Lɛta Fɔ Galeshya 6:4 - Krio Fɔs Oli Baybul

⁴ Ɔlman fɔ tink bɔt wetin i de du ɛn jɔj insɛf if wetin i de du rayt; if i de du wetin rayt, dɛn i kin bost. I nɔ fɔ luk wetin ɔda pipul de du fɔ jɔj wetin in de du.

Lɛta Fɔ Galeshya 6:4 Referans Kwoze

2 Kɔrint 13:5

Una fɔ jɔj unasɛf fɔ si if una biliv gud gud. Una fɔ no se Jizɔs Krays de insay una. If una nɔ no se Jizɔs Krays de insay una, dat sho se una nɔ biliv.

Di Sam Dɛm 26:2

PAPA GƆD, tɛst mi ɛn tray mi luk insay mi at gud gud lɛ yu no wetin de na mi maynd;

1 Kɔrint 11:28

Na dat mek ɔlman fɔ luk insay in at gud fɔ si if i rayt wit Gɔd, bifo i it di bred ɛn drink di wayn.

2 Kɔrint 1:12

Wetin mek wi fil prawd, na we wi no insay wi at fɔ tru se nɔto bay mɔtalman sɛns wi liv na dis wɔl, ɛn nɔto bay mɔtalman sɛns wi de du ɔl dɛn tin we wi de du fɔ una, bɔt na bikɔs Gɔd gud, mek wi rɛspɛkt una ɛn wi de waka tret wit una.

Lyuk 18:11

“Di Faresi tinap ɛn pre kwayɛt wan se, ‘Gɔd, a tɛl yu tɛnki bikɔs a nɔ tan lɛkɛ dɛn ɔda pipul; dɛn de rog, dɛn nɔ de du rayt, ɛn dɛn de lɛf dɛn mared wɛf ɔ man go fɛn ɔda pɔsin na trit. A tɛl yu tɛnki we a nɔ tan lɛkɛ dis man ya sɛf we de gɛda taks.

Prɔvabs 14:14

Udat bad go kɔlik wit di pe fɔ in bad, ɛn yu gud, semweso go gɛt in yon pe.

Job 13:15

A nɔ bisin bɔt natin igen na dis wɔl, bikɔs a no se PAPA GƆD gɛt fɔ kil mi, bɔt a go tɛl am wetin de na mi at.

Lɛta Fɔ Galeshya 6:13

Dɛn pipul sɛf we gri fɔ mek dɛn sakɔmsayz dɛn nɔ de du wetin di Ju Lɔ se. Dɛn want mek una sakɔmsayz, so dat dɛnsɛf go bost se una dɔn gri fɔ mek dɛn sakɔmsayz una.

1 Kɔrint 3:8

Nɔbɔdi nɔ bɛtɛ pas in kɔmpin, di wan we plant ɔ di wan we wata; ɔlman go gɛt di pe fɔ di wok we i du.

1 Kɔrint 3:14

If di tin we pɔsin tek bil pan di fawndeshɔn nɔ bɔn na di faya, di pɔsin go gɛt gud pe fɔ in wok.

Lɛta Fɔ Filipay 1:26

So dat wɛn a kam luk una bak, una go prez Jizɔs Krays fɔseka di ɛp we a ɛp una.