Lɛta Fɔ Galeshya 5:4 - Krio Fɔs Oli Baybul

⁴ Una we fil se na wɛn una du wetin di Ju Lɔ se, nain ɔltin go rayt bitwin una ɛn Gɔd, una dɔn lɛf fɔ mek Krays rul una. Una dɔn tɔn una bak pan di gud we Gɔd want du fɔ una.

Lɛta Fɔ Galeshya 5:4 Referans Kwoze

Lɛta Fɔ Rom 11:6

Gɔd pik dɛn pipul de bikɔs i sɔri fɔ dɛn, nɔto fɔseka ɛnitin we dɛn du. If na wetin mɔtalman de du bin de mek Gɔd pik dɛn, dat nɔto tru sɔri Gɔd bin fɔ de sɔri fɔ dɛn.

Di Ibru Pipul Dɛn 12:15

Una tek tɛm so dat una nɔn nɔ go du tin we go mek i nɔ gɛt Gɔd in blɛsin. Una tek tɛm, semwe so, so dat una nɔn nɔ go tan lɛkɛ plant we na pɔyzin, bikɔs dɛn kayn pipul de de mek trɔbul fɔ ɔda pipul ɛn pwɛl plɛnti layf.

Lɛta Fɔ Galeshya 2:21

A nɔ go tek di gud we Gɔd gud to mi ɛn di lɛk we Gɔd lɛk mɔtalman, mek natin. If na di Ju Lɔ we pɔsin de kip de mek ɔltin rayt bitwin in ɛn Gɔd, dat min se di day we Krays day nɔ min natin!

Lɛta Fɔ Rom 3:20

If pɔsin de du wetin rayt na di Lɔ dat nɔ min se Gɔd insɛf dɔn luk se i de waka tret lɛkɛ aw in want; di Lɔ de fɔ mek mɔtalman no se in dɔn sin.

Rɛvɛleshɔn 2:5

so una mɛmba di we we una bin lɛk mi bifo una tap, ɛn una bigin fɔ lɛk mi bak lɛkɛ aw una bin lɛk mi di fɔs tɛm we una bigin waka wit mi. If una nɔ gri fɔ sɔri fɔ wetin una du so ɛn chenj, a go kam mit una, a go pul una lampolda kɔmɔt di say we i de;

Lɛta Fɔ Galeshya 5:2

Mi, Pɔl, de tɛl una se, if una gri mek dɛn sakɔmsayz una, dat sho se Krays nɔ ebul fɔ ɛp una. Una yɛri?

Di Ibru Pipul Dɛn 4:1

Gɔd bin dɔn prɔmis wi se, wi go go na di ples we i de, ɛn wi go sidɔm blo. Na dat mek wi fɔ tek tɛm, so dat dɛn nɔ go tɛl ɛni wan pan wi se, i nɔ go go de.