Lɛta Fɔ Galeshya 6:8 - Krio Fɔs Oli Baybul

⁸ Jɛs lɛkɛ wɛn fama kin plant sid, i kin gɛt wetin i plant. Semwe so, wɛn pɔsin du bad tin we in at gi am fɔ du, Gɔd go pɔnish di pɔsin. Ɛn wɛn pɔsin du wetin Gɔd in Spirit tɛl am fɔ du, i go gɛt layf we go de sote go.

Lɛta Fɔ Galeshya 6:8 Referans Kwoze

Lɛta Fɔ Rom 8:13

Bikɔs if una jɛs de du wetin una at tɛl una nɔmɔ, una go day, bɔt if una mek Gɔd in Spirit ɛp una fɔ kil dɛn tin we de mek una sin, una go gɛt di tru layf.

Jems 3:18

Dɛn pipul we de mek pis, tan lɛkɛ fama we de plant sid. Di pis we dɛn de mek tan lɛkɛ di sid we fama plant. Dis sid ya go bia plɛnti gud na pipul dɛn at.

Pita In Sɛkɛn Lɛta 2:19

Dɛn de tɛl di pipul dɛn we dɛn de drɔ fɔ fala dɛn, se dɛn go fri, bɔt dɛnsɛf nɔ fri yet, dɛnsɛf na lɛkɛ slev to dɛn bad tin we de pwɛl layf; bikɔs if pɔsin nɔ ebul lɛf fɔ du sɔntin, da pɔsin de dɔn bi slev to da tin de.

Job 4:8

As a dɔn si, na udat bad we de fɔ mek trɔbul, trɔbul de mit

Ozie 10:13

We dɛn dɔn plant di sid dɛn wit sin, na soso kɔrɔpshɔn ɛn lay go bi dɛn frut we go bia. As na dɛn sojaman dɛn ɛn di tin dɛn we dɛn gɛt fɔ fɛt wit, dɛn abop pan,

Lɛta Fɔ Galeshya 6:7

Una nɔ mek unasɛf ful se una kin ful Gɔd. Na wetin una plant, una go gɛt.

Lɛta Fɔ Rom 13:14

Mek Masta Jizɔs Krays bi lɛkɛ di klos we wi de wɛr, mek i rul ɔl wi layf, ɛn mek wi lɛf fɔ du dɛn bad tin we wi at gi wi fɔ du.

Prɔvabs 22:8

Udat du bad go gɛt di pe ɛn dat go mek i nɔ ambɔgin nɔbɔdi igen

Rɛvɛleshɔn 22:11

Lɛ di pɔsin we de du bad nɔ lɛf fɔ du bad igen o, mek ɛnibɔdi we de du dɛn dɔti tin nɔ lɛf fɔ du dɛn igen o, mek ɛnibɔdi we de du rayt nɔ lɛf fɔ du rayt, ɛn mek di pɔsin we de waka wit Gɔd nɔ lɛf fɔ waka wit Gɔd.”

Jɔn 4:36

Di pɔsin we de kɔt dɛn tin we dɔn du fɔ kɔt de gɛt in pe, i de gɛda dɛn fɔ mek dɛn de sote go na ɛvin. So di pɔsin we plant ɛn di wan we gɛda di tin dɛn we dɔn du fɔ kɔt, ɔl tu go gladi.

Jud In Lɛta 1:21

We una de wet fɔ mek Masta Jizɔs Krays gi una layf we go de sote go, bikɔs i sɔri fɔ una, una fɔ du dɛn tin we go mek Gɔd stil de blɛs una bikɔs i lɛk una.

Jɔn 6:27

Una nɔ fɔ wok fɔ di it we go pwɛl, bɔt una fɔ wok fɔ di it we de gi layf we go de sote go. Na di it dat we Mɔtalman Pikin go gi una fɔ it, bikɔs na Mɔtalman Pikin, Gɔd we na di Papa dɔn sho se in gri fɔ.”

Lɛta Fɔ Rom 6:13

Una nɔ fɔ sin wit ɛni pat pan una bɔdi, bɔt una fɔ gi Gɔd ɔl pat na una layf, na so pipul we bin day bɔt we Gɔd dɔn gi nyu layf, fɔ du; una fɔ gi Gɔd ɔl una layf so dat i go mek una du dɛn tin we gud fɔ mɔtalman.

Jɛrimaya 12:13

Dɛn dɔn plant wit, ɛn dɛn avɛst chuk chuk, dɛn dɔn yagba dɛnsɛf te dɛn dɔn taya, bɔt nɔ prɔfit natin. Dɛn go shem fɔseka dɛn avɛst fɔseka PAPA GƆD in bad bad vɛksteshɔn.”

Ɛkliziastis 11:6

Na mɔnin, yu de plant yu sid, ivintɛm, yu stil de fɛn tin fɔ du; bikɔs yu nɔ no uswan go bɛnifit yu, di mɔnin yon ɔ di ivintɛm yon, ɔ sɔntɛnde, dɛn ɔltu.

Matyu 19:29

Ɛnibɔdi we lɛf os, ɔ brɔda, ɔ sista, ɔ papa, ɔ mama, ɔ pikin dɛn, ɔ prɔpati fɔ bi mi lanin bɔy, Gɔd go mek i gɛt bɔku pas wetin i lɛf ɛn i go gi am layf we go de sote go.

Ozie 8:7

We dɛn du smɔl bad, na big wande mit dɛn. Rɛs ed we tinap nɔ gɛt ed, so i nɔ go pul natin fɔ it; if i bin gɛt sɛf, na fɔrina dɛn go it am.

Taytɔs 3:7

so dat di gud we Jizɔs du fɔ wi, go mek ɔltin rayt bitwin wi ɛn Gɔd ɛn wi go gɛt da layf we go de sote go we wi de abop fɔ gɛt.

Jɔn 4:14

bɔt ɛnibɔdi we drink di wata we a go gi am nɔ go tɔsti igen. Di wata we a go gi di pɔsin go tan lɛkɛ wata we bɔs na grɔn, i go gi am layf we go de sote go.”

Lyuk 18:30

Gɔd go mek i gɛt bɔku pas wetin i lɛf fɔ fala mi yon we, ɛn i go gi am layf we go de sote go na di wɔl we gɛt fɔ kam.”

Ayzaya 32:20

Una go gladi, una we go plant nia ɔl dɛn watasay, we de lɛf di kaw ɛn di dɔŋki dɛn fɔ waka fri.

Pita In Sɛkɛn Lɛta 2:12

Bɔt dɛn ticha ya de tɔk bad bɔt tin we dɛn nɔ sabi natin bɔt, ɛn laf dɛn; dɛn jɛs tan lɛkɛ wayl bif na bush we nɔ de tink, dɛn jɛs de du ɛnitin we dɛn ed gi dɛn fɔ du; so jɛs lɛkɛ aw dɛn wayl bif de bɔn kam na wɔl fɔ mek pipul kech dɛn, ɛn kil dɛn, na so pipul go kil dɛn ticha ya,

Fɔs Lɛta To Timoti 1:16

Bɔt we Gɔd sɔri fɔ mi, i bin want fɔ sho aw Jizɔs Krays go bia wit mi fɔ mek ɔda pipul si se, if i ebul bia wit mi we dɔn sin pas ɔlman, i go ebul bia wit ɔda pipul we go kam biliv pan am fɔseka dat ɛn gɛt layf we go de sote go.

Prɔvabs 11:18

Bad nɔ de pe ɛnibɔdi gud tin bɔt yu du gud de gɛt gud pe.

Matyu 25:46

Dɛn Jizɔs se, “A go mek dɛn pipul ya go say we dɛn go pɔnish sote go, bɔt di wan dɛn we du wetin Gɔd want dɛn fɔ du go go na di say we dɛn go gɛt layf sote go.”

Lɛta Fɔ Rom 6:23

Day na sin in pe, bɔt layf we go de sote go, nain Gɔd gi wi fri. Wi gɛt di layf we go de sote go bikɔs wi gɛt wanwɔd wit Jizɔs Krays we na wi Masta.

Lɛta Fɔ Rom 8:6

If una jɛs de mɛmba wetin una at want nɔmɔ, dat go mek una day; bɔt if una jɛs de mɛmba wetin Gɔd in Spirit want nɔmɔ, una go gɛt di tru layf ɛn kol at.

Lɛta Fɔ Rom 8:11

If Gɔd, we mek Jizɔs rayz frɔm di grev, in Spirit de insay una, Gɔd insɛf go mek in Spirit we de insay una mek una bɔdi we go day gɛt di tru layf.

1 Kɔrint 15:42

Na so i go bi di tɛm we Gɔd go mek dɛn wan we dɔn day rayz frɔm dɛn grev. Di bɔdi we dɛn de bɛr na bɔdi we de pwɛl; bɔt di bɔdi we Gɔd go mek rayz frɔm di grev, go de sote go.