Lɛta Fɔ Galeshya 5:6 - Krio Fɔs Oli Baybul

⁶ Wans wi gɛt wanwɔd wit Krays, if wi sakɔmsayz ɔ wi nɔ sakɔmsayz, dat nɔ min natin. Bɔt di tin we gud pas ɔl nain dis: pipul fɔ no se wi biliv pan Krays bay aw wi lɛk wi kɔmpin mɔtalman.

Lɛta Fɔ Galeshya 5:6 Referans Kwoze

Lɛta Fɔ Galeshya 6:15

If pɔsin sakɔmsayz ɔ i nɔ sakɔmsayz, dat nɔ min natin; di tin we gud pas ɔl na fɔ mek Gɔd chenj pɔsin in layf.

1 Kɔrint 7:19

If pɔsin sakɔmsayz ɔ i nɔ sakɔmsayz dat nɔ min natin; na fɔ du wetin Gɔd se, nain impɔtant.

Fɔs Lɛta Fɔ Tɛsalonayka 1:3

Ɛnitɛm we wi de pre to wi Gɔd we na wi Papa, wi kin tɛl am ɔl wetin una de du bikɔs una biliv pan Jizɔs, ɛn wi kin tɛl am aw una de wok traŋa wan bikɔs una lɛk Jizɔs Krays, ɛn aw una abop pan Masta Jizɔs Krays gud gud wan.

Lɛta Fɔ Galeshya 3:28

Una ɔl we gɛt wanwɔd wit Jizɔs Krays dɔn bi wan: Ju pɔsin, pɔsin we nɔto Ju, slev, fribɔn, man ɛn uman; ɔl na wan bikɔs dɛn ɔl gɛt wanwɔd wit Krays.

2 Kɔrint 5:14

Na di lɛk we Krays lɛk wi de rul wi, bikɔs naw wi si se wan man dɔn day fɔ ɔlman, so dat min se ɔlman dɔn day wit am.

Pita In Fɔs Lɛta 1:8

Pan ɔl we una nɔ si Jizɔs yet, una lɛk am. Pan ɔl we una nɔ de si am naw, una biliv pan am; so una gladi bad ɛn una nɔ ebul tɔk sɛf bɔt di gladi we una gladi, bikɔs

Lɛta Fɔ Kɔlɔse 3:11

Fɔseka wetin Gɔd dɔn du so, dɛn Ju pipul ɛn dɛn pipul we nɔto Ju, dɛn pipul we sakɔmsayz ɛn dɛn wan we nɔ sakɔmsayz, dɛn pipul we na trenja, dɛn pipul we nɔ sivilayz, dɛn pipul we na slev ɛn dɛn wan we nɔto slev, dɛn ɔl na wan na Gɔd in yay, bɔt na Krays nɔmɔ impɔtant ɛn i de insay ɔlman we biliv pan am.

Di Ibru Pipul Dɛn 11:8

Na bikɔs Ebraam bin biliv Gɔd mek i du wetin Gɔd tɛl am fɔ du wɛn Gɔd kɔl am ɛn sɛn am fɔ go na di ples we i prɔmis fɔ gi am. I grap ɛn go, pan ɔl we i nɔ bin no di ples we i de go.

1 Kɔrint 13:13

Na dɛn tri tin ya pɔsin go de du sote go: biliv, abop, ɛn lɛk, bɔt di wan we pas dɛn ɔl na lɛk.

Lɛta Fɔ Galeshya 3:26

Na we una ɔl biliv pan Jizɔs Krays ɛn una gɛt wanwɔd wit am, na dat mek una ɔl dɔn bi Gɔd in pikin dɛn.

Lɛta Fɔ Ɛfisɔs 6:23

Mi Kristiɛn brɔda dɛn, mek Gɔd we na wi Papa ɛn di Masta, Jizɔs Krays gi una ɔl kol at, ɛn mek di biliv we una biliv pan Jizɔs Krays mek una lɛk una kɔmpin.

Lɛta Fɔ Kɔlɔse 1:4

Wi de tɛl Gɔd tɛnki bikɔs wi yɛri se una biliv pan Jizɔs Krays ɛn una lɛk ɔl Gɔd in pipul dɛn.

Jɔshwa 5:5

Al di man dɛn we bin kɔmɔ Ijipt bin sakɔmsayz, bɔt di bɔypikin dɛn we dɛn bɔn na rod nɔ bin sakɔmsayz.

Lyuk 7:5

I lɛk wi Ju pipul dɛn ɛn nainsɛf bil wi Ju mitin os fɔ wi.”