Lɛta Fɔ Galeshya 5:12 - Krio Fɔs Oli Baybul

¹² A de abop se di pipul dɛn we de mek una at wam go kɔmɔt biɛn una, ɛn lɛf una to unasɛf.

Lɛta Fɔ Galeshya 5:12 Referans Kwoze

Lɛta Fɔ Galeshya 5:10

Bikɔs wi gɛt wanwɔd wit Krays, a biliv se una nɔ go tek wetin ɔda pipul de tɛl una, pas wetin a dɔn tɛl una, ɛn Gɔd go jɔj di pɔsin we de ambɔg una, ilɛk udat i bi.

Taytɔs 3:10

Yu fɔ wɔn di pɔsin we de skata pipul, tu ɔ tri tɛm; if i nɔ yɛri, yu nɔ fɔ gɛt ɛnitin fɔ du wit am igen.

Jɔshwa 7:25

We dɛn kɛr dɛn go de, nain Jɔshwa se, bikɔs i dɔn gi dɛn waala, PAPA GƆD insɛf go gi an waala. Nain di pipul dɛn ston Ekan ɛn in pikin dɛn te dɛn day; dɔn dɛn bɔn dɛn wit ɔl dɛn prɔpati dɛn.

Lɛvitikɔs 22:3

I se Mozis fɔ tɛl dɛn se if ɛniwan na dɛn jɛnareshɔn go nia di oli tin dɛn we di Izrɛlayt dɛn dɔn pre pan, we i nɔ klin na PAPA GƆD in yay, i nɔ go mek i bi man we de mek sakrifays fɔ pipul sin igen: I se nain na PAPA GƆD.

Ɛksodɔs 30:33

Ɛnibɔdi we falamakata fɔ mek dis kayn ɔyl, ɔ yuz am pan ɛnibɔdi we nɔto man we de mek sakrifays nɔ fɔ miks pan mi pipul dɛn.”

Ɛksodɔs 12:15

“Fɔ sɛvin de, di bred we una fɔ it na bred we dɛn bek we nɔ gɛt yist. Frɔm di fɔs de una fɔ dɔn pul ɔl di yist kɔmɔt na una os. Ɛnibɔdi we it bred we dɛn bek wit yist ɛnitɛm insay da sɛvin de de, dɛn fɔ drɛb am kɔmɔt na di Izrɛlayt kɔmyuniti.

Jɛnɛsis 17:14

Ɛni man we nɔ sakɔmsayz dɔn brok mi Kɔvinant. I nɔ fɔ de wit in pipul dɛn.”

Lɛta Fɔ Galeshya 2:4

pan ɔl we sɔm pipul bin want am fɔ du dat. Dɛn sem pipul ya bin de mek lɛkɛ se dɛn biliv pan Jizɔs Krays, dɛn bin kam miks wit wi fɔ wach wi bikɔs wi fri fɔ du ɛnitin we Gɔd want we wi gɛt wanwɔd wit Jizɔs Krays. Dɛn bin want fɔ lɛ wi bi slev ɔnda di Ju Lɔ,

Apɔsul Dɛn Wok 15:24

Wi yɛri se sɔm pipul we kɔmɔt to wi na ya de mek tin traŋa fɔ una ɛn dɛn de kɔnfyus una wit di tin we dɛn de tɔk. Nɔto wi sɛn dɛn.

Apɔsul Dɛn Wok 5:9

Pita tɛl am se, “Wetin mek yu ɛn yu man mekɔp fɔ tɛst Gɔd in Spirit? Luk di pipul dɛn we go bɛr yu man tinap na do, na dɛn go bɛr yusɛf!”

Apɔsul Dɛn Wok 5:5

Wɛn Ananayas yɛri wetin Pita tɔk, i fɔdɔm ɛn day. Ɔl dɛn wan we yɛri wetin bi, fred.

Jɔn 9:34

Di Ju bigman dɛn ansa se, “Yu we bɔn insay sin, na yu de tray fɔ lan wi?” Dɛn drɛb di man kɔmɔt na di Ju mitin os.

Jɔshwa 7:12

I se dat mek Izrɛl sɛf dɔn tɔn tin we fɔ nyakanyaka we mek dɛn gɛt fɔ de rɔn pan dɛn ɛnimi dɛm. PAPA GƆD se in nɔ go de ɛp dɛn igen pas dɛn nyakanyaka di tin dɛn we dɛn tek na Jɛriko we de insay dɛn kamp.

Ditarɔnɔmi 23:1

Mozis tɛl di Izrɛlayt dɛn se dɛn kayn pipul dɛn ya nɔ fɔ de na PAPA GƆD in pipul dɛn mitin: ɛni man we na okobo, we bi bay aksidɛnt ɔ we i bin de fɛt na wa.

Jɛnɛsis 30:34

Leban gri wit wetin Jekɔb se.