Jems 1:15 - Krio Fɔs Oli Baybul

¹⁵ Na di bad we de na pɔsin at de mek di pɔsin want sin, ɛn wɛn pɔsin sin dat go mek i day.

Jems 1:15 Referans Kwoze

Di Sam Dɛm 7:14

Da pɔsin we na bad de nɔmɔ nain at, go de mɛmba bad ɔltɛm fɔ ɔda pipul, ɛn go de lay pan dɛn.

Job 15:35

Na dɛn de tink bɔt bad na dɛn at, ɛn kin du bad bad tin; na dakadeke trik nɔmɔ de na dɛn at.

Jɛnɛsis 2:17

bɔt yu nɔ fɔ it pan di “Sɛns tik,” bikɔs if yu it pan am, da sem de de, yu go day.”

Ayzaya 59:4

Nɔbɔdi nɔ de kɛr pɔsin go kot we i nɔ gɛt bakin, nɔbɔdi nɔ de kɛr pɔsin go kot ɔnɛs wan; dɛn kin abop pan ɛmti pli, ɛn kin lay, dɛn kin plan na dɛn maynd fɔ du bad, bɔt na sin dɛn kin kɔmit

Jɛnɛsis 3:6

Di uman si aw di tik bin fayn, ɛn aw di frut dɛn gud fɔ it. I tink to insɛf se, “I go fayn fɔ gɛt sɛns o.” So i tek di frut ɛn it am. Dɔn i go gi in man sɔm, ɛn insɛf it am.

Matyu 26:14

Wan pan Jizɔs in lanin bɔy dɛn we nem Judas Iskariɔt go mit di bigman dɛn we de mek sakrifays fɔ pipul sin.

Di Sam Dɛm 9:17

Di bad man go day ɛn ɔl di neshɔn dɛn wan we nɔ tek PAPA GƆD mek natin, dɛnsɛf go day.

2 Samiɛl 11:4

Devid sɛn pipul fɔ go fɔ am ɛn wɛn i kam dɛn tu lidɔm da nɛt de. Bathshiba bin jɛs dɔn di spɛshal was we i fɔ was afta in piriɔd. We in ɛn Devid dɔn, i go bak usay i de slip.

Prɔvabs 11:19

Udat mekɔp in maynd fɔ du wetin rayt go gɛt lɔŋ layf, bɔt yu mekɔp fɔ de du bad go gɛt shɔt layf.

Ayzaya 33:11

Yu tek in chaf chaf, yu bɔn af af tik we kin lɛf we yu kɔt rɛs; di blo blo we yu de blo, na faya we go kil yu.

Matyu 5:28

Bɔt mi de tɛl una se: ɛni man we luk uman, we nɔto in wɛf, sote i want am fɔ insɛf, da man de dɔn tek ɔda man wɛf nain at.

Jems 1:14

Na di bad we de na pɔsin in at de mek di pɔsin want fɔ du bad.

Jems 1:18

Gɔd mek in wɔd we tru gi wi dis nyu layf lɛkɛ aw i want, so dat wi kin pas ɔl dɛn ɔda pipul we i mek we wi dɔn bi in yon pikin dɛn.