Jems 2:10 - Krio Fɔs Oli Baybul

¹⁰ If pɔsin de du ɔl wetin Gɔd in Lɔ se, bɔt i brok wan pan di lɔ dɛn, i dɔn brok ɔl di ɔda lɔ dɛn na Gɔd in yay.

Jems 2:10 Referans Kwoze

Lɛta Fɔ Galeshya 3:10

Ɛnibɔdi we tink se na we i de du wetin di Ju Lɔ se go mek ɔltin rayt bitwin in ɛn Gɔd, da pɔsin de fɔ no se Gɔd go kɔndɛm am; bikɔs dɛn rayt na Gɔd in Buk se, “Gɔd de kɔndɛm ɛnibɔdi we nɔ de du ɔl wetin di Ju Lɔ se, ɔltɛm.”

Ditarɔnɔmi 27:26

“ ‘Ɛnibɔdi we nɔ du ɔl wetin PAPA GƆD in lɔ dɛn se, lɛ PAPA GƆD mek bad bad tin mit am. “Ɔlman fɔ ansa se, ‘Emɛn!’

Lɛta Fɔ Galeshya 5:3

A de wɔn una igen se, ɛnibɔdi we gri fɔ mek dɛn sakɔmsayz am, mɔs du ɔl wetin di Ju Lɔ se.

Jems 3:2

Wi ɔl de du tin we nɔ rayt. Ɛnibɔdi we nɔba tɔk tin we nɔ rayt na pɔsin we nɔba du tin we nɔ rayt. I ebul kɔntrol ɔl pat pan in bɔdi.

Pita In Sɛkɛn Lɛta 1:10

Mi Kristiɛn brɔda dɛn, na dat mek una fɔ tray fɔ du di wok we sho se Gɔd kɔl una ɛn pik una fɔ tru; if una du ɔl dɛn tin ya, una nɔ go lɛf fɔ biliv pan Gɔd ɛn tap fɔ waka wit Gɔd.

Jud In Lɛta 1:24

Lɛ Gɔd we ebul mek una nɔ sin ɛn we ebul mek sin nɔ de na una layf atɔl, briŋ una wit gladi na una at na di wɔndaful ples we i de. Nain na wi wangren Gɔd, we dɔn sev wi bay Jizɔs Krays, wi Masta, nain gɛt prez, pawa ɛn ɔna frɔm tɛm, naw ɛn sote go! Emɛn.

Jɛrimaya 32:23

ɛn dɛn bin go insay de ɛn tek am fɔ dɛnsɛf. Bɔt dɛn nɔ bin obe yu vɔys ɔ du wetin yu lɔ se; dɛn nɔ du natin pan ɔl wetin yu kɔmand dɛm fɔ du. Na fɔseka dat yu mek ɔl dɛn bad bad tin ya mit dɛm.