Jems 1:3 - Krio Fɔs Oli Baybul

³ bikɔs una no se dɛn tin de na fɔ tɛst una fɔ no if una biliv Gɔd gud; ɛn if una stil biliv Gɔd, una go ebul fɔ bia ɔltin.

Jems 1:3 Referans Kwoze

Di Ibru Pipul Dɛn 10:36

Una gɛt fɔ bia, so dat una go du wetin Gɔd want, ɛn una go gɛt wetin i dɔn prɔmis una.

Lɛta Fɔ Kɔlɔse 1:11

A de pre mek Gɔd mek in wɔndaful pawa mek una gɛt maynd so dat una go ebul bia ɔltin.

Pita In Fɔs Lɛta 1:7

Dɛn waala ya na fɔ tray una fɔ si if una biliv Gɔd gud wan, lɛkɛ we dɛn kin put gold na faya fɔ tray am fɔ si if i gud, ɛn gold na tin we de pwɛl. Di biliv we una biliv Gɔd bɛtɛ fawe pas gold, so Gɔd go tray una fɔ si if una biliv pan am gud, ɛn una nɔ go tap fɔ biliv pan am. If una biliv Gɔd gud gud, di de we Jizɔs go kam mek ɔlman si am, Gɔd go prez una, i go mek una gɛt rɛspɛkt ɛn i go mek una de wit am sote go.

Lɛta Fɔ Rom 8:28

Wi no se ɛnitin we mit wi, Gɔd de mek i bi fɔ wi yon gud, wi we lɛk am, ɛn we i dɔn kɔl fɔ du wetin i bin dɔn plan.

2 Kɔrint 4:17

Di lili sɔfa we wi de sɔfa fɔ dis shɔt tɛm go mek wi gɛt blɛsin ɛn ɔna sote go, ɛn di blɛsin ɛn ɔna go pas di sɔfa we wi de sɔfa naw, fawe.

Lɛta Fɔ Rom 15:4

Ɔltin we rayt na Gɔd in Buk na fɔ lan wi sɔntin, so dat, we di tin we rayt de, de mek wi ebul bia ɛn mek wi gɛt kɔrej, wi go no se Gɔd nɔ go lɛf wi.

Pita In Sɛkɛn Lɛta 1:6

Pantap dat, una fɔ ebul kɔntrol unasɛf; pantap dat, una fɔ de bia, ɛn pantap dat una layf fɔ sho se una na Gɔd pipul.

Lɛta Fɔ Rom 8:25

Bɔt if wi de abop fɔ tin we wi nɔ si yet, wi go bia wet fɔ am.

Di Ibru Pipul Dɛn 12:1

Fɔ wi yon pat, ɔl dɛn pipul ya we a jɛs tɔk bɔt de rawnd wi. Dɛn dɔn sho klia wan wetin fɔ biliv Gɔd, min. Na dat mek wi fɔ lɛf ɔl dɛn tin we de mek wi tap fɔ biliv Gɔd; wi fɔ lɛf fɔ du ɛni bad tin we wi de du, we dɔn grip wi tayt; wi fɔ stil rɔn di res we de bifo wi, ɛn wi nɔ fɔ taya na rod.

Sɛkɛn Lɛta Fɔ Tɛsalonayka 3:5

A de pre mek di Masta sho una mɔ ɛn mɔ aw Gɔd lɛk una ɛn mek i mek una no gud gud aw Krays dɔn bia ɛn aw i de mek una bia.

Sɛkɛn Lɛta Fɔ Tɛsalonayka 1:4

Na dat mek wi kin gladi fɔ tɔk bɔt una ɔltɛm to dɛn pipul we na Gɔd yon na dɛn ɔda chɔch. Wi kin tɔk bɔt aw una stil de bia ɛn biliv pan Krays, pan ɔl we pipul de mek una sɔfa.

Lɛta Fɔ Rom 2:7

Sɔm pipul de du gud ɔltɛm, dɛn want mek Gɔd prez dɛn, gi dɛn ɔna, ɛn layf we nɔ go dɔn. Gɔd go gi dɛn layf we go de sote go.

Lyuk 21:19

If una bia ɛn tinap traŋa, una go gɛt tru layf.

Di Ibru Pipul Dɛn 6:12

Wi nɔ want fɔ mek una lezi, bɔt wi want una fɔ bi lɛkɛ dɛn pipul we biliv pan Gɔd, we de bia, bikɔs dɛn na di wan dɛn, we go gɛt ɔl wetin Gɔd bin dɔn prɔmis fɔ gi in pipul dɛn.