Jems 3:15 - Krio Fɔs Oli Baybul

¹⁵ Nɔto Gɔd gi mɔtalman dis kayn sɛns ya, na dis wɔl yon sɛns ɛn na Setan gi mɔtalman.

Jems 3:15 Referans Kwoze

Jems 3:17

Di sɛns we Gɔd de gi, na pɔsin wit klin at i de gi, na di fɔs tin dat. Pɔsin we gɛt da kayn sɛns de nɔ de mek plaba, i nɔ de ambɔg, i de du tin saful saful, ɛn i lɛk fɔ ɛp pipul; i gɛt sɔri at ɛn i de du plɛnti plɛnti gud; ɔl in at de fɔ Gɔd, i nɔ ipokrit.

Jems 1:17

Na Gɔd nɔmɔ de gi wi ɔl dɛn tin we gud ɛn we mek wi nɔ want ɛnitin mɔ. Na Gɔd mek di san, di mun ɛn di sta dɛn. Gɔd nɔ de chenj, i nɔ de lɛf wi na dak afta i dɔn mek layt shayn pan wi.

1 Kɔrint 3:19

Dis wɔl sɛns na nɔnsɛns to Gɔd. Dɛn rayt na Gɔd in Buk se, “Mɔtalman yon sɛns na di trap we Gɔd de tek kech am.”

Lɛta Fɔ Filipay 3:19

Bɔt dɛn pipul ya go go na ɛl, bikɔs dɛn tek ɔl wetin dɛn want fɔ dɛnsɛf tɔn dɛn to dɛn yon gɔd; ɛn dɛn tin we fɔ mek dɛn shem, nain dɛn de gladi fɔ. Dɛn put ɔl dɛn at pan dɛn tin we de na dis wɔl.

1 Kɔrint 2:14

Bɔt pɔsin we nɔ gɛt Gɔd in Spirit nɔ go ebul ɔndastand dɛn tin we i de tɛl wi, dɛn na nɔnsɛns fɔ am; i nɔ ebul ɔndastand dɛn, na di Spirit nɔmɔ ebul mek pipul ɔndastand dɛn.

2 Kɔrint 1:12

Wetin mek wi fil prawd, na we wi no insay wi at fɔ tru se nɔto bay mɔtalman sɛns wi liv na dis wɔl, ɛn nɔto bay mɔtalman sɛns wi de du ɔl dɛn tin we wi de du fɔ una, bɔt na bikɔs Gɔd gud, mek wi rɛspɛkt una ɛn wi de waka tret wit una.

Jems 1:5

If ɛni wan pan una want mɔ sɛns fɔ du ɛnitin, mek i aks Gɔd, Gɔd go gi am, bikɔs Gɔd de gi mɔtalman plɛnti tin dɛn ɛn i gladi fɔ du dat.

Fɔs Lɛta To Timoti 4:1

Gɔd in Spirit dɔn tɔk plen wan se tɛm go kam we sɔm pipul go lɛf fɔ biliv Gɔd; dɛn go de du wetin dɛn spirit we de lay tɛl dɛn fɔ du, ɛn dɛn go de fala wetin dɛbul lan dɛn.

Jud In Lɛta 1:19

Na dɛn pipul ya de mek pipul nɔ gɛt wanwɔd, dɛn de fala dɛn at fɔ du dɛn bad tin we de na wɔl, Gɔd in Spirit nɔ de wit dɛn.

1 Kɔrint 3:3

bikɔs una de du lɛkɛ se una nɔ gɛt Gɔd in Spirit yet. Na dat mek una nɔ lɛk fɔ si bɛtɛ fala una kɔmpin, una de mek plaba wit una kɔmpin, ɛn una nɔ gɛt wanwɔd! Una de du lɛkɛ dɛn pipul we nɔ gɛt Gɔd in Spirit!

Jɔn 3:17

Gɔd nɔ sɛn in Pikin kam na wɔl fɔ kam jɔj mɔtalman, i sɛn am kam fɔ kam sev ɔlman.

Jɛrimaya 4:22

“Bikɔs mi pipul dɛn fulish, dɛn nɔ no mi; dɛn na styupid pikin dɛm, dɛn nɔ de ɔndastand natin. Dɛn gɛt skil fɔ du ivul tin dɛm, bɔt dɛn nɔ no aw fɔ du gud.”

Rɛvɛleshɔn 12:9

Dɛn drɛb di big dragɔn kɔmɔt na ɛvin, ib am dɔŋ na wɔl! Nain na da snek we dɛn kɔl Dɛbul ɔ Setan, we bin de mek di ol wɔl ful. Dɛn ib am dɔŋ na wɔl, wit ɔl in mɛsenja dɛn.

Rɛvɛleshɔn 9:11

Dɛn bin gɛt dɛn edman, dat na da enjɛl we de gyad da ol we nɔ gɛt bɔtɔm. Dɛn Ju pipul de kɔl am Abadɔn, dɛn Grik pipul de kɔl am Apolyɔn (dat min, “Di wan we de kil ɛn pwɛl”.)

Rɛvɛleshɔn 2:24

“Bɔt, sɔm pan una de na Tayatira, we nɔ gri fɔ du dɛn bad tin we dɛn pipul we lib de, de lan ɔda pipul fɔ du; una nɔ lan dɛn bad tin we pipul se na Setan in sikrit. A nɔ gɛt ɛni ɔda tin fɔ tɛl una fɔ du,

Sɛkɛn Lɛta Fɔ Tɛsalonayka 2:9

Di wan we de fɛt Gɔd go kam wit Setan in pawa ɛn i go kam sho se in gɛt ɔl kayn pawa we i du plɛnti big wok we go mek pipul ful,

2 Kɔrint 11:3

A de fred mek sɔm ɔda tin dɛn nɔ go na una ed we go mek una nɔ de fɔ Krays in wangren, jɛs lɛkɛ aw di snek bin tek kɔni sɛns mek Iv ful.

1 Kɔrint 1:27

Gɔd no wetin i de du. I pik dɛn tin we pipul na di wɔl tink se na nɔnsɛns fɔ tek mek dɛn wan we gɛt dis wɔl sɛns shem; i pik dɛn tin we pipul na di wɔl tink se nɔ gɛt pawa fɔ tek mek dɛn bigman shem.

Lɛta Fɔ Rom 1:22

Dɛn se dɛn gɛt sɛns, bɔt dɛn ful.

Apɔsul Dɛn Wok 13:10

ɛn tɛl am se, “Yu na Setan in pikin, yu nɔ lɛk ɛnitin we gud. Na bad ful yu at. Wetin mek yu want pul pipul dɛn kɔmɔt na di Masta in tret rod?

Jɔn 8:44

Na Setan na una papa, so una lɛk fɔ du di tin dɛn we una papa lɛk fɔ du. Frɔm tɛm, Setan de kil, ɛn i nɔ lɛk ɛnitin we na tru, bikɔs i nɔ de tɔk tru. Ɛnitɛm we i lay, i jɛs de sho in trik, bikɔs na layman ɛn nain de mek pipul lay.

Lyuk 16:8

“Di masta se di klak we tif du wɛl bikɔs i tink gud bifo i du ɔl wetin i du. Dɛn pipul we tek dɛn tin na wɔl mek gɔd, de tink fa wɛn dɛn de dil wit pipul lɛkɛ dɛnsɛf pas dɛn pipul we de waka na Gɔd in layt.”

2 Samiɛl 16:23

Dɛn tɛm de, Devid ɛn Absalɔm bin de tek wetin Aitofɛl se lɛk wetin PAPA GƆD se.

2 Samiɛl 15:31

Devid bin dɔn yɛri se Aitofɛl jɔyn Absalɔm pan di kuskas so i pre mek PAPA GƆD mek i gi Absalɔm fulish advays.

2 Samiɛl 13:3

Amɔn bin gɛt wan padi we nem Jonadab we na Shimea dat na Devid in brɔda, in bɔypikin. Jonadab bin gɛt sɛns ɛn sabi aw fɔ dil wit dɛn kayn kes de.