Lɛta Fɔ Galeshya 6:12 - Krio Fɔs Oli Baybul

¹² Di pɔsin we want fos una fɔ mek una sakɔmsayz, jɛs want blɔf. Dɛn de du ɔl dat, so dat pipul nɔ go mek dɛn sɔfa, lɛkɛ aw dɛn go du, if dɛn biliv ɛn tɔk se Krays day fɔ sev mɔtalman.

Lɛta Fɔ Galeshya 6:12 Referans Kwoze

Lɛta Fɔ Galeshya 5:11

Mi Kristiɛn pipul dɛn, una luk mi yon trɔbul, if a de tɛl pipul fɔ sakɔmsayz, wetindu dɛn stil de mek a sɔfa? If na so a de du, pipul nɔ fɔ vɛks wɛn a tɛl dɛn bɔt di day we Krays day na di krɔs.

Lɛta Fɔ Kɔlɔse 2:23

Fɔ tru, i tan lɛkɛ se dɛn pipul we bin mek dɛn kayn lɔ ya bin gɛt sɛns, bikɔs dɛn se paopa pipul fɔ pre to enjɛl, dɛn bin de mek lɛkɛ se dɛn nɔ prawd ɛn dɛn se pɔsin fɔ sɔfa. Bɔt dɛn lɔ ya nɔ de ɛp pipul fɔ kɔntrol wetin dɛn at gi dɛn fɔ du, dat sho se di pipul dɛn we mek dɛn, nɔ gɛt sɛns.

2 Kɔrint 11:13

Dɛn apɔsul de nɔto tru apɔsul; na lay dɛn de lay bɔt dɛn wok, dɛn jɛs de mek lɛkɛ se dɛn na Krays in tru apɔsul dɛn.

Apɔsul Dɛn Wok 15:1

Sɔm pipul kɔmɔt Judia go Antiɔk. Dɛn go tɛl di pipul dɛn na Antiɔk se, Gɔd nɔ go sev dɛn pas dɛn sakɔmsayz bikɔs na dat di Lɔ we Gɔd gi Mozis se.

Lɛta Fɔ Galeshya 2:3

Taytɔs, we bin fala mi go, na bin Grik, bɔt dɛn nɔ fos am fɔ sakɔmsayz,

Lyuk 16:15

Bɔt Jizɔs tɛl dɛn se, “Una de mek pipul fil se una nɔ de du bad, bɔt Gɔd no wetin de na una at. Di tin we mɔtalman luk se impɔtant, nain Gɔd nɔ lɛk at ɔl.

Lɛta Fɔ Filipay 3:18

If una mɛmba, a bin dɔn tɛl una plɛnti tɛm bɔt sɔm pipul, ɛn naw a de kray we a de rayt una bɔt dɛn igen. A bin dɔn tɛl una se: di layf we dɛn liv mek di day we Krays day na di krɔs nɔ min natin.

Lɛta Fɔ Filipay 2:4

Una nɔ fɔ jɛs de mɛmba unasɛf nɔmɔ, una fɔ de mɛmba ɔda pipul.

Lɛta Fɔ Filipay 1:15

Na tru se, sɔm pipul de we de tɔk bɔt Jizɔs Krays bikɔs dɛn de jɛlɔs mi ɛn dɛn want sho se dɛn de wok pas mi, bɔt ɔda pipul de we de tɔk bɔt Jizɔs Krays bikɔs dɛn want fɔ du wetin rayt.

Lɛta Fɔ Galeshya 6:13

Dɛn pipul sɛf we gri fɔ mek dɛn sakɔmsayz dɛn nɔ de du wetin di Ju Lɔ se. Dɛn want mek una sakɔmsayz, so dat dɛnsɛf go bost se una dɔn gri fɔ mek dɛn sakɔmsayz una.

Lɛta Fɔ Galeshya 2:14

Wɛn a si se dɛn nɔ de du di rayt tin we de na di Gud Nyuz, a tinap bifo ɔl di ɔda Kristiɛn dɛn ɛn tɛl Pita se, “Yu na Ju man, bɔt yu de du lɛkɛ se yu nɔto Ju. Wetin mek yu de pin naw se dɛn pipul we nɔto Ju fɔ de du lɛkɛ aw dɛn Ju de du?”

2 Kɔrint 10:12

Unasɛf no se wi nɔ go kɔmpia wisɛf wit dɛn wan we fil se dɛn bɛtɛ pas ɔda pipul. Dɛn nɔ gɛt sɛns, fɔ tru! Dɛn jɛs de kɔmpia dɛnsɛf wit dɛn kɔmpin, ɛn na wetin dɛn tink se rayt dɛn de tek jɔj dɛnsɛf!

Apɔsul Dɛn Wok 15:5

Bɔt sɔm pan dɛn pipul we de na di Faresi grup se, “Dɛn pipul we nɔto Ju fɔ sakɔmsayz ɛn du di tin dɛn we Mozis in Lɔ se dɛn fɔ du.”

Jɔn 7:18

Pɔsin we de tɔk fɔ insɛf de tray fɔ mek pipul prez am. Bɔt pɔsin we want fɔ mek pipul prez di wan we sɛn am, na pɔsin we de tɔk tru, lay nɔ de nain mɔt.

Lyuk 20:47

Na dɛn pipul ya kin tek dɛn uman, we dɛn man dɔn day, dɛn prɔpati, ɛn dɛn kin tinap de pre lɔŋ lɔŋ lɛkɛ se dɛn na gud pipul. Gɔd go pɔnish dɛn pas aw i go pɔnish ɔda pipul.”

Matyu 23:28

Na so una tan, wɛn ɛnibɔdi si una, i tan lɛkɛ se una de du wetin Gɔd in lɔ tɛl una fɔ du, bɔt una at ful wit ipokrit ɛn sin.

Matyu 23:5

Dɛn want fɔ mek ɔlman si dɛn wɛn dɛn de du ɛnitin. Dɛn de tay smɔl lɛda kes na dɛn fɔrɛd ɛn dɛn an; dɛn kes de gɛt difrɛn difrɛn wɔd we rayt na Gɔd in Buk, insay dɛn; di Faresi dɛn mek dɛn big so dat ɔlman kin si dɛn. Semwe so, dɛn so lɔŋ tasul na di bɔtɔm pat pan dɛn klos we dɛn de wɛr pantap.

Matyu 6:16

“Una nɔ tay fes wɛn una de fast lɛkɛ aw dɛn ipokrit pipul dɛn kin du wɛn dɛn de fast, so dat pipul go si se dɛn de fast. A de tɛl una se; dɛn dɔn gɛt dɛn pe.

Matyu 6:2

“So wɛn una de du gud to dɛn pipul we nɔ gɛt natin, una nɔ mek pipul no bɔt dat lɛkɛ aw dɛn ipokrit pipul de du na dɛn Ju mitin os ɛn na trit. Dɛn de du am fɔ mek pipul prez dɛn, bɔt a want mek una no se di prez we pipul dɔn prez dɛn na di pe dat nɔmɔ we dɛn go gɛt.

Matyu 6:5

“Wɛn una de pre, una nɔ fɔ du lɛkɛ aw dɛn ipokrit pipul de du. Dɛn lɛk fɔ tinap na dɛn Ju mitin os, ɛn na dɛn kɔna dɛn na trit fɔ pre, so dat ɔlman go si dɛn we dɛn de pre. A want mek una no se, dɛn dɔn gɛt ɔl di pe we dɛn fɔ gɛt.

Matyu 5:10

“Dɛn wan we pipul de mek sɔfa fɔ we dɛn de du wetin Gɔd want, gɛt blɛsin, bikɔs dɛn de gladi we Gɔd de rul dɛn!

Matyu 23:27

“I go bad fɔ una dɛn Faresi ɛn dɛn Ju Lɔ ticha; una na ipokrit! Una tan lɛkɛ grev we dɛn kɔba wit wayt pent, we luk fayn, bɔt na soso bon ɛn rɔtin bɔdi lib insay de.