Jems 3:17 - Krio Fɔs Oli Baybul

¹⁷ Di sɛns we Gɔd de gi, na pɔsin wit klin at i de gi, na di fɔs tin dat. Pɔsin we gɛt da kayn sɛns de nɔ de mek plaba, i nɔ de ambɔg, i de du tin saful saful, ɛn i lɛk fɔ ɛp pipul; i gɛt sɔri at ɛn i de du plɛnti plɛnti gud; ɔl in at de fɔ Gɔd, i nɔ ipokrit.

Jems 3:17 Referans Kwoze

Prɔvabs 2:6

Na PAPA GƆD de gi sɛns; nain de mek pɔsin no bɔt sɔntin ɛn ɔndastand gud wan.

Jems 3:15

Nɔto Gɔd gi mɔtalman dis kayn sɛns ya, na dis wɔl yon sɛns ɛn na Setan gi mɔtalman.

Lɛta Fɔ Rom 12:9

If una se una lɛk pipul una fɔ lɛk dɛn wit ɔl una at. Una nɔ fɔ lɛk ɛnitin we bad, una fɔ lɛk ɛnitin we gud ɛn kip am na una at.

Jems 1:17

Na Gɔd nɔmɔ de gi wi ɔl dɛn tin we gud ɛn we mek wi nɔ want ɛnitin mɔ. Na Gɔd mek di san, di mun ɛn di sta dɛn. Gɔd nɔ de chenj, i nɔ de lɛf wi na dak afta i dɔn mek layt shayn pan wi.

Jems 1:5

If ɛni wan pan una want mɔ sɛns fɔ du ɛnitin, mek i aks Gɔd, Gɔd go gi am, bikɔs Gɔd de gi mɔtalman plɛnti tin dɛn ɛn i gladi fɔ du dat.

Jɔn In Fɔs Lɛta 3:18

Mi pikin dɛn, wi nɔ fɔ jɛs de tɔk se wi lɛk wi kɔmpin, bɔt wi fɔ de du dɛn tin we go sho se wi lɛk dɛn fɔ tru.

Pita In Fɔs Lɛta 1:22

Naw we una de fala dɛn tru tin we dɛn lan una bɔt Jizɔs Krays, we mek una dɔn lɛf fɔ du bad, ɛn mek una layf dɔn klin, ɛn mek una lɛk una kɔmpin Kristiɛn dɛn fɔ tru, una fɔ lɛk dɛn naw wit ɔl una at.

Matyu 5:8

“Dɛn wan we gɛt klin at, gɛt blɛsin, bikɔs dɛn go de usay Gɔd de!

Jɔn In Fɔs Lɛta 3:3

Ɛni bɔdi we abop pan Krays go klin bikɔs Krays klin, i nɔ go gɛt bɔt nain layf.

Lyuk 21:15

A go mek una ebul ansa dɛn wit sɛns so dat dɛn wan we nɔ lɛk una sɛf go gri wit di ansa dɛn we una de ansa.

Lyuk 6:36

Una fɔ sɔri fɔ pipul lɛkɛ aw una Papa Gɔd de sɔri fɔ ɔlman.

Di Ibru Pipul Dɛn 12:14

Una tray mek una nɔ mek plaba wit ɛnibɔdi, ɛn una tray fɔ liv klin layf ɔltɛm, bikɔs nɔbɔdi nɔ go si Gɔd na ɛvin pas in layf klin.

Sɛkɛn Lɛta To Timoti 2:24

Di pɔsin we de du Gɔd wok nɔ fɔ mek plaba, i fɔ gud to ɔlman; i fɔ bi gud ticha we de bia,

Pita In Fɔs Lɛta 2:1

So una fɔ lɛf ɔl dɛn bad tin we de na una layf: una fɔ lɛf fɔ lay, una fɔ lɛf fɔ mek ipokrit, una fɔ lɛf fɔ jɛlɔs una kɔmpin ɛn una fɔ lɛf fɔ tɔk bad bɔt dɛn.

Jems 2:4

If ɛnibɔdi du dat, i dɔn du bad we i de luk se wan pɔsin bɛtɛ pas in kɔmpin. Di tin we mek i de du dat nɔ fayn.

Di Ibru Pipul Dɛn 12:11

Di tɛm we dɛn kin pɔnish wi, wi nɔ kin gladi, wi kin sɔri. Bɔt tɛm de kam we da pɔnish de go ɛp di wan dɛn we dɛn pɔnish, bikɔs i go mek dɛn lan fɔ du wetin rayt. I go mek dɛn waka tret na layf ɛn de kwayɛt wit dɛn kɔmpin mɔtalman.

Lɛta Fɔ Kɔlɔse 1:10

Dat go mek una ebul du wetin di Masta want, ɛn ɔltɛm una go de du di tin we go mek i gladi; una go de du ɔl kayn gud wok, ɛn una go de no mɔ ɛn mɔ bɔt Gɔd.

Lɛta Fɔ Rom 15:14

Mi kɔmpin Kristiɛn dɛn, a shɔ se una gud, una no ɔl wetin una fɔ du ɛn una ebul advays una kɔmpin dɛn.

Job 28:28

Nain i tɛl mɔtalman se, una no tide se, fɔ fred PAPA GƆD nain na bɔku bɔku sɛns, ɛn fɔ kɔmɔt biɛn setan biznɛs, na bɔku bɔku lanin.”

1 Kronikuls 22:12

Di wantin we a de pre fɔ, na fɔ mek i gi yu sɛns fɔ disayd ɛn ɔndastandin so wɛn i gi yu pawa oba Izrɛl, yu go ebul du wetin PAPA GƆD we na yu Gɔd se yu fɔ de du.

1 Kɔrint 12:8

Gɔd in Spirit de gi wan pɔsin in yon sɛns fɔ tɔk in mɛsej, di sem Spirit de mek ɔda pɔsin sabi aw fɔ tɔk Gɔd in mɛsej pas in kɔmpin.

Job 28:23

“PAPA GƆD no di rod fɔ go de, ɛn i no usay i de.

Jems 4:8

Una kam klos Gɔd ɛn i go kam klos una. Una dɛn sina, una lɛf fɔ sin. Una dɛn ipokrit, una pul dɛn bad tin kɔmɔt na una at.

Fɔs Lɛta To Timoti 5:21

Bifo Gɔd, Jizɔs Krays, ɛn in gud enjɛl dɛn, a de tɛl yu fɔ du dɛn tin ya; trit ɔlman di sem we, pɔsin we na yu padi ɛn pɔsin we nɔto yu padi.

Apɔsul Dɛn Wok 11:24

Banabas na bin gud man; Gɔd in Spirit bin de insay am ɛn i bin biliv Gɔd. Dat mek plɛnti pipul biliv pan di Masta.

Matyu 23:28

Na so una tan, wɛn ɛnibɔdi si una, i tan lɛkɛ se una de du wetin Gɔd in lɔ tɛl una fɔ du, bɔt una at ful wit ipokrit ɛn sin.

Fɔs Lɛta Fɔ Tɛsalonayka 2:7

We wi na Krays in apɔsul dɛn, wi bin gɛt di rayt fɔ tɛl una fɔ du sɔntin fɔ wi, bɔt wi go kɛlɛkɛlɛ wit una lɛkɛ aw kombra kin bayo bayo in pikin dɛn.

Lɛta Fɔ Filipay 4:8

Mi Kristiɛn brɔda dɛn, na di las tin dis we a want tɛl una na dis lɛta: dɛn tin we tru, dɛn tin we rayt na Gɔd yay, dɛn tin we gud we nɔ de mek pipul sin, dɛn tin we de mek pɔsin lɛk in kɔmpin mɔtalman, ɛn dɛn tin we ɔlman si se gud; na dɛn nɔmɔ una fɔ de mɛmba ɛn ɔl dɛn tin we pɔsin kin prez Gɔd fɔ.

Lɛta Fɔ Filipay 1:11

A de pre mek una waka tret ɛn du dɛn gud tin we Jizɔs Krays in wangren nɔmɔ ebul mek in pipul dɛn du, ɛn dat go mek ɔda pipul rɛspɛkt ɛn prez Gɔd.

Apɔsul Dɛn Wok 9:36

Wan uman bin de na Jɔpa we bin nem Tabita. (Dɛn Grik pipul de kɔl am Dɔkas we min, bif we dɛn kɔl dia.) Dis uman ya bin biliv pan Jizɔs ɛn ɔltɛm i kin de du gud ɛn i kin de ɛp dɛn po pipul.

Jɔn 1:47

Wɛn Jizɔs si Natanyɛl de kam, i se, “Luk man we kɔmɔt Izrɛl fɔ tru, i nɔ gɛt nɔ bɛnbɛn, i nɔ de mek pɔsin ful.”

Jɔn 1:14

Di Wɔd kam bi mɔtalman ɛn tap wit wi, i mek wi no ɔltin we tru bɔt Gɔd, ɛn i du wi gud ɔltɛm. Wi si di wɔndaful ɔna ɛn pawa we i gɛt, ɛn na Gɔd gi am da wɔndaful ɔna ɛn pawa de, bikɔs in na di Papa in wangren Pikin.

Malakay 3:3

I go tan lɛk silvasmit bikɔs i go sidɔm fɔ de mek pipul klin bifo PAPA GƆD. I go mek Livay in bɔypikin dɛn klin lɛkɛ aw dɛn de klin gold ɔ silva te dɛn ebul fɔ de gi di rayt kayn prɛzɛnt ɔ sakrifays to PAPA GƆD.

Malakay 2:9

Dat mek bikɔs dɛn nɔ de trit ɔlman di sem, i dɔn mek di pipul dɛn nɔ de luk dɛn wit bɛtɛ yay.

Daniɛl 1:17

As fɔ dɛn fo yɔŋ man ya, PAPA GƆD gi dɛn sɛns ɛn skil pan ɔl kayn tin we pipul rayt; ɛn Daniɛl bin no bɔt ɔl kayn vishɔn ɛn drim.

1 Kiŋ 3:9

Gi mi sɛns ɛn di kayn at fɔ rul yu pipul dɛn, ɛn fɔ no wetin rayt frɔm wetin rɔŋ. Nɔbɔdi nɔ go ebul bay insɛf fɔ rul dɛn pipul ya gud”

Ɛksodɔs 36:2

Mozis kɔl Bɛzalɛl, Oolayab ɛn ɔl di ɔda man dɛn we PAPA GƆD dɔn gi sɛns ɛn skil we rɛdi fɔ wok fɔ bigin di wok wantɛm.

Taytɔs 3:2

Tɛl dɛn mek dɛn nɔ tɔk bad bɔt ɛnibɔdi, mek dɛn nɔ lɛk fɔ mek plaba, mek dɛn de bia wit pipul ɛn mek dɛn nɔ ala pan ɛnibɔdi.

Taytɔs 1:15

Ɔltin klin to pipul we gɛt klin at; bɔt natin nɔ klin to pipul we nɔ gɛt klin at ɛn we nɔ biliv Gɔd, bikɔs na dɔti tin dɛn de mɛmba ɛn na dat de na dɛn at.

Lɛta Fɔ Rom 12:18

Una fɔ du ɔl wetin una ebul fɔ du so dat una kin de kwayɛt wan wit ɔlman.

Ayzaya 32:6

Bikɔs pɔsin we nɔ rɛspɛkt Gɔd de tɔk mɔnɔmɔnɔ, ɛn in maynd de plan fɔ kɔmit sin: fɔ de du tin dɛn we PAPA GƆD nɔ lɛk, fɔ de tɔk rɔŋ tin bɔt PAPA GƆD, fɔ lɛf pɔsin we aŋri de kech bad bad wan ɛn nɔ gi am it, ɛn fɔ gridi tɔsti pɔsin, wata.

Ayzaya 2:4

I go jɔj bitwin di neshɔn dɛm ɛn go disayd fɔ bɔku pipul dɛm; ɛn dɛn go tɔn dɛn sɔd dɛn to gɔgɔ, ɛn dɛn spia dɛn go tɔn gadin sizɔs wan kɔntri nɔ go tek sɔd fɔ in kɔmpin igen ɛn wa nɔ go de igen.

1 Kronikuls 22:9

Wande, dɛn go bɔn bɔypikin fɔ yu; I go bi man we lɛk pis. A go gi am alafia to ɔl in ɛnimi we de rawnd am; i go nem Sɔlɔmɔn, ɛn ɔl di tɛm we i bi kiŋ, a go Izrɛl alafia.

1 Kiŋ 3:28

Wɛn ɔlman na Izrɛl yɛri di kiŋ in jɔjmɛnt, dɛn ɔl fred ɛn rɛspɛkt am bikɔs dɛn no se na PAPA GƆD gi am da sɛns de fɔ jɔj da kayn we de.

1 Kiŋ 3:12

a go gi yu wetin yu want. A go mek yu gɛt sɛns ɛn no wetin rayt ɛn wetin rɔŋ; sɛns we nɔbɔdi na wɔl nɔ ɛva gɛt ɛn nɔ go ɛva gɛt.

Lɛta Fɔ Ɛfisɔs 5:9

If una de na di layt, una go du wetin gud, ɛn wetin rayt ɛn tɔk wetin tru.

2 Kɔrint 10:1

Na mi, Pɔl, de beg una dɛn se a de fred fred wɛn a de wit una, na wɛn a nɔ de klos una nɔmɔ, a gɛt mɔt. A de tek di sem peshɛnt ɛn kwayɛt we we Krays gɛt beg una:

2 Kɔrint 9:10

Gɔd, we de gi fama sid fɔ plant, ɛn we de gi wi bred fɔ it, go gi una ɔl di sid we una fɔ gɛt, ɛn mek dɛn gro, so aw una gi plɛnti, na so i go mek una gɛt plɛnti ɛn mek una ebul du plɛnti gud mɔ ɛn mɔ.

Ayzaya 40:11

I go fid in ship dɛm lɛk shɛpad, i go gɛda di ship pikin dɛn nain an, I go bɔn dɛm nain buzɔm, ɛn i go tek tɛm lid di kombra dɛn.

Job 28:12

“Usay pɔsin go ebul fɛn bɔku bɔku sɛns? Ɛn usay pɔsin go fɛn bɛtɛ lanin?

Matyu 5:9

“Dɛn wan we de mek pis fɔ pipul, gɛt blɛsin, bikɔs Gɔd go mek dɛn bi in pikin dɛn!

2 Kɔrint 6:6

Wi nɔ de du ɛnitin we go mek wi shem, wi no Gɔd, wi ebul bia wit wi kɔmpin ɛn wi gɛt gud at fɔ wi kɔmpin; ɔl dɛn tin ya sho se na Gɔd wi de wok fɔ; we wi gɛt Gɔd in Spirit ɛn we wi ebul lɛk fɔ tru,

2 Kɔrint 7:11

Luk wetin Gɔd du fɔ una we a mek una fil sɔri: i mek una siriɔs pan wetin una de du ɛn una want pruv fɔ tru se una nɔ gilti! Una bin vɛks bad fɔ di tin we una bin du; una bin fred bikɔs na bad tin una bin du, una bin fil bad; una bin want si mi bad bad; una bin rɛdi ɛnitɛm fɔ pɔnish di pɔsin we du bad! Una du ɔl wetin una ebul fɔ mek ɔltin tret. Ɔl dat dɔn sho mi se a nɔ gɛt ɛnitin fɔ blem una fɔ insay ɔl dis.

Jems 2:13

If pɔsin nɔ de sɔri fɔ in kɔmpin mɔtalman ɛn padin am wɛn i du am bad, Gɔd nɔ go sɔri fɔ da pɔsin de ɛn padin am wɛn i go jɔj am. Bɔt pɔsin we de sɔri fɔ in kɔmpin mɔtalman ɛn padin am, Gɔd insɛf go sɔri fɔ insɛf ɛn padin am wɛn i de jɔj am.

Pita In Fɔs Lɛta 2:18

Una we na bɔy fɔ de du ɔl wetin una masta tɛl una fɔ du ɛn una fɔ rɛspɛkt dɛn gud gud; nɔto di masta dɛn nɔmɔ we gud ɛn we want ɛp dɛn kɔmpin mɔtalman una fɔ rɛspɛkt, una fɔ rɛspɛkt dɛn wan we bad sɛf.