ fɔ du dɛn; ɛn dɛn tin ya we wi bin de du bin de kil wi.

Matyu 15:19

Nainsay di at pɔsin de mekɔp fɔ du bad tin, fɔ kil; fɔ kip ɔda uman wɛn i dɔn mared, ɔ, if na uman, fɔ kip ɔda man, wɛn i dɔn mared; fɔ slip wit uman wɛn i nɔ mared yet, ɔ if na uman, fɔ slip wit man wɛn i nɔ mared yet; ɔ fɔ tif; fɔ lay pan pipul wɛn in na witnɛs, ɛn fɔ tɔk bad bɔt ɔda pipul.

Jɔn 8:44

Na Setan na una papa, so una lɛk fɔ du di tin dɛn we una papa lɛk fɔ du. Frɔm tɛm, Setan de kil, ɛn i nɔ lɛk ɛnitin we na tru, bikɔs i nɔ de tɔk tru. Ɛnitɛm we i lay, i jɛs de sho in trik, bikɔs na layman ɛn nain de mek pipul lay.

Sɛkɛn Lɛta To Timoti 2:23

Nɔ miks pan dɛn fulish agyumɛnt we pipul we nɔ sabi natin de gɛt; yu no se na plaba dɛn kin ɛnd pan.