Jems 1:26 - Krio Fɔs Oli Baybul

²⁶ If ɛnibɔdi tink se in de fala Gɔd ɛn i nɔ de tek tɛm wɛn i de tɔk, i de mek insɛf ful. Na fɔ natin di pɔsin de fala Gɔd.

Jems 1:26 Referans Kwoze

Lɛta Fɔ Ɛfisɔs 4:29

Una fɔ lɛf fɔ tɔk bad wɔd, una fɔ de tɔk dɛn wɔd we go ɛp ɔda pipul, so dat wetin una de tɔk go du gud fɔ di pipul dɛn we de yɛri una.

Di Sam Dɛm 141:3

PAPA GƆD, ɛp mi mek a ebul kɔntrol mi mɔt, mek a padlɔk am ɛn nɔ tɔk wetin a nɔ fɔ tɔk.

Pita In Fɔs Lɛta 3:10

Dɛn rayt na Gɔd in Buk se, “Ɛnibɔdi we want mek in layf swit ɛn mek bɛtɛ fala am bambay fɔ lɛf fɔ de tɔk bad bɔt in kɔmpin ɛn i nɔ fɔ de lay.

Lɛta Fɔ Ɛfisɔs 5:4

Una nɔ fɔ tɔk bad, fulish, ɔ dɔti wɔd, bɔt una fɔ de tɛl Gɔd tɛnki.

Prɔvabs 19:1

I fɔ bɛtɛ fɔ bi poman we de du wetin rayt, pas fɔ bi fulman wit soso bad wɔd na mɔt.

Di Sam Dɛm 34:13

I fɔ lɛf fɔ tɔk bad tɔk ɛn lɛf lay ɛn koŋosa.

Prɔvabs 10:31

Pɔsin we de waka tret na PAPA GƆD in yay de tɔk sɛns tɔk, bɔt dɛn go lɔk yu de lay, in mɔt.

Prɔvabs 10:19

Udat de tɔk tɔk bɔku de lay, bɔt yu de kɔntrol in mɔt gɛt sɛns.

Lɛta Fɔ Kɔlɔse 4:6

Wɛn una de tɔk wit pipul, una fɔ tɛl dɛn tin we go mek dɛn gladi fɔ yɛri wetin una de tɔk ɛn we go mek dɛn want fɔ yɛri mɔ, ɛn una fɔ no aw fɔ ansa ɔlman.

Jems 1:22

Una fɔ du wetin Gɔd in wɔd se. Pɔsin we jɛs de lisin Gɔd in wɔd nɔmɔ, bɔt i nɔ de du wetin i se, de mek insɛf ful.

Jems 1:19

Mi Kristiɛn pipul dɛn we a lɛk, una fɔ shap una yes fɔ yɛri wetin pipul de tɔk, bɔt una fɔ tek tɛm tɔk ɛn una at nɔ fɔ de wam kwik.

Prɔvabs 16:25

Di rod we pɔsin kin de fil se rayt, na de i kin ɛnd ɔp fɔ lɔs in layf.

Lyuk 8:18

“Una tek tɛm lisin. Ɛnibɔdi we gɛt sɔntin, Gɔd go gi am mɔ; bɔt pɔsin we nɔ gɛt, di lili bit sɛf we i tink se in gɛt, Gɔd go tek am.”

Lɛta Fɔ Galeshya 6:3

If pɔsin tink se in bɛtɛ pas in kɔmpin dɛn, ɛn nɔto so i bi, na ful i jɛs de mek insɛf.

Prɔvabs 14:12

Di rod we pɔsin kin de fil se rayt, na de i kin ɛnd ɔp fɔ lɔs in layf.

Ditarɔnɔmi 11:16

Mozis wɔn dɛn lɛ dɛn tek tɛm lɛ dɛn at nɔ lay gi dɛn fɔ lɛ dɛn kɔmɔt biɛn PAPA GƆD go wok fɔ ɛn wɔship ɔda gɔd dɛn,

Lɛta Fɔ Galeshya 2:6

Dɛn pipul na Jerusɛlɛm we dɛn se na bigman na di chɔch nɔ bin tɛl wi fɔ chenj di Gud Nyuz we a bin de tɛl dɛn pipul we nɔto Ju. A nɔ bisin udat dɛn bi, bikɔs Gɔd nɔ de luk aw pɔsin tan ɔ udat i bi bifo i gri fɔ am.

Mak 7:7

Di pre we dɛn de pre to mi nɔ min natin, bikɔs dɛn de lan pipul dɛn lɔ we nɔto mi yon!’”

Ayzaya 44:20

Na asis i de it; na kɔnfyus maynd dɔn mek i go astre ɛn i nɔ ebul sev insɛf ɔ aks insɛf se, “Nɔto lay dis de na mi raytan so?

Prɔvabs 21:26

ol de i de milɛ wit ojukokoro, bɔt pɔsin we de waka tret na PAPA GƆD in yay nɔ tan so, in frian.

1 Kɔrint 15:2

Di wɔd we a bin tɛl una, na di Gud Nyuz. Dis Gud Nyuz ya go mek una sev if una nɔ mek ɛnitin pul una at kɔmɔt pan am. If una mek ɛnitin pul una at kɔmɔt pan am na fɔ natin una bin biliv di Gud Nyuz.

Matyu 15:9

Di pre we dɛn de pre to mi nɔ min natin, bikɔs dɛn de lan pipul dɛn lɔ we nɔto mi yon.’”

Malakay 3:14

PAPA GƆD sɛf mɛmba dɛn se, dɛn dɛn tɔk se dɛn de westɛm fɔ du wetin PAPA GƆD want. Dɛn nɔ gɛt natin fɔ bɛnifit if dɛn de sho PAPA GƆD Ɔlmayti se dɛn sɔri.

Ayzaya 1:13

Una nɔ briŋ mɔ fɔnatin ɔfrin kam igen; Insɛns na tin we a et bad bad wan. Nyu mun o, de fɔ blo ɛn rɛst o, ɛn we una kin gɛda fɔ wɔship mi- A nɔ go ebul bia sin insay ɔl dɛn fɛstival dɛn de igen.

1 Kɔrint 15:15

Wetin wɔs pas dat, una go mek i tan lɛkɛ se wi de lay pan Gɔd, bikɔs wi bin se nain mek Krays rayz frɔm di grev; bɔt if na tru una de tɔk we una de se Gɔd nɔ de mek dɛn wan we dɔn day rayz frɔm dɛn grev, dat min se Gɔd nɔ bin mek Krays rayz frɔm di grev.

Prɔvabs 16:10

Na PAPA GƆD de put wɔd na kiŋ in mɔt, ɛn i nɔ de bɛnbɛn wɛn i de jɔj kes.

Prɔvabs 15:2

Wɛn sɛnsman de tɔk, ɔlman de gladi ɛn want fɔ yɛri mɔ; bɔt wɛn fulman opin in mɔt, na soso rotorata de kɔmɔt de.

Di Sam Dɛm 32:9

Nɔ mek bigful lɛk ɔs ɔ myul we yu gɛt fɔ put tin na dɛn mɔt fɔ gɛt dɛn fɔ du wetin yu want dɛn fɔ du, ɔ nɔ so dɛn nɔ go ɔndastand.

Jems 2:20

Una we nɔ de gri fɔ ɔndastand! If una biliv Gɔd, bɔt una nɔ de du dɛn tin we sho se una biliv Gɔd, di biliv we una se una biliv Gɔd, nɔ min natin.

Lɛta Fɔ Galeshya 3:4

Una min se ɔl wetin dɔn bi to una nɔ min natin? Una fɔ no se nɔto fɔ natin dɛn tin ya bi.

Lɛta Fɔ Galeshya 2:9

Jems, Pita ɛn Jɔn, we dɛn se na bin bakbon na di chɔch bin no se Gɔd gi mi dis wok ya fɔ du, dɛn shek mi ɛn Banabas an fɔ sho se wi ɔl dɔn bi wan we wi de wok fɔ Gɔd. Dɛn tɛl mi ɛn Banabas se, wi tu fɔ go wok to dɛn pipul we nɔto Ju, ɛn dɛn tri fɔ go wok to dɛn pipul we na Ju.

1 Kɔrint 3:18

Mek nɔbɔdi nɔ mek insɛf ful. If ɛnibɔdi tink se in gɛt sɛns na dis wɔl, mek i put in yon sɛns wansay, so dat i go gɛt di tru sɛns.

Job 15:13

we mek yu de vɛks pan PAPA GƆD te wɔd lɛkɛ dɛnwandɛnde, de kɔmɔt na yu mɔt?

Job 30:11

Bikɔs PAPA GƆD wikin mi, dɛn nɔ de fred fɔ du natin bifo mi.