Lɛta Fɔ Galeshya 6:2 - Krio Fɔs Oli Baybul

² Una fɔ de ɛp pipul wɛn tin de mɔna dɛn, wɛn una du dat, dat go sho se una de du wetin Krays tɛl una fɔ du.

Lɛta Fɔ Galeshya 6:2 Referans Kwoze

Lɛta Fɔ Rom 15:1

Wi we biliv Gɔd gud gud fɔ ɛp dɛn wan we nɔ biliv bɛtɛ fɔ mek dɛn biliv mɔ ɛn mɔ se Gɔd go ɛp dɛn pan ɔl wetin de mɔna dɛn. Wi nɔ fɔ jɛs de du wetin wi want fɔ wisɛf.

Fɔs Lɛta Fɔ Tɛsalonayka 5:14

Wi brɔda dɛn, wi de beg una fɔ tɛl dɛn pipul we nɔ want du natin se dat nɔ rayt, una fɔ kɔrej dɛn pipul we de fred, una fɔ ɛp dɛn pipul we nɔ ɔndastand Gɔd biznɛs gud, ɛn una fɔ bia wit ɔlman.

Jɔn 13:34

Ɛn naw a de gi una nyu lɔ we se: Una fɔ lɛk una kɔmpin. Una fɔ lɛk dɛn lɛkɛ aw a lɛk una.

Jɔn In Fɔs Lɛta 4:21

Na di tin dis we Krays tɛl wi fɔ du: pɔsin we lɛk Gɔd fɔ lɛk in kɔmpin insɛf.

Jems 2:8

Una de du di rayt tin if una de fala Gɔd, we de rul wi in lɔ we rayt nain Buk se, “Una fɔ lɛk una kɔmpin, lɛkɛ aw una lɛk unasɛf.”

Jɔn 15:12

Di tin we a de tɛl una fɔ du nain dis: Una fɔ lɛk una kɔmpin lɛkɛ aw a lɛk una.

Ɛksodɔs 23:5

“If una si in dɔŋki fɔdɔm na grɔn wit di lod we i tot, una ɛp di dɔŋki mek i tinap bak, una nɔ jɛs pas go.

Pita In Fɔs Lɛta 2:24

Krays insɛf kɛr wi sin go na di krɔs go day de fɔ dɛn, so dat wi go want du wetin rayt ɔltɛm. Di wund we dɛn bin wund Krays nain dɔn mek una wɛl.

Matyu 8:17

Ɔl dɛn tin ya we i du, na fɔ mek wetin di prɔfɛt we nem Ayzaya bin tɔk, kam bi tru. Prɔfɛt Ayzaya bin rayt se, “Nainsɛf tek ɔl wi sik dɛn ɛn mek wi fri.”

Lɛta Fɔ Galeshya 6:5

Ɔlman gɛt fɔ ansa to Gɔd fɔ wetin i du.

1 Kɔrint 9:21

To dɛn pipul we nɔ de ɔnda di Lɔ, a mek lɛkɛ se misɛf nɔ de ɔnda di Lɔ (nɔto fɔ se a nɔ de du wetin Gɔd in lɔ se, bikɔs a de ɔnda Krays in lɔ), a du so, so dat a kin briŋ dɛn wan we nɔ de ɔnda di Lɔ kam to Krays.

Lɛta Fɔ Rom 8:2

Gɔd in Spirit we de gi layf ɛn we de rul wi dɔn mek wi gɛt wanwɔd wit Jizɔs Krays, ɛn i dɔn pul wi ɔnda di pawa we sin ɛn day bin gɛt oba wi.

Lyuk 11:46

Jizɔs se, “I go bad fɔ una dɛn Ju Lɔ ticha, bikɔs una de gi ɔda pipul ebi lod fɔ tot bɔt una nɔ de put wan fiŋa sɛf fɔ ɛp dɛn tot di lod.

Ayzaya 58:6

“Nɔto di fast dis we a pik: fɔ lus di rop dɛn we dɛn tek tay pipul wit wikɛdnɛs, fɔ lus di prɔblɛm dɛn we dɛn tay na pipul dɛn nɛk, lɛ dɛn lɛf fɔ aras pipul, ɛn fɔ tap fɔ trit pipul bad?

Ditarɔnɔmi 1:12

Mozis se in waŋren nɔ go ebul kɔntol dɛn ɔl wit ɔl di prɔblɛm dɛn ɛn af af cham-mɔt we dɛn kin gɛt if nɔbɔdi nɔ ɛp am.

Jems 1:25

Gɔd in wɔd na di rayt tin fɔ mɔtalman ɛn i de mek mɔtalman fri; ɛnibɔdi we put ɔl in at pan am, we nɔ jɛs lisin am nɔmɔ ɛn fɔgɛt, bɔt i de du wetin i se, Gɔd go blɛs ɔl wetin da pɔsin de put in an pan.

Jems 2:12

Una tek tɛm wetin una de tɔk ɛn wetin una de du, bikɔs wande Gɔd go tek di lɔ, dat nain wɔd, we de fri ɔlman, jɔj wi.

Pita In Sɛkɛn Lɛta 2:21

I bin fɔ bɛtɛ mek dɛn nɔ no di rayt we we dɛn fɔ waka, pas fɔ mek dɛn lɛf fɔ fala Gɔd in lɔ, naw we dɛn dɔn no am.

Pita In Sɛkɛn Lɛta 3:2

A want mek una mɛmba dɛn tin we Gɔd in prɔfɛt dɛn bin dɔn tɔk lɔntɛm se go bi, bifo dɛn bi, ɛn dɛn tin we wi Masta we sev wi mek in apɔsul dɛn tɛl wi fɔ du.

1 Kronikuls 19:12

Nain i tɛl am se, “If di Sirian dɛn tu traŋa fɔ mi, yu go ɛp mi, bɔt if di Amonayt dɛm tu mɔs fɔ yu, dɛn mi go ɛp yu.