Jems 3:14 - Krio Fɔs Oli Baybul

¹⁴ If una de jɛlɔs ɔda pipul ɛn una gɛt bad at fɔ dɛn ɛn una jɛs de mɛmba unasɛf nɔmɔ, una nɔ fɔ bost se una gud ɛn una gɛt sɛns, bikɔs if una du so, una nɔ de tɔk tru.

Jems 3:14 Referans Kwoze

Jems 3:16

Ɛni say we pipul de jɛlɔs dɛn kɔmpin ɛn dɛn want ɔltin fɔ dɛnsɛf, una nɔ go fɛn wanwɔd de; na soso bad lib de.

1 Kɔrint 13:4

If una lɛk una kɔmpin mɔtalman una go de bia wit dɛn; una go gɛt gud at fɔ dɛn; una nɔ go de jɛlɔs dɛn; una nɔ go prawd; ɔ fil se una bɛtɛ pas dɛn.

Lɛta Fɔ Filipay 2:3

Una nɔ fɔ jɛs de du dɛn tin we una want fɔ du nɔmɔ, una nɔ fɔ du ɛnitin bikɔs una want mek dɛn prez una; una nɔ fɔ prawd, una fɔ fil se ɔda pipul bɛtɛ pas una.

1 Kɔrint 3:3

bikɔs una de du lɛkɛ se una nɔ gɛt Gɔd in Spirit yet. Na dat mek una nɔ lɛk fɔ si bɛtɛ fala una kɔmpin, una de mek plaba wit una kɔmpin, ɛn una nɔ gɛt wanwɔd! Una de du lɛkɛ dɛn pipul we nɔ gɛt Gɔd in Spirit!

Lɛta Fɔ Rom 13:13

Una lɛ wi de du ɔl wetin wi fɔ du lɛkɛ pipul we de na di tru layt; wi nɔ fɔ liv fri layf, wi nɔ fɔ de drɔnk, wi nɔ fɔ liv bad layf, wi nɔ fɔ de fɛt ɔ jɛlɔs wi kɔmpin.

2 Kɔrint 12:20

A de fred se wɛn a rich de a go si se una difrɛn frɔm aw a go lɛk fɔ mek una tan ɛn unasɛf go si se misɛf difrɛn frɔm aw una want mi fɔ tan. A de fred se a go kam mit plaba, wam at, kɔs, kɔnfyushɔn, pipul we de jɛlɔs dɛn kɔmpin, dɛn wan we de koŋosa dɛn kɔmpin, dɛn wan we want ɔltin fɔ dɛnsɛf, ɛn pipul we prawd.

Lɛta Fɔ Filipay 1:15

Na tru se, sɔm pipul de we de tɔk bɔt Jizɔs Krays bikɔs dɛn de jɛlɔs mi ɛn dɛn want sho se dɛn de wok pas mi, bɔt ɔda pipul de we de tɔk bɔt Jizɔs Krays bikɔs dɛn want fɔ du wetin rayt.

Jems 5:19

Mi kɔmpin Kristiɛn dɛn, if ɛni wan pan una slipul ɛn kɔmɔt na Gɔd in rod, bɔt sɔmbɔdi briŋ am kam bak,

Apɔsul Dɛn Wok 5:17

Di edman pan dɛn man we de mek sakrifays fɔ pipul sin, ɛn in kɔmpin Sadyusi dɛn, jɛlɔs di apɔsul dɛn bad wan.

Taytɔs 3:3

Tɛm bin de we wisɛf bin de pan fulish layf, wi nɔ bin de lisin to Gɔd, wi nɔ bin de lisin to mɔtalman, ɛn wi nɔ bin de du wetin rayt. Wi nɔ bin ebul kɔntrol wisɛf, ɛn na wetin wi at tɛl wi nɔmɔ wi bin de fala; wi bin de pan ɔl kayn ɛnjɔymɛnt, na bad nɔmɔ wi bin de mɛmba fɔ pipul, wi bin de jɛlɔs pipul, pipul nɔ bin lɛk wi ɛn wisɛf nɔ bin lɛk dɛn.

Fɔs Lɛta To Timoti 6:4

da pɔsin de prawd bad ɛn i nɔ sabi natin; i jɛs lɛk fɔ de agyu ɛn mek plaba fɔ wan wan wɔd dɛn, ɛn dat bad bikɔs i de mek pipul jɛlɔs dɛn kɔmpin, i de mek dɛn nɔ gɛt wanwɔd, i de mek dɛn kɔs dɛn kɔmpin ɛn mek dɛn luk se dɛn kɔmpin want du dɛn bad;

1 Kɔrint 5:2

So a nɔ no wetin fɔ mek una prawd. Na sɔri una fɔ sɔri, ɛn dɛn fɔ pul di man we liv lɛkɛ dat kɔmɔt to una.

Lɛta Fɔ Rom 2:8

Bɔt ɔda pipul jɛs liv fɔ dɛnsɛf ɛn dɛn nɔ de gri fɔ du wetin dɛn fɔ du, dɛn de du wetin dɛn nɔ fɔ du; Gɔd go vɛks pan dɛn ɛn pɔnish dɛn.

Prɔvabs 27:4

Pɔsin we gɛt wamat ɛn lɛk plaba kin pwɛl in kɔmpin, bɔt jɛlɔs pɔsin wɔs pas am.

Prɔvabs 14:30

Udat gɛt kolat de gɛt wɛl bɔdi, bɔt jɛlɔs krab nɔba fat.

2 Kiŋ 10:31

Bɔt Jeu insɛf nɔ bin bisin fɔ de du wetin PAPA GƆD, di PAPA GƆD fɔ Izrɛl want wit ɔl in at. I nɔ tap fɔ du di bad tin we Jɛroboam bin de du we i mek Izrɛl kɔmit sin.

Lɛta Fɔ Galeshya 6:13

Dɛn pipul sɛf we gri fɔ mek dɛn sakɔmsayz dɛn nɔ de du wetin di Ju Lɔ se. Dɛn want mek una sakɔmsayz, so dat dɛnsɛf go bost se una dɔn gri fɔ mek dɛn sakɔmsayz una.

Lɛta Fɔ Galeshya 5:26

Wi nɔ fɔ tɔk big tɔk, wi nɔ fɔ mek ɔda pipul vɛks ɛn wi nɔ fɔ jɛlɔs ɔda pipul.

Lɛta Fɔ Galeshya 5:21

dɛn nɔ want mek bɛtɛ fala dɛn kɔmpin, dɛn de drɔnk, ɛn dɛn de mek dɛn wayl pati, ɛn dɛn de du plɛnti ɔda bad tin dɛn lɛkɛ dɛn wan ya. A de wɔn una lɛkɛ aw a bin dɔn wɔn una fɔs se: dɛn pipul we de pan dis kayn layf nɔ go de ɔnda Gɔd in rul.

Lɛta Fɔ Galeshya 5:15

If una de lɛkɛ dɛn bif na bush we de fɛt ɛn wund dɛn kɔmpin, wɛl, una tek tɛm, if nɔ so, una go pwɛl una Kristiɛn grup ɔltogɛda.

1 Kɔrint 5:6

Di prawd we una prawd nɔ rayt! Una no se dɛn kin se, “Na lili bit yist nɔmɔ de mek ɔl di bred rayz.”

Lɛta Fɔ Rom 2:17

As fɔ una we na Ju: una kɔl unasɛf Ju pipul; una abop pan di Lɔ, ɛn una de bost se una na di pipul we Gɔd dɔn pik.

Lɛta Fɔ Rom 1:29

Dɛn at ful wit ɔl kayn bad tin: dɛn want wetin ɔda pipul gɛt, dɛn de du dɛn kɔmpin mɔtalman bad bad, dɛn de jɛlɔs dɛn kɔmpin mɔtalman, dɛn de kil dɛn kɔmpin mɔtalman, dɛn de fɛt dɛn kɔmpin mɔtalman, dɛn de mek dɛn kɔmpin mɔtalman ful, ɛn dɛn de mɛmba bad bad tin fɔ dɛn kɔmpin mɔtalman. Dɛn de koŋosa dɛn kɔmpin mɔtalman,

Apɔsul Dɛn Wok 26:9

“A bin biliv se a fɔ du ɛnitin we a ebul du fɔ pwɛl Jizɔs we kɔmɔt Nazarɛt, in nem.

Apɔsul Dɛn Wok 13:45

Wɛn di Ju pipul dɛn si ɔl di pipul dɛn na di Ju mitin os, dɛn jɛlɔs Pɔl ɛn Banabas. Dɛn se na lay Pɔl de lay ɛn dɛn tɔk bad bɔt am.

Jɔn 16:2

Dɛn go drɛb una kɔmɔt na dɛn Ju mitin os, ɛn tɛm de kam we ɛnibɔdi we kil una sɛf go tink se i de du wetin Gɔd want am fɔ du.

Matyu 27:18

Paylet bin no gud gud se, di Ju bigman dɛn an ova Jizɔs to am bikɔs dɛn jɛlɔs Jizɔs.

Abakɔk 1:3

Ɔ na wes a de westɛm se trɔbul de we yu de mek se yu nɔ no? Ɔltin dɔn tɔnoba na di ples. Na soso fɛt ɛn plaba de ɔlsay.

Ayzaya 11:13

Di jɛlɔs we Ifrem de jɛlɔs go dɔn, ɛn dɛn wan we de tɔmɛnt Juda go day; Ifrem nɔ go jɛlɔs Juda, ɛn Juda nɔ go tɔmɛnt Ifrem.

Job 5:2

Vɛksteshɔn de kil fulman, ɛn jɛlɔsi de kil pɔsin we nɔ gɛt bɛtɛ sɛns.

2 Kiŋ 10:16

Jeu tɛl am se lɛ i de waka wit am fɔ lɛ i go si aw i de magomago fɔ PAPA GƆD. So dɛn ɔltu rayd na Jeu in karej.

Jɛnɛsis 37:11

Josɛf in brɔda dɛn bin de jɛlɔs am bɔt in papa in bin de tink bɔt di drim ɛn de wɔnda wetin i min.

Apɔsul Dɛn Wok 7:9

“Wi grampapa papa dɛn bin jɛlɔs Josɛf, dɛn brɔda, ɛn dat mek dɛn sɛl am fɔ mek i go bi slev na Ijipt; bɔt Gɔd bin de wit Josɛf.

Lɛta Fɔ Galeshya 5:20

mɔtalman lɛk fɔ pre to dɛn tin we pipul de mek fɔ pre to, ɛn dɛn lɛk fɔ swɛ dɛn kɔmpin. Mɔtalman nɔ lɛk dɛn kɔmpin, ɛn dɛn de fɛt dɛn kɔmpin; dɛn de jɛlɔs dɛn kɔmpin, dɛn de vɛks pan dɛn kɔmpin, ɛn dɛn de put dɛnsɛf bifo dɛn kɔmpin mɔtalman. Dɛn lɛk fɔ de bay grup ɛn dɛn nɔ de si wit dɛn kɔmpin;

Fɔs Lɛta To Timoti 2:4

Gɔd want mek ɔlman sev ɛn mek dɛn no wetin tru.

Jems 1:18

Gɔd mek in wɔd we tru gi wi dis nyu layf lɛkɛ aw i want, so dat wi kin pas ɔl dɛn ɔda pipul we i mek we wi dɔn bi in yon pikin dɛn.

Jɛnɛsis 38:9

Bɔt Onan bin no se di bɔypikin nɔ go bi in yon, so ɛnitɛm i lidɔm wit in brɔda in wɛf, i kin trik am ɛn grap kwik so i nɔ go gɛt bɛlɛ, bikɔs i nɔ want gɛt pikin fɔ in brɔda.