Lɛta Fɔ Galeshya 6:9 - Krio Fɔs Oli Baybul

⁹ So una lɛ wi nɔ taya fɔ du gud, if wi nɔ taya fɔ du gud, di tɛm go kam we wi go gɛt di pe.

Lɛta Fɔ Galeshya 6:9 Referans Kwoze

1 Kɔrint 15:58

So, mi kɔmpin Kristiɛn dɛn, una tinap traŋa, una nɔ gri mek ɛnitin mek una dawt. Una fɔ de du Gɔd in wok ɔltɛm, una no se ɛnitin we una de du fɔ Gɔd nɔ go go fɔ natin.

Sɛkɛn Lɛta Fɔ Tɛsalonayka 3:13

Mi Kristiɛn pipul dɛn, una nɔ taya fɔ du gud.

Di Ibru Pipul Dɛn 12:3

Una fɔ mɛmba Jizɔs we bin bia wɛn dɛn bad pipul we nɔ bin lɛk am, mek i sɔfa, so dat una nɔ go taya fɔ biliv pan am ɛn una at nɔ go pwɛl.

Pita In Fɔs Lɛta 2:15

Gɔd want mek una du di rayt tin, so dat dɛn fulish pipul we nɔ sabi natin go sɛt dɛn mɔt.

Jems 5:7

Mi kɔmpin Kristiɛn dɛn, una fɔ bia sote di Masta kam. Una mɛmba aw dɛn pipul we de mek fam kin bia wet sote di tɛm rich fɔ pik wetin dɛn bin plant.

Pita In Fɔs Lɛta 3:17

I bɛtɛ fɔ mek una sɔfa bikɔs una de du wetin rayt, if na dat Gɔd want, pas fɔ mek una sɔfa bikɔs una de du tin we nɔ rayt.

2 Kɔrint 4:16

Na di rizin dis we mek wi nɔ de gri mek wi at pwɛl ɛn tap fɔ wok. Pan ɔl we wi bɔdi de wes, nyu layf de kam insay wi ɛvri de.

Rɛvɛleshɔn 2:3

Pan ɔl we una dɔn sɔfa plɛnti bikɔs una de fala mi, una de bia ɛn una nɔ lɛf fɔ fala mi.

Pita In Fɔs Lɛta 4:19

A tɛl una ɔl dis fɔ mek dɛn pipul we de sɔfa bikɔs dɛn no se na dat Gɔd want, lɛf dɛnsɛf na Gɔd an, ɛn du gud mɔ ɛn mɔ, bikɔs na Gɔd mek dɛn, ɛn i de du ɛnitin we i dɔn prɔmis se in go du.

Lyuk 18:1

Jizɔs pul parebul fɔ in lanin bɔy dɛn fɔ sho dɛn se dɛn fɔ de pre ɔltɛm ɛn dɛn at nɔ fɔ pwɛl.

Matyu 10:22

Nɔbɔdi nɔ go lɛk una bikɔs una de du wetin a tɛl una fɔ du, bɔt ɛnibɔdi we bia sote ɔl di trɔbul dɔn, a go sev da pɔsin de.

2 Kɔrint 4:1

We Gɔd dɔn sɔri fɔ wi ɛn gi wi dis wok ya fɔ du, wi nɔ go gri mek ɛnitin mek wi at pwɛl.

Matyu 24:13

Bɔt Gɔd go sev ɛnibɔdi we bia sote i day.

Lɛvitikɔs 26:4

dɛn PAPA GƆD go mek ren kam di tɛm we i fɔ kam so dat di tin dɛn we dɛn plant go gro.

Rɛvɛleshɔn 2:7

“Ɛnibɔdi we gɛt yes, mek i yɛri dɛn wɔd ya we Gɔd in Spirit dɔn tɛl di Kristiɛn dɛn na dɛn difrɛn ples. “Pɔsin we stil tinap traŋa afta Setan dɔn tray am, a go mek i it pan di tin we di tik we de gi layf de bia, da tik de de gro na di gadin we Gɔd mek.

Lɛta Fɔ Rom 2:7

Sɔm pipul de du gud ɔltɛm, dɛn want mek Gɔd prez dɛn, gi dɛn ɔna, ɛn layf we nɔ go dɔn. Gɔd go gi dɛn layf we go de sote go.

Ditarɔnɔmi 11:14

PAPA GƆD go mek ren de kam tu tɛm fɔ ia na di land, so dat dɛn go ebul gɛt plɛnti ɔyl, kɔn, rɛs en tin dɛn fɔ drink.

Rɛvɛleshɔn 2:17

“Ɛnibɔdi we gɛt yes, mek i yɛri dɛn wɔd ya we Gɔd in Spirit de tɛl di Kristiɛn dɛn na dɛn difrɛn ples. “Dɛn wan we go stil tinap traŋa afta Setan dɔn tray dɛn, a go gi dɛn da it we dɛn kɔl mana we nɔbɔdi nɔ de si naw. Ɛn igen, a go gi dɛn wan wayt ston we wan nyu nem rayt pan. Nɔbɔdi nɔ go no di nem we rayt pan di ston pas di pɔsin we a gi di nem.

Di Sam Dɛm 145:15

Ɔlman de luk ɔp to yu ɛn yu de gi dɛn tin fɔ it, di rayt tɛm.

Di Ibru Pipul Dɛn 3:6

Bɔt Krays na di Pikin we de luk Gɔd, we na di Papa, in Os, ɛn i bin du in wok lɛkɛ aw Gɔd want am fɔ du. Wi we na Gɔd yon pipul, go bi Gɔd in Os, if wi gɛt kɔrej ɔltɛm ɛn put wi at pan ɔl wetin Gɔd prɔmis se in go du fɔ wi.

Zɛfinaya 3:16

Da de de, dɛn go tɛl di pipul na Jerusɛlɛm se, “Una we de na Zayɔn siti, una nɔ fɔ fred! Una nɔ mek natin pwɛl una at.

Di Ibru Pipul Dɛn 3:14

Una fɔ mɛmba se, if wi put wi at pan ɔl wetin Gɔd tɛl wi se in go du lɛkɛ aw wi bin de du di tɛm we wi jɛs bi Kristiɛn, ɛn wi nɔ tap fɔ du dat, wi go gɛt pan ɔl wetin Krays gɛt.

Lɛta Fɔ Ɛfisɔs 3:13

Na ɔl dis mek a de beg una mek una at nɔ pwɛl fɔ we a de sɔfa fɔseka una. Na fɔ ɛp una mek a de sɔfa ɔl dis.

Di Sam Dɛm 104:27

Ɔl di tin dɛn we yu mek dɛn yay de pan yu ɛn abop se yu go gi dɛn tin fɔ it we dɛn want am.

Di Ibru Pipul Dɛn 12:5

So una nɔ fɔgɛt Gɔd in wɔd we i tek kɔrej una, wɛn i kɔl unain pikin dɛn. I se, “Mi pikin, wɛn di Masta pɔnish yu, nɔ tek am layt, ɛn nɔ mek yu at pwɛl wɛn i tɔk pan yu.

Malakay 1:13

I se, dɛn kin mek se dɛn taya ɛn mek fes pan am, ɛn dɛn kin gi am animal bay we dɛn tek bay fos, ɔ wan we nɔ de waka ɔ i sik as dɛn sakrifays bɔt in nɔ go tek am na dɛn an.

Di Sam Dɛm 126:5

Pɔsin we kray we i de plant sid go gladi we di tɛm rich fɔ avɛst.

Prɔvabs 11:18

Bad nɔ de pe ɛnibɔdi gud tin bɔt yu du gud de gɛt gud pe.

Ɛkliziastis 11:1

Trowe bred na wata, bikɔs afta sɔm tɛm, yu go gɛt am bak.

Jɛrimaya 45:3

Yu bin tɔk se, ‘Swɛ dɔn mit mi! Bikɔs PAPA GƆD dɔn ad sɔro to mi pen; A dɔn taya fɔ pini ɛn a nɔ ebul blo.”

2 Kɔrint 9:6

Una fɔ mɛmba se pɔsin we nɔ plant plɛnti sid nɔ go gɛt plɛnti tin fɔ pik, bɔt pɔsin we plant plɛnti sid go gɛt plɛnti plɛnti tin fɔ pik.

Jɛnɛsis 29:7

Jekɔb se di san nɔ go dɔŋ yet ɛn i nɔ rich tɛm yet fɔ gɛda di ship dɛn. I se lɛ dɛn gi dɛn wata ɛn lɛf dɛn lɛ dɛn go it?

Matyu 9:19

So Jizɔs grap ɛn fala am go, in lanin bɔy dɛnsɛf go wit am.

Matyu 25:17

Semwe so, di wan we gɛt di tu tawzin gold kɔpɔ go tredin wit in kɔpɔ, i gen tu tawzin gold kɔpɔ mɔ.

Mak 3:3

Jizɔs tɛl di man we in an day se, “Grap, kam tinap ya.”