Jems 3:18 - Krio Fɔs Oli Baybul

¹⁸ Dɛn pipul we de mek pis, tan lɛkɛ fama we de plant sid. Di pis we dɛn de mek tan lɛkɛ di sid we fama plant. Dis sid ya go bia plɛnti gud na pipul dɛn at.

Jems 3:18 Referans Kwoze

Matyu 5:9

“Dɛn wan we de mek pis fɔ pipul, gɛt blɛsin, bikɔs Gɔd go mek dɛn bi in pikin dɛn!

Ozie 10:12

So udat plant sid we raychɔs go gɛt lɔv we nɔ de chenj fɔ in avɛst; tɛm dɔn rich we ɔlman fɔ tray no ɛn du wetin PAPA GƆD want dɔn i go mek bɛtɛ fala ɔlman.

Lɛta Fɔ Filipay 1:11

A de pre mek una waka tret ɛn du dɛn gud tin we Jizɔs Krays in wangren nɔmɔ ebul mek in pipul dɛn du, ɛn dat go mek ɔda pipul rɛspɛkt ɛn prez Gɔd.

Lɛta Fɔ Galeshya 6:8

Jɛs lɛkɛ wɛn fama kin plant sid, i kin gɛt wetin i plant. Semwe so, wɛn pɔsin du bad tin we in at gi am fɔ du, Gɔd go pɔnish di pɔsin. Ɛn wɛn pɔsin du wetin Gɔd in Spirit tɛl am fɔ du, i go gɛt layf we go de sote go.

Prɔvabs 11:30

Udat liv raychɔs layf de mek ɔda pipul bɛnifit; ɛn yu gɛt sɛns de mek pipul de rawnd am.

Di Ibru Pipul Dɛn 12:11

Di tɛm we dɛn kin pɔnish wi, wi nɔ kin gladi, wi kin sɔri. Bɔt tɛm de kam we da pɔnish de go ɛp di wan dɛn we dɛn pɔnish, bikɔs i go mek dɛn lan fɔ du wetin rayt. I go mek dɛn waka tret na layf ɛn de kwayɛt wit dɛn kɔmpin mɔtalman.

Prɔvabs 11:18

Bad nɔ de pe ɛnibɔdi gud tin bɔt yu du gud de gɛt gud pe.

Jems 1:20

Bikɔs pɔsin we gɛt wam at nɔ go ebul du di gud we Gɔd want mek i du.

Jɔn 4:36

Di pɔsin we de kɔt dɛn tin we dɔn du fɔ kɔt de gɛt in pe, i de gɛda dɛn fɔ mek dɛn de sote go na ɛvin. So di pɔsin we plant ɛn di wan we gɛda di tin dɛn we dɔn du fɔ kɔt, ɔl tu go gladi.

Emɔs 6:12

Ɔs go de galɔp pantap rɔk? Fama kin yuz kaw dɛn fɔ dig na di si? Bɔt una dɔn tɔn jɔstis to pɔyzin ɛn gi rayt to udat rɔŋ.

Prɔvabs 11:28

Udat put in yay pan in jɛntri go fɔdɔm lɛk dray lif; bɔt gud pɔsin go frɛsh lɛkɛ grin lif.

Di Sam Dɛm 92:14

Pan ɔl we dɛn dɔn ol dɛn go stil de bia, dɛn go luk frɛsh ɔltɛm.