Jems 1:17 - Krio Fɔs Oli Baybul

¹⁷ Na Gɔd nɔmɔ de gi wi ɔl dɛn tin we gud ɛn we mek wi nɔ want ɛnitin mɔ. Na Gɔd mek di san, di mun ɛn di sta dɛn. Gɔd nɔ de chenj, i nɔ de lɛf wi na dak afta i dɔn mek layt shayn pan wi.

Jems 1:17 Referans Kwoze

Jɔn 3:27

Jɔn tɛl dɛn se, “Natin lɛkɛ dis nɔ de bi to pɔsin pas Gɔd mek i bi.

Matyu 7:11

If una we bad no aw fɔ gi una pikin dɛn gud tin dɛn, Gɔd we na una Papa we de na ɛvin, mɔs gi dɛn wan we aks am gud, gud tin dɛn pas dat.

Di Ibru Pipul Dɛn 13:8

Jizɔs Krays na di sem yɛstade, tide, ɛn i go bi di sem sote go, i nɔ go chenj.

Jɔn 8:12

Jizɔs bigin tɔk to di Faresi dɛn bak, i se, “Mi na di Layt na di wɔl, ɛnibɔdi we de fala mi go gɛt di layt we de gi layf ɛn i nɔ go waka na dak.”

Di Nɔmba Dɛm 23:19

PAPA GƆD nɔto mɔtalman we de lay, ɛn in nɔto mɔtalman we kwik fɔ chenj in maynd. PAPA GƆD nɔ de tɔk natin we i nɔ de du ɛn i nɔ de mek prɔmis we i nɔ de kip.

Jɔn In Fɔs Lɛta 1:5

Dis na di mɛsej we Gɔd in Pikin tɛl wi ɛn nain wi de tɛl una: Gɔd na layt; daknɛs nɔ de pan am atɔl.

Prɔvabs 2:6

Na PAPA GƆD de gi sɛns; nain de mek pɔsin no bɔt sɔntin ɛn ɔndastand gud wan.

Di Sam Dɛm 84:11

Bikɔs PAPA GƆD we na wi Gɔd na san we de gi layt ɛn big shild we de protɛkt wi; i de sho wi in lɔv bay aw i de mek bɛtɛ fala wi; I nɔ go se i nɔ de gi wi gud tin dɛn wans i nɔ fɛn fɔlt pan wetin wi de du.

Jems 3:17

Di sɛns we Gɔd de gi, na pɔsin wit klin at i de gi, na di fɔs tin dat. Pɔsin we gɛt da kayn sɛns de nɔ de mek plaba, i nɔ de ambɔg, i de du tin saful saful, ɛn i lɛk fɔ ɛp pipul; i gɛt sɔri at ɛn i de du plɛnti plɛnti gud; ɔl in at de fɔ Gɔd, i nɔ ipokrit.

Malakay 3:6

I tɛl dɛn se, bikɔs in we na PAPA GƆD nɔ de chenj, in nɔ dɔn fɔ dɛn we na Jekɔb in jɛnareshɔn yet.

Lɛta Fɔ Ɛfisɔs 2:8

Nɔto una sev unasɛf, bɔt na bikɔs una biliv pan Jizɔs Krays mek, we Gɔd lɛk una wit lɛk we una nɔ fit fɔ gɛt, i sev una.

Lyuk 11:13

If una we bad so sabi fɔ gi una pikin dɛn gud tin, Gɔd we na una Papa we de na ɛvin go gi una gud tin pas dat; i go gi dɛn wan we aks am in Spirit!”

1 Kɔrint 4:7

Udat mek una bɛtɛ pas ɔda pipul? Nɔto Gɔd gi una ɔl wetin una gɛt? If na so, wetin fɔ mek una bost, lɛkɛ se nɔto gi Gɔd gi una ɔl wetin una gɛt?

Jɔn In Fɔs Lɛta 4:10

Wetin na lɛk? Nain dis: Nɔto fɔ se wi lɛk Gɔd, bɔt in lɛk wi ɛn i sɛn in Pikin kam na wɔl fɔ sakrifays insɛf fɔ wi mek i go padin wi sin dɛn.

Lɛta Fɔ Ɛfisɔs 1:18

A de beg Gɔd igen fɔ mek i opin una at so dat una go no se Gɔd dɔn kɔl una fɔ kam to insɛf, ɛn una go abop fɔ gɛt layf we go de sote go, ɛn fɔ mek una go no di big blɛsin we Gɔd dɔn prɔmis una we nain yon pipul,

Jɔn 1:9

Di layt we i tɔk bɔt na di tru layt we kam na di wɔl, ɛn shayn pan ɔlman ɛn mek ɔlman si am.

Rɛvɛleshɔn 21:23

Da tɔŋ de nɔ nid san, i nɔ nid mun fɔ layt am, bikɔs na di layt we de kɔmɔt pan Gɔd, ɛn di Ship insɛf, de layt am.

1 Kronikuls 22:12

Di wantin we a de pre fɔ, na fɔ mek i gi yu sɛns fɔ disayd ɛn ɔndastandin so wɛn i gi yu pawa oba Izrɛl, yu go ebul du wetin PAPA GƆD we na yu Gɔd se yu fɔ de du.

2 Kɔrint 4:6

Gɔd we se, “Layt go kɔmɔt na da say we dak!” Na di sem Gɔd mek in layt shayn insay wi at ɛn da layt de we de shayn na Krays in fes, nain de mek wi no aw Gɔd wɔndaful.

Ayzaya 60:19

Dis san nɔ go gi yu layt igen de tɛm, fɔ mek di ples brayt di mun sɛf nɔ go sho yu layt na nɛt; bɔt na PAPA GƆD go bi yu layt we go las sote go, ɛn yu Gɔd go bi yu glori.

1 Samiɛl 15:29

Samiɛl tɛl am se PAPA GƆD we na Izrɛl dɛn waŋren PAPA GƆD, nɔ de lay ɛn i nɔ de chenj in maynd as in nɔto mɔtalman we gɛt fɔ chenj in maynd.

Jɛnɛsis 41:16

Josɛf ansa am se di kiŋ se, nɔto in de intaprit drim, bɔt PAPA GƆD go intaprit am fɔ am.

Rɛvɛleshɔn 22:5

Nɛt nɔ go de na da tɔŋ de; pipul nɔ go nid lamp ɛn di san in layt igen, bikɔs Gɔd we na wi Masta nainsɛf go bi di layt we go layt di tɔŋ. Ɛn di pipul dɛn we de na ɛvin go rul lɛkɛ kiŋ sote go.

Jems 1:5

If ɛni wan pan una want mɔ sɛns fɔ du ɛnitin, mek i aks Gɔd, Gɔd go gi am, bikɔs Gɔd de gi mɔtalman plɛnti tin dɛn ɛn i gladi fɔ du dat.

Lɛta Fɔ Rom 6:23

Day na sin in pe, bɔt layf we go de sote go, nain Gɔd gi wi fri. Wi gɛt di layf we go de sote go bikɔs wi gɛt wanwɔd wit Jizɔs Krays we na wi Masta.

1 Kronikuls 29:19

Gi Sɔlɔmɔn we na mi bɔypikin di pawa fɔ du ɔl wetin yu tɔk traŋa wan se wi fɔ de du, kip in tɛstimoni ɛn di lɔ dɛn, so dat i go ebul bil di kiŋ os we a dɔn gɛda ɔltin fɔ bil.

Di Nɔmba Dɛm 11:17

A go kam dɔŋ kam tɔk to yu, ɛn a go tek di sem kayn spirit we yu gɛt ɛn put am pan dɛn. Dɛn go ɛp yu fɔ de tot di lod we di pipul dɛn gɛt so yu nɔ go gɛt fɔ de tot am yu wan.

Jems 3:15

Nɔto Gɔd gi mɔtalman dis kayn sɛns ya, na dis wɔl yon sɛns ɛn na Setan gi mɔtalman.

Ayzaya 45:7

A mek layt ɛn daknɛs, A mek gladi gladi ɛn waala, na Mi na PAPA GƆD, we de du ɔl dɛn tin ya.

Lɛta Fɔ Filipay 1:29

Na Gɔd insɛf gi una dis wɔndaful chans fɔ biliv pan Krays ɛn fɔ sɔfa fɔseka am.

Apɔsul Dɛn Wok 11:18

Wɛn dɛn yɛri wetin Pita tɔk, dɛn lɛf fɔ grɔmbul. Dɛn bigin prez Gɔd, dɛn se, “Gɔd dɔn gi dɛn pipul we nɔto Ju chans fɔ mek dɛn lɛf fɔ du dɛn bad tin we dɛn bin de du, so dat dɛn kin gɛt layf we go de sote go.”

Apɔsul Dɛn Wok 5:31

Gɔd dɔn mek Jizɔs sidɔm nain raytan fɔ bi wi Masta ɛn wi Seviɔ, so dat i go gi di Izrɛl pipul dɛn chans fɔ chenj ɛn Gɔd go padin dɛn fɔ dɛn sin.

Ayzaya 46:10

we frɔm di biginin a dɔn anawns di ɛndin ɛn frɔm lɔntɛm, di tin we nɔ bi yet, we de tɔk se, ‘na Mi disishɔn go tinap, ɛn a go du ɔl wetin a mek ɔp,’

Ayzaya 28:26

Na bikɔs i gɛt di kɔrɛkt tichin; na wetin in Gɔd de tich am.

Di Sam Dɛm 122:6

Pre fɔ pis na Jerusɛlɛm Fɔ se, “Lɛ ɔl udat lɛk Jerusɛlɛm gɛt pis.

Ditarɔnɔmi 4:19

A advays dɛn igen se lɛ dɛn tek tɛm lɛ dɛn nɔ kɔle pan di san mun ɛn sta dɛn ɛn ɔl di ɔda tin dɛn we de ɔp na di skay te dɛn at kɔmɔt pan PAPA GƆD ɛn bigin wɔship dɛn. I se PAPA GƆD we na dɛn PAPA GƆD put dɛn ɔlsay na di wɔl fɔ ɔda pipul dɛn fɔ wɔship bɔt nɔto fɔ Izrɛl.

Di Nɔmba Dɛm 11:25

Dɛn PAPA GƆD apia insay klawd ɛn tɔk to am, dɔn i tek di sem spirit we Mozis gɛt put am pan di sɛvinti bigman we i pik fɔ bi lida. Wɛn dɛn fil di Spirit, dɛn bigin tɔk PAPA GƆD wɔd bɔt dɛn nɔ du so igen afta da tɛm de.

Di Sam Dɛm 85:12

PAPA GƆD go mɔs gi wi wetin gud ɛn wi go avɛst bɔku.

Di Sam Dɛm 102:27

Bɔt yu nɔ gɛt fɔ chenj, ɛn yu nɔ go ɛva day ɔ dɔn.

Di Sam Dɛm 136:7

I mek big big layt dɛn, in lɔv de de sote go;

Jɔn 3:3

Jizɔs tɛl am se, “A de tɛl yu fɔ tru se, nɔbɔdi nɔ go kam ɔnda Gɔd in rul pas i bɔn sɛkɛn tɛm.”

Fɔs Lɛta To Timoti 6:16

Nain wangren nɔ de day, ɛn i de na layt we mɔtalman nɔ ebul kam klos, nɔ mɔtalman nɔ si am yet ɛn nɔ mɔtalman nɔ ebul si am. Mek wi rɛspɛkt am ɛn mek in pawa rul di wɔl sote go! Emɛn.