Lɛta Fɔ Galeshya 5:2 - Krio Fɔs Oli Baybul

² Mi, Pɔl, de tɛl una se, if una gri mek dɛn sakɔmsayz una, dat sho se Krays nɔ ebul fɔ ɛp una. Una yɛri?

Lɛta Fɔ Galeshya 5:2 Referans Kwoze

Lɛta Fɔ Galeshya 5:6

Wans wi gɛt wanwɔd wit Krays, if wi sakɔmsayz ɔ wi nɔ sakɔmsayz, dat nɔ min natin. Bɔt di tin we gud pas ɔl nain dis: pipul fɔ no se wi biliv pan Krays bay aw wi lɛk wi kɔmpin mɔtalman.

Apɔsul Dɛn Wok 15:1

Sɔm pipul kɔmɔt Judia go Antiɔk. Dɛn go tɛl di pipul dɛn na Antiɔk se, Gɔd nɔ go sev dɛn pas dɛn sakɔmsayz bikɔs na dat di Lɔ we Gɔd gi Mozis se.

Di Ibru Pipul Dɛn 4:2

Pipul dɔn tɛl wi di Gud Nyuz bɔt Gɔd, lɛkɛ aw dɛn bin dɔn tɛl dɛn lɔntɛm pipul we bin de na di dɛzat; bɔt pan ɔl dat wi si se di Gud Nyuz we dɛn yɛri, nɔ bin ɛp dɛn, bikɔs dɛn nɔ bin biliv am.

Lɛta Fɔ Galeshya 5:11

Mi Kristiɛn pipul dɛn, una luk mi yon trɔbul, if a de tɛl pipul fɔ sakɔmsayz, wetindu dɛn stil de mek a sɔfa? If na so a de du, pipul nɔ fɔ vɛks wɛn a tɛl dɛn bɔt di day we Krays day na di krɔs.

2 Kɔrint 10:1

Na mi, Pɔl, de beg una dɛn se a de fred fred wɛn a de wit una, na wɛn a nɔ de klos una nɔmɔ, a gɛt mɔt. A de tek di sem peshɛnt ɛn kwayɛt we we Krays gɛt beg una:

Apɔsul Dɛn Wok 15:24

Wi yɛri se sɔm pipul we kɔmɔt to wi na ya de mek tin traŋa fɔ una ɛn dɛn de kɔnfyus una wit di tin we dɛn de tɔk. Nɔto wi sɛn dɛn.

Fɔs Lɛta Fɔ Tɛsalonayka 2:18

Wi bin want tɔn bak go to una. Misɛf tray plɛnti tɛm fɔ go to una, bɔt Setan nɔ gri gi wi chans fɔ go.

Faylimɔn 1:9

bɔt bikɔs a lɛk yu, a nɔ de du dat, a jɛs de beg yu nɔmɔ, pan ɔl we a de wok fɔ Jizɔs Krays ɛn naw sɛf a de na jel fɔseka di wok we a bin du fɔ am.

1 Kɔrint 16:21

Na misɛf yon an a tek rayt dis pat: Na mi, Pɔl, de tɛl una adu.

Apɔsul Dɛn Wok 15:5

Bɔt sɔm pan dɛn pipul we de na di Faresi grup se, “Dɛn pipul we nɔto Ju fɔ sakɔmsayz ɛn du di tin dɛn we Mozis in Lɔ se dɛn fɔ du.”

Faylimɔn 1:19

A de sayn na ya wit mi yon an: Mi, Pɔl, go pe yu ɛnitin we Onɛsimɔs gɛt fɔ pe yu. (A nɔ go tɔk bɔt di dɛt we yu gɛt fɔ pe mi, da dɛt de na yu layf.)