Jems 2:14 - Krio Fɔs Oli Baybul

¹⁴ Mi Kristiɛn pipul dɛn, i nɔ min natin if pɔsin se in biliv Gɔd bɔt ɔl wetin i de du nɔ sho se i biliv Gɔd. If pɔsin biliv Gɔd ɛn i nɔ de du ɛnitin we sho se in biliv am, dat nɔ go sev am.

Jems 2:14 Referans Kwoze

Lyuk 6:49

Bɔt di pɔsin we yɛri mi wɔd ɛn i nɔ du wetin a tɛl am fɔ du, tan lɛkɛ wan man we bil in os, i nɔ le fawndeshɔn; i nɔ bɔda fɔ dig bifo i bigin bil. Wɛn plɛnti plɛnti wata kam ɔp te i rich di os ɛn agbara bɔs pan di os, di os fɔdɔm ɛn brok pata pata!”

Taytɔs 1:16

Dɛn de se dɛn no Gɔd, bɔt di tin dɛn we dɛn de du sho se dɛn nɔ no am. Dɛn gɛt bad at, dɛn nɔ de yɛri wɔd, dɛn nɔ fit fɔ du ɛnitin we gud.

Pita In Sɛkɛn Lɛta 1:5

Na dat mek, fɔ jɛs biliv pan Gɔd nɔmɔ nɔ du, pantap dat, una fɔ du ɔl wetin una ebul so dat una go gud, ɛn pantap dat igen, una fɔ sabi Krays mɔ ɛn mɔ.

Jems 2:26

Lɛkɛ aw pɔsin kin day wɛn in spirit nɔ de insay am igen, semwe so, pɔsin we se in biliv Gɔd ɛn i nɔ de du dɛn tin we sho se i biliv am, nɔ biliv Gɔd at ɔl.

Di Ibru Pipul Dɛn 11:17

Na bikɔs Ebraam bin biliv Gɔd, mek, wɛn Gɔd tɛst am, i gri fɔ tek Ayzak, we na bin in wangren pikin, fɔ sakrifays am to Gɔd. Ebraam bin go fɔ sakrifays Ayzak pan ɔl we Gɔd bin dɔn prɔmis Ebraam

Di Ibru Pipul Dɛn 13:9

Una nɔ gri mek dɛn nyu tin we pipul de lan una, tɔn una at. Na di gud we Gɔd gud de mek una biliv am, fɔ tru, nɔto dɛn lɔ we tɔk bɔt tin fɔ it; dɛn nɔ min natin, ɛn dɛn nɔ de ɛp dɛn pipul we de fala dɛn.

Lɛta Fɔ Galeshya 5:6

Wans wi gɛt wanwɔd wit Krays, if wi sakɔmsayz ɔ wi nɔ sakɔmsayz, dat nɔ min natin. Bɔt di tin we gud pas ɔl nain dis: pipul fɔ no se wi biliv pan Krays bay aw wi lɛk wi kɔmpin mɔtalman.

Jems 2:18

Sɔntɛm pɔsin go se, “Wan pɔsin biliv Gɔd, bɔt ɔda wande du dɛn tin we sho se i biliv Gɔd.” A go ansa da pɔsin de se, “Aw pɔsin go sho se in biliv Gɔd if a nɔ si di tin dɛn we i de du fɔ sho se i biliv Gɔd? Wetin a de du go sho una se a biliv Gɔd.”

Apɔsul Dɛn Wok 8:21

Yu nɔto wan pan wi ɛn Gɔd si se yu at nɔ de fɔ am.

Matyu 5:20

A de tɛl una se, una nɔ go de pan di pipul dɛn we Gɔd de rul, if una nɔ du di rayt tin we Gɔd want una fɔ du, pas aw di Ju Lɔ ticha dɛn ɛn di Faresi dɛn de du.

Taytɔs 3:8

Na tru tin a de tɛl yu so, ɛn yu fɔ biliv am. A want fɔ mek yu mek shɔ se dɛn du dɛn tin ya, so dat dɛn wan we biliv pan Gɔd go want du gud wok we go ɛp ɔlman.

Fɔs Lɛta To Timoti 1:5

Gɔd sɛn wi fɔ ɛp pipul mek dɛn gɛt da lɛk we kɔmɔt insay klin at, ɛn we pɔsin we de tray fɔ du ɔl wetin rayt, gɛt, ɛn we pɔsin we biliv Gɔd fɔ tru, gɛt.

Fɔs Lɛta Fɔ Tɛsalonayka 1:3

Ɛnitɛm we wi de pre to wi Gɔd we na wi Papa, wi kin tɛl am ɔl wetin una de du bikɔs una biliv pan Jizɔs, ɛn wi kin tɛl am aw una de wok traŋa wan bikɔs una lɛk Jizɔs Krays, ɛn aw una abop pan Masta Jizɔs Krays gud gud wan.

Lɛta Fɔ Galeshya 5:13

Mi kɔmpin Kristiɛn dɛn, Krays dɔn kɔl una fɔ mek una fri. Una tek tɛm mek una nɔ bigin du wetin una at tɛl una fɔ du, bikɔs una dɔn fri naw. Bifo dat, una fɔ de ɛp una kɔmpin bikɔs una lɛk dɛn.

1 Kɔrint 15:2

Di wɔd we a bin tɛl una, na di Gud Nyuz. Dis Gud Nyuz ya go mek una sev if una nɔ mek ɛnitin pul una at kɔmɔt pan am. If una mek ɛnitin pul una at kɔmɔt pan am na fɔ natin una bin biliv di Gud Nyuz.

Apɔsul Dɛn Wok 15:9

Gɔd sho se wi ɛn dɛn na di sem ɛn bikɔs dɛn biliv, i pul bad kɔmɔt na dɛn at.

Jems 2:16

ɛn wan pan una tɛl am se, “Go, mek bɛtɛ fala yu ya, a op se yu go fɛn tin fɔ it ɛn klos fɔ wɛr,” bɔt i nɔ gi am ɔl wetin i want fɔ in bɔdi, dɛn wɔd de nɔ min natin!

Fɔs Lɛta To Timoti 4:8

I gud fɔ tren di bɔdi, bɔt fɔ tren di spirit gud pas ɔl, bikɔs i go ɛp yu na dis layf ɛn na da layf we go de sote go.

Apɔsul Dɛn Wok 8:13

Saymɔn, insɛf, we bin de ple majik, biliv pan Jizɔs Krays. Wɛn Filip dɔn baptayz am, i bigin fala Filip go ɔlɔbɔt. Di wɔndaful wok dɛn we Filip bin de du mek Saymɔn wɔnda.

Jɛrimaya 7:8

“Una lisin, una abop pan wetin dɛn de tɔk fɔ ful una, we na wɔd dɛm we nɔ go bɛnifit una.

1 Kɔrint 16:22

Ɛnibɔdi we nɔ lɛk di Masta, kɔs de pan am. Wi Masta de kam!

Lɛta Fɔ Rom 2:25

If una de du wetin di Lɔ se, di sakɔmsayz we una sakɔmsayz min sɔntin; bɔt if una nɔ de du wetin di Lɔ se, i jɛs tan lɛkɛ se una nɔ sakɔmsayz atɔl.

Lyuk 3:11

Jɔn ansa dɛn se, “Ɛnibɔdi we gɛt tu klos, fɔ gi pɔsin we nɔ gɛt, wan. Semwe so, pɔsin we gɛt tin fɔ it, fɔ sheb am wit in kɔmpin we nɔ gɛt.”

Jems 1:16

Mi Kristiɛn pipul dɛn, mek nɔbɔdi nɔ mek una ful.