Jems 3:5 - Krio Fɔs Oli Baybul

⁵ Semwe so, wi mɔt na smɔl tin na wi bɔdi, bɔt i kin du plɛnti big big tin. Na lili faya, lɛkɛ di faya we kin kɔmɔt wɛn pɔsin krach machis, de mek big big bush bɔn.

Jems 3:5 Referans Kwoze

Prɔvabs 18:21

Dis mɔt, nain de mek, nain de pwɛl; aw yu yuz am, na so yu go bɛnifit.

Prɔvabs 12:18

Wɔd we pɔsin nɔ tink bɔt bifo i pul am na mɔt, kin kɔt shap lɛk sɔd, bɔt yu gɛt sɛns, wɛn i tɔk, i kin mek pɔsin at kol.

Prɔvabs 15:2

Wɛn sɛnsman de tɔk, ɔlman de gladi ɛn want fɔ yɛri mɔ; bɔt wɛn fulman opin in mɔt, na soso rotorata de kɔmɔt de.

Di Sam Dɛm 17:10

dɛn de kak ɛn nɔ gɛt wan sɔri na dɛn at.

Jud In Lɛta 1:16

Dɛn pipul ya nɔ de satisfay, dɛn de grɔmbul ɔltɛm, dɛn de blem ɔda pipul, dɛn jɛs de fala dɛn at fɔ du bad, dɛn de bost bɔt dɛnsɛf, dɛn de tɛl pipul soso dɛn tin we go mek dɛn ed big so da tɛm de dɛn go gi dɛn wetin dɛn want.

Jɛrimaya 18:18

Nain dɛn se, “Una kam le wi mek plan agens Jɛrimaya, bikɔs wi nɔ go shɔt ɔf man we de mek sakrifays fɔ pipul sin fɔ tich wi di lɔ, ɛn sɛnsman dɛn fɔ gi wi sɛns, ɛn prɔfɛt dɛn fɔ tɛl wi PAPA GƆD in wɔd. Dɛn se, una kam lɛ wi tek wi mɔt bit am, ɛn lɛ wi nɔ tek natin we i de se siriɔs.

Di Sam Dɛm 10:3

I de mek mɔt ɛn tek advantej pan pipul; i de blɛs dɛn wan we gridi lɛk insɛf bɔt de tɔk bad bɔt PAPA GƆD.

Izikɛl 28:2

na dis Papa Gɔd we na Gɔd se: “Bikɔs yu prawd ɛn yu dɔn se, ‘misɛf na gɔd, a de sidɔm usay dɛn gɔd de sidɔm, midul midul di si, stil yu na natin bɔt wan mɔtalman, ɛn yu nɔto nɔn gɔd, ɔl we yu de tink se yu na gɔd–

Pita In Sɛkɛn Lɛta 2:18

Dɛn de bost bost we nɔ min natin ɛn dɛn liv fri layf; na dat dɛn de tek drɔ dɛn pipul we jɛs bigin lɛf dɛn bad we fɔ mek dɛn fala dɛn, fɔ bigin liv bad layf bak.

Daniɛl 4:30

Nain i se, “Nɔ to di pawaful Babilɔn dis we a bil wit mi pawa; ples we fit fɔ kiŋ fɔ tap, lɛ pipul dɛn kɔle ɛn rɛspɛkt mi?”

Job 22:17

Dɛn tɛl PAPA GƆD se mek i kɔmɔt biɛn dɛn, ɛn wetin Ɔlmayti PAPA GƆD ebul du dɛn.

Ɛksodɔs 15:9

Di ɛnimi bin de blɔf se, “A go rɔnata dɛn ɛn kech dɛn; dɔn a go tek ɔl wetin a want. A go tek mi sɔd, ɛn a go kil dɛn.”

Daniɛl 3:15

Luk ya, if una dɔn rɛdi fɔ fɔdɔm ɛn wɔship di imej we a bil, wɛn una yɛri di ɔn, flut, gita, trayaŋul, ap, wan flut we nem bagpayp ɛn ɔl kayn muzik, i go gud; bɔt, if una nɔ wɔship am, dɛn go trowe una wantɛm wantɛm insay wan big big ovin we faya de kech bad bad wan; us gɔd we go ebul sev una?”

Izikɛl 29:3

tɔk se, na dis PAPA GƆD se, “una lisin, a de agens una, Fero, Ijipt in kiŋ di pawaful dragɔn we ledɔm midul in strim wata dɛm, ɛn we de se, ‘mi nayl, na mi yon, na mi mek am.’

Ɛksodɔs 5:2

Bɔt di kiŋ ansa se, udat na da PAPA GƆD de ɛn wetin fɔ mek in lisin to dɛn ɛn mek di Izrɛlayt dɛn go. I se in nɔ no da PAPA GƆD de ɛn a nɔ go mek di Izrɛlayt dɛn go.

Di Sam Dɛm 39:1

A tɛl misɛf se, a go de wach wetin a de du ɛn nɔ tɔk wetin go mek a sin; A go mek shɔ se a nɔ se fiŋ usay bad mɔtalman dɛn de.

Prɔvabs 26:20

Lɛkɛ aw fayasay nɔ de kech wɛn wud nɔ de, na so usay koŋosa nɔ de, plaba nɔ de de de.

Jems 3:4

Dɛn big ship sɛf we de na wata, pan ɔl we dɛn big big briz kin want kɛr dɛn go, na lili tin we dɛn put ɔnda di ship de kɔntrol dɛn ɛn mek dɛn go ɛni say we di paylɔt want mek dɛn go.