Jems 2:18 - Krio Fɔs Oli Baybul

¹⁸ Sɔntɛm pɔsin go se, “Wan pɔsin biliv Gɔd, bɔt ɔda wande du dɛn tin we sho se i biliv Gɔd.” A go ansa da pɔsin de se, “Aw pɔsin go sho se in biliv Gɔd if a nɔ si di tin dɛn we i de du fɔ sho se i biliv Gɔd? Wetin a de du go sho una se a biliv Gɔd.”

Jems 2:18 Referans Kwoze

Jems 3:13

Uswan pan una de we gɛt sɛns ɛn we ɔndastand plɛnti tin? Mek i waka tret ɛn du gud ɛn wɛn i de du gud, mek i nɔ prawd ɛn mek i du ɔltin wit sɛns; na dat go sho se in na pɔsin we gɛt sɛns ɛn i de ɔndastand.

Fɔs Lɛta To Timoti 1:5

Gɔd sɛn wi fɔ ɛp pipul mek dɛn gɛt da lɛk we kɔmɔt insay klin at, ɛn we pɔsin we de tray fɔ du ɔl wetin rayt, gɛt, ɛn we pɔsin we biliv Gɔd fɔ tru, gɛt.

Jems 2:14

Mi Kristiɛn pipul dɛn, i nɔ min natin if pɔsin se in biliv Gɔd bɔt ɔl wetin i de du nɔ sho se i biliv Gɔd. If pɔsin biliv Gɔd ɛn i nɔ de du ɛnitin we sho se in biliv am, dat nɔ go sev am.

Lɛta Fɔ Galeshya 5:6

Wans wi gɛt wanwɔd wit Krays, if wi sakɔmsayz ɔ wi nɔ sakɔmsayz, dat nɔ min natin. Bɔt di tin we gud pas ɔl nain dis: pipul fɔ no se wi biliv pan Krays bay aw wi lɛk wi kɔmpin mɔtalman.

Taytɔs 2:7

Yusɛf, bay aw yu de du ɔl wetin yu de du, na yu pipul fɔ de fala fɔ du gud. Wɛn yu de tich pipul, yu fɔ sho dɛn se yu min wetin yu de tɔk ɛn yu fɔ siriɔs.

Lɛta Fɔ Rom 14:23

Bɔt if pɔsin de dawt nain at wɛn i de it sɔntin, Gɔd go kɔndɛm am bikɔs i nɔ biliv se wetin i de du, rayt. If wi du ɛnitin we wi nɔ biliv se rayt, dat na sin.

Di Ibru Pipul Dɛn 11:31

Na bikɔs da trit uman we nem Reab bin biliv Gɔd mek i nɔ day di tɛm we dɛn pipul we nɔ du wetin Gɔd tɛl dɛn fɔ du, day, bikɔs i bin gladi fɔ ayd dɛn trenja we dɛn sɛn kɔmɔt Izrɛl fɔ kam wach di tɔŋ, nain os.

Di Ibru Pipul Dɛn 11:33

Na we dɛn bin biliv Gɔd mek dɛn bin fɛt wit sɔm ɔda kɔntri dɛn, ɛn dɛn bin ebul win di wa. Dɛn du dɛn tin we rayt na Gɔd in yay, so Gɔd gi dɛn wetin i bin dɔn prɔmis fɔ gi dɛn. Fɔseka di biliv we dɛn biliv Gɔd, i sɛt di layɔn dɛn mɔt mek dɛn nɔ it dɛn;

Di Ibru Pipul Dɛn 11:6

If pɔsin nɔ biliv Gɔd, i nɔ go ebul pliz am. Pɔsin lɛkɛ dat nɔ go kam klos Gɔd pas i biliv se Gɔd de ɛn i de du gud to dɛn pipul we de pre to am ɔltɛm.

1 Kɔrint 13:2

Ɔ if a gɛt di pawa fɔ tɔk wɔd we Gɔd tɛl mi fɔ tɔk; if a sabi ɔltin; ɔ if a kin ɔndastand ɔltin; if a ebul muf ay ay il bikɔs a biliv Gɔd lɛkɛ aw a fɔ biliv am, ɛn a nɔ lɛk mi kɔmpin mɔtalman, ɔl dɛn tin ya we a ebul du nɔ min natin.

Lɛta Fɔ Rom 3:28

Na dat mek wi de se: Na we mɔtalman biliv pan Jizɔs Krays nɔmɔ de mek Gɔd mek ɔltin rayt bitwin in ɛn mɔtalman, nɔto bikɔs i de du wetin di Lɔ se.

2 Kɔrint 7:1

Mi padi dɛn, Gɔd dɔn mek ɔl dɛn prɔmis ya fɔ wi. So, lɛ wi nɔ du ɛnitin we go mek wi bɔdi ɔ wi spirit nɔ klin, lɛ wi liv fɔ Gɔd nɔmɔ, ɛn lɛ wi sho pipul se wi de fred Gɔd.

2 Kɔrint 5:17

Ɛnibɔdi we gɛt wanwɔd wit Krays, dɔn bi nyu pɔsin, di layf we i bin liv fɔstɛm dɔn dɔn, na nyu layf i liv naw.

Lɛta Fɔ Rom 8:1

Gɔd nɔ de kɔndɛm dɛn pipul we gɛt wanwɔd wit Jizɔs Krays.

Lɛta Fɔ Rom 4:6

Na dat Devid bin min wɛn i de tɔk bɔt pɔsin we Gɔd luk se na pɔsin we de waka tret, pan ɔl we di pɔsin nɔ du ɛnitin we fɔ mek dat bi so. Devid se da pɔsin de gɛt blɛsin. I se,

Lɛta Fɔ Rom 9:19

So wan pan una go aks mi se, “If na so Gɔd de du, wɛl, wetindu i go blem ɛnibɔdi? Udat de we go se in nɔ go du wetin Gɔd want am fɔ du?”