Jems 2:19 - Krio Fɔs Oli Baybul

¹⁹ So, una biliv se na wangren Gɔd de. Una rayt! Bɔt dɛn dɛbul dɛnsɛf no se Gɔd de, na dat mek dɛn de fred am ɛn trimbul bifo am.

Jems 2:19 Referans Kwoze

Lyuk 4:34

“Jizɔs, we kɔmɔt Nazarɛt, us biznɛs yu gɛt wit wi? Yu kam ya fɔ kil wi? A no udat na yu, a no se yu kɔmɔt to Gɔd ɛn yu dɔn gi Gɔd yu layf fɔ tru.”

Mak 1:24

“Jizɔs we kɔmɔt Nazarɛt, us biznɛs yu gɛt wit wi? Yu kam ya fɔ kil wi? A no udat na yu, a no se yu kɔmɔt to Gɔd ɛn yu dɔn gi Gɔd yu layf fɔ tru.”

Matyu 8:29

Dɛn ala se, “Wetin yu kam fɔ du wi, yu we na Gɔd in Pikin? Yu kam ya fɔ mek wi sɔfa bifo di tɛm we Gɔd fɔ pɔnish wi?”

Apɔsul Dɛn Wok 16:17

I fala wi ɛn Pɔl de ala se, “Dɛn man ya na Gɔd we pas ɔl, in savant dɛn! Dɛn kam fɔ sho una aw una go sev!”

Ditarɔnɔmi 6:4

Mozis ɛksplen tɛl dɛn se na PAPA GƆD waŋren na dɛn GƆD

Lɛta Fɔ Galeshya 3:20

Bɔt Gɔd in wangren nɔ nid midulman.

Ayzaya 44:8

Una nɔ fred ɔ no kɔt at; a nɔ bin dɔn tɛl una lɔntɛm se i go bi? Ɛn una na mi witnɛs dɛm! Ɛni ɔda Gɔd de apat frɔm mi? Nɔn Rɔk nɔ de, a nɔ sabi ɛniwan.

Apɔsul Dɛn Wok 19:15

Bɔt di dɛbul tɛl dɛn se, “A no Jizɔs ɛn a no Pɔl, bɔt udat na una?”

Mak 5:7

I ala big wan se, “Jizɔs, yu we na Gɔd we pas ɔl, in Pikin, wetin yu want du mi? A tek Gɔd beg yu, nɔ mek a sɔfa!”

Zɛkaraya 14:9

Na PAPA GƆD go de rul di wanol wɔl; ɔlman go de wɔship am ɛn kɔl am di sem nem.

Ayzaya 46:9

mɛmba dɛn lɔntɛm tin dɛm; bikɔs na Mi na Gɔd, ɛn nɔn ɔda wan nɔ de; na Mi na Gɔd ɛn nɔn nɔ tan lɛk mi,

Ayzaya 44:6

Na dis PAPA GƆD we na kiŋ na Izrɛl ɛn di wan we de sev dɛn, we nain na PAPA GƆD Ɔlmayti, se: “Na mi na di fɔs ɛn na mi na di las; apat frɔm mi nɔn ɔda gɔd nɔ de.

Ayzaya 43:10

PAPA GƆD se, “Una na mi witnɛs dɛn, ɛn mi savant we a dɔn pik, mek yu go no ɛn biliv mi ɛn ɔndastand se na Mi na Im. Nɔn gɔd nɔ bin de bifo mi, ɛn nɔn ɔda wan nɔ go de afta mi;

Fɔs Lɛta To Timoti 2:5

Na wangren Gɔd de, ɛn wan pɔsin de midul Gɔd ɛn mɔtalman fɔ briŋ dɛn togɛda, dat na Jizɔs Krays we insɛf na mɔtalman,

Mak 12:29

Jizɔs ansa am se, “Na di lɔ we se, ‘Una we na Izrɛl pipul, lisin! Di Masta na wi Gɔd, ɔda wan nɔ de.

1 Kɔrint 8:6

wi stil no se na wangren Gɔd de, we na wi Papa, we mek ɔltin ɛn nain gɛt wi layf; ɛn wi no se na wangren Masta de, dat na Jizɔs Krays we mek ɔltin, ɛn we gi wi layf.

Ayzaya 45:6

mek mɔtalman go no se, frɔm usay di san de grap ɛn frɔm di wɛst, nɔn ɔda wan nɔ de apat frɔm mi; Na Mi na PAPA GƆD ɛn nɔn ɔda wan nɔ de.

Lɛta Fɔ Rom 3:30

Na wangren Gɔd nɔmɔ de. I go mek ɔltin rayt bitwin in ɛn dɛn Ju pipul if dɛn biliv pan Krays, ɛn i go mek ɔltin rayt bitwin in ɛn dɛn pipul we nɔto Ju if dɛnsɛf biliv pan Krays.

Jɔn 17:3

Fɔ gɛt da layf de, we go de sote go, dɛn fɔ no yu, we na di wangren tru Gɔd, ɛn dɛn fɔ no Jizɔs Krays, we yu sɛn kam to dɛn.

Jud In Lɛta 1:6

dɛn enjɛl we bin lɛf fɔ rul na di say we dɛn bin de rul ɛn tɔn dɛn bak pan Gɔd, Gɔd dɔn chen dɛn na dak ples ɔnda dɛn grev te di big de we i go jɔj di wɔl.

Jems 2:8

Una de du di rayt tin if una de fala Gɔd, we de rul wi in lɔ we rayt nain Buk se, “Una fɔ lɛk una kɔmpin, lɛkɛ aw una lɛk unasɛf.”

1 Kɔrint 8:4

So, lɛkɛ aw a bin se, lɛ a kam tɔk bɔt dɛn it we dɛn kin sakrifays to dɛn tin we mɔtalman mek fɔ pre to: una no se dɛn tin we mɔtalman mek fɔ pre to nɔto Gɔd; wi no se na wangren Gɔd nɔmɔ de.

Rɛvɛleshɔn 20:10

Dɛn tek Setan we bin de mek pipul ful, trowe am insay da wata we faya de kech ɛn sɔlfa de bɔn; na da sem ples de dɛn bin trowe da wayl bif ɛn da prɔfɛt we nɔ de tɔk tru; na de dɛn go tɔmɛnt, de ɛn nɛt, sote go.

Jud In Lɛta 1:4

A de tɛl una dat bikɔs sɔm pipul we nɔ gɛt Gɔd na dɛn at dɔn kam miks wit una sikrit wan; dɛn se bikɔs Gɔd gud, dɛn kin du ɛni kayn tin, ɛn Gɔd nɔ go kɔndɛm dɛn; dɛn tɔn dɛn bak pan wi wangren Masta Jizɔs Krays. Na lɔn, lɔntɛm, Gɔd in Buk bin dɔn tɔk se Gɔd go kɔndɛm dɛn pipul ya.

Mak 7:9

I tɔk igen se, “Una tink se una gɛt sɛns we una nɔ tek wetin Gɔd tɛl una fɔ du mek natin ɛn una jɛs de du wetin una grampapa papa dɛn bin tɛl una yon Ju pipul dɛn fɔ du!

Apɔsul Dɛn Wok 24:25

Wɛn Pɔl tɔk bɔt wetin dɛn min wɛn dɛn se pɔsin gud, aw pɔsin fɔ kɔntrol insɛf, ɛn di de we Gɔd go jɔj ɔlman fɔ di gud ɛn bad we dɛn du, Filiks fred; i se, “Pɔl, go fɔs. A go sɛn kɔl yu ɔda tɛm.”

Jona 4:4

PAPA GƆD insɛf aks am wetin mek i fɔ vɛks.

Jona 4:9

Dat mek PAPA GƆD aks Jona wetin mek i fɔ vɛks pan di plant. Jona se i gɛt rayt fɔ vɛks ɛn i so vɛks dat i want fɔ day.