Jems 2:20 - Krio Fɔs Oli Baybul

²⁰ Una we nɔ de gri fɔ ɔndastand! If una biliv Gɔd, bɔt una nɔ de du dɛn tin we sho se una biliv Gɔd, di biliv we una se una biliv Gɔd, nɔ min natin.

Jems 2:20 Referans Kwoze

Jems 2:26

Lɛkɛ aw pɔsin kin day wɛn in spirit nɔ de insay am igen, semwe so, pɔsin we se in biliv Gɔd ɛn i nɔ de du dɛn tin we sho se i biliv am, nɔ biliv Gɔd at ɔl.

Jems 2:17

Wɛl, na so i fɔ bi wɛn pɔsin biliv Gɔd. If i jɛs tɔk nɔmɔ se in biliv Gɔd, bɔt i nɔ du ɛnitin fɔ sho se in biliv Gɔd, di biliv we da pɔsin de se in biliv Gɔd, nɔ min natin!

Prɔvabs 12:11

Udat wok gud go gɛt wetin i de it, bɔt udat de fala briz nɔ gɛt sɛns.

Lɛta Fɔ Rom 1:21

Dɛn no Gɔd, bɔt dɛn nɔ de gri fɔ gi am di rɛspɛkt we i fɔ gɛt, ɛn dɛn nɔ de tɛl am tɛnki fɔ ɛnitin we i du. Dɛn ed dɔn miks ɔp ɔltogɛda, dɛn nɔ ebul ɔndastand, so dɛn nɔ no wetin rayt.

Lɛta Fɔ Galeshya 6:3

If pɔsin tink se in bɛtɛ pas in kɔmpin dɛn, ɛn nɔto so i bi, na ful i jɛs de mek insɛf.

Jems 1:26

If ɛnibɔdi tink se in de fala Gɔd ɛn i nɔ de tek tɛm wɛn i de tɔk, i de mek insɛf ful. Na fɔ natin di pɔsin de fala Gɔd.

Taytɔs 1:10

Plɛnti pipul de, we nɔ de yɛri wɔd, we de mek ɔda pipul ful wit di nɔnsɛns we dɛn de tɔk, ɛn na dɛn Ju pipul mɔ de du so.

Fɔs Lɛta To Timoti 1:6

Sɔm pipul de we nɔ biliv dɛn tin ya igen, naw dɛn de tɔk plɛnti fulish fulish tin.

Lɛta Fɔ Kɔlɔse 2:8

Una luk shap, mek nɔbɔdi nɔ mek una ful ɛn tɔn una lɛkɛ slev wit in yon mɔtalman sɛns we nɔ min natin; di tin dɛn we dɛn pipul ya de tɔk na wetin dɛn lɔntɛm pipul bin de lan pipul, ɛn na dɛn spirit we de rul dis wɔl mek dɛn no dɛn tin ya. Dɛn tin ya nɔ kɔmɔt to Krays.

Jɛrimaya 2:5

Na dis PAPA GƆD se: “Us rɔŋ tin una papa dɛm bin fɛnɔt se a du, we mek dɛn bin go fa kɔmɔt nia mi, ɛn go fala wɔtlɛs layf ɛn tɔn wɔtlɛs pipul?

Lɛta Fɔ Galeshya 5:6

Wans wi gɛt wanwɔd wit Krays, if wi sakɔmsayz ɔ wi nɔ sakɔmsayz, dat nɔ min natin. Bɔt di tin we gud pas ɔl nain dis: pipul fɔ no se wi biliv pan Krays bay aw wi lɛk wi kɔmpin mɔtalman.

Lɛta Fɔ Rom 3:28

Na dat mek wi de se: Na we mɔtalman biliv pan Jizɔs Krays nɔmɔ de mek Gɔd mek ɔltin rayt bitwin in ɛn mɔtalman, nɔto bikɔs i de du wetin di Lɔ se.

Lɛta Fɔ Rom 9:20

Bɔt udat una tink se una bi we una kin agyu wit Gɔd? Kɔntri pɔt nɔ go aks di pɔsin we mek am se, “Wetin du yu mek mi so?”