Jems 1:11 - Krio Fɔs Oli Baybul

¹¹ Di ɔt san kin bɔn di flawa, ɛn di flawa kin fɔdɔm. Na dɔn ɔl di fayn we di flawa bin fayn kin dɔn so. Semwe so, jɛntri pɔsin go de pan in biznɛs wɛn day go mit am.

Jems 1:11 Referans Kwoze

Mak 4:6

bɔt wɛn san ɔt, di yɔŋ plant dɛn wida ɛn day, bikɔs dɛn rut nɔ bin go dɔŋ na grɔn.

Matyu 13:6

bɔt wɛn di san wam, di plant dɛn wida, bikɔs dɛn rut nɔ bin go dɔŋ gud insay di dɔti.

Pita In Fɔs Lɛta 5:4

If una du so, wɛn dɛn shɛpad dɛn edman we na Krays, kam, una go gɛt wɔndaful krawn we nɔ de pwɛl ɛn we de shayn ɔltɛm.

Pita In Fɔs Lɛta 1:4

ɛn so, wi abop fɔ gɛt di wɔndaful blɛsin dɛn we Gɔd bin dɔn prɔmis in pipul dɛn ɛn we i kip na ɛvin fɔ una. Dɛn blɛsin ya nɔ de pwɛl, dɛn nɔ de chenj ɛn dɛn go de sote go.

1 Kɔrint 7:31

dɛn wan we de dil wit dɛn tin we de na dis wɔl, nɔ fɔ put ɔl dɛn at pan dɛn. Di tin we fɔ mek ɔlman du lɛkɛ aw a tɛl dɛn na bikɔs dis wɔl nɔ go de lɔŋ igen.

Di Sam Dɛm 102:4

Mi at ɔl dɔn pwɛl a fiba dray gras we ɔlman de mas pas. Mi it ɔl nɔ gɛt bɛtɛ tes na mi mɔt.

Ayzaya 49:10

dɛn nɔ go aŋri ɛn dɛn nɔ go tɔsti, ɔt briz ɔ san sɛf go mɔna dɛm, bikɔs na di wan we de sɔri fɔ dɛn go lid dɛm, ɛn na usay watasay dɛn de i go pas dɛn.

Ayzaya 28:4

ɛn di flawa we de wida, we bin de mek i luk shayn ɛn fayn, we de na di wan dɛn we jɛntri, dɛn ed, go tan lɛk mangro we kin rɛp fɔs bifo dray sizin: wɛn pɔsin si am, as i rich nain an so, i de it am wantɛm.

Ayzaya 28:1

Swɛ go fɔdɔm pan di rula na Ifrem we prawd ɛn de drɔŋɔ, ɛn di flawa we de wida, we bin de mek i luk shayn ɛn fayn, we de na di wan dɛn we jɛntri ɛn we rɔm dɔn ambɔg, dɛn ed.

Ɛkliziastis 5:15

Aw dɛn mama bɔn dɛn nekɛd, na so dɛn go day go bak nekɛd aw dɛn bin kam; dɛn nɔ go ol natin na dɛn an go, pan ɔl di yagba we dɛn yagba.

Di Sam Dɛm 102:11

Mi layf tan lɛk ivintɛm shado; na day a de day so; a go wida ɛn day lɛk gras.

Di Sam Dɛm 37:2

Bikɔs dɛn go wida lɛk gras jisnɔ, ɛn lɛk dɛn grin plant.

Di Sam Dɛm 39:6

Mɔtalman in layf jɛs tan lɛkɛ shado, we san de ɔp, yu de si am, as san go dɔŋ so, i lɔs, ɔl in gbiŋbin na fɔ natin; di jɛntri sɛf we i de gɛda, i nɔ no udat go gɛt am we i day.

Di Sam Dɛm 90:6

we kin frɛsh so na mɔnin bɔt bay ivintɛm, i dɔn dray ɛn day.

Di Sam Dɛm 103:15

Wi mɔtalman, wi layf shɔt lɛkɛ gras, wi kin fiba wayl flawa we fayn fɔ luk na bush;

Matyu 6:30

Na Gɔd de mek flawa gro pan gras lɛkɛ we pɔsin go wɛr klos, da gras we de tide, ɛn tumara, dɛn go ib am na faya fɔ bɔn. Gɔd nɔ go du pas dat fɔ gi una klos fɔ wɛr? Una nɔ biliv Gɔd lɛkɛ aw una fɔ biliv am!

Matyu 20:12

Dɛn se, ‘Di lebra dɛn we yu tek las, na wan awa nɔmɔ dɛn wok, bɔt wi wok ol de ɛn di san bit wi, dɔn yu kam gi wi di sem pe.’

2 Samiɛl 22:46

Dɛn ɔl dɔn giv ɔp; dɛn dɔn kɔmɔt insay dɛn shɛl wit shem ɛn disgres.