Lɛta Fɔ Galeshya 5:5 - Krio Fɔs Oli Baybul

⁵ Fɔ wi yon pat, wi no se Gɔd go mek ɔltin rayt bitwin wi ɛn Gɔd. Wi abop fɔseka wetin Gɔd in Spirit bin dɔn du ɛn bikɔs wi biliv pan Krays.

Lɛta Fɔ Galeshya 5:5 Referans Kwoze

Di Sam Dɛm 130:5

A abop pan PAPA GƆD, bikɔs a no se i go du wetin i se.

Fɔs Lɛta Fɔ Tɛsalonayka 1:10

ɛn una de wet fɔ in Pikin we nem Jizɔs fɔ kɔmɔt ɛvin kam dɔŋ, in Pikin we i mek rayz frɔm di grev, ɛn we go mek Gɔd nɔ kɔndɛm mɔtalman lɛkɛ aw i bin fɔ du bikɔs i bin vɛks pan dɛn fɔ dɛn sin.

Di Sam Dɛm 62:5

Na PAPA GƆD nɔmɔ de mek a gɛt pis na mi sol nain nɔmɔ a abop pan.

Sɛkɛn Lɛta To Timoti 4:8

Bikɔs a dɔn rich di say we a fɔ tap, di prayz we a wok fɔ de wet mi, na di prayz dat we ɛnibɔdi we de waka tret wit Gɔd go gɛt, di Masta we de jɔj rayt go gi mi di prayz di de we i go kam bak; ɛn nɔto mi nɔmɔ i go gi, i go gi ɔl dɛn wan we go gladi fɔ si am wɛn i kam.

Taytɔs 2:13

naw we wi de wet fɔ da tɛm we wi abop se Jizɔs Krays, we na wi wɔndaful Gɔd ɛn Seviɔ go kam wit ɔl in wɔndaful pawa.

Lɛta Fɔ Filipay 3:9

ɛn a nɔ want mek ɛnitin kam midul wi. Nɔto wetin a de du, dat na we a de kip di Ju Lɔ mek ɔltin rayt bitwin mi ɛn Gɔd, bɔt ɔltin rayt bitwin mi ɛn Gɔd bikɔs a biliv pan Krays. Na Gɔd de mek ɔltin rayt bitwin mɔtalman ɛn insɛf bikɔs mɔtalman biliv pan Krays.

Jɛnɛsis 49:18

“E papa PAPA GƆD, a de wet fɔ mek yu pul mi kɔmɔt pan waala!

Lɛta Fɔ Rom 5:21

So jɛs lɛkɛ aw sin bin gɛt pawa fɔ mek ɔlman day, na semwe so di lɛk we Gɔd lɛk wi pan ɔl we wi nɔ fit fɔ mek i lɛk wi, gɛt pawa fɔ mek wi gɛt layf we go de sote go, naw we Gɔd dɔn mek ɔltin rayt bitwin in ɛn mɔtalman na Masta Jizɔs Krays mek dat bi so.

Ozie 12:6

Naw, i want dɛn fɔ kam bak to PAPA GƆD. Lɛ dɛn tek in wɔd fɔ lɛk dɛnsɛf, trit dɛn kɔmpin fayn ɛn jɛs de du wetin PAPA GƆD want.

Di Sam Dɛm 25:5

mek a du wetin nɔmɔ yu want mi fɔ du, bikɔs yu na mi PAPA GƆD ɛn mi Seviɔ ɛn na yu nɔmɔ a biliv pan.

Sɛkɛn Lɛta Fɔ Tɛsalonayka 3:5

A de pre mek di Masta sho una mɔ ɛn mɔ aw Gɔd lɛk una ɛn mek i mek una no gud gud aw Krays dɔn bia ɛn aw i de mek una bia.

Lɛta Fɔ Ɛfisɔs 2:18

Di tin we Krays dɔn du fɔ ɔlman mek wi ebul fɔ kam klos Gɔd we na wi Papa bay Gɔd in Spirit.

Di Sam Dɛm 25:3

Nɔbɔdi nɔ de we abop pan yu, we yu de mek shem, bɔt dɛn wan we gɛt tu mɔt biznɛs, yu go mek dɛn shem.

1 Kɔrint 1:7

dat una dɔn gɛt ɔl dɛn blɛsin we Gɔd de gi naw, we una de wet mek Jizɔs Krays kam bak.