Lɛta Fɔ Galeshya 5:11 - Krio Fɔs Oli Baybul

¹¹ Mi Kristiɛn pipul dɛn, una luk mi yon trɔbul, if a de tɛl pipul fɔ sakɔmsayz, wetindu dɛn stil de mek a sɔfa? If na so a de du, pipul nɔ fɔ vɛks wɛn a tɛl dɛn bɔt di day we Krays day na di krɔs.

Lɛta Fɔ Galeshya 5:11 Referans Kwoze

1 Kɔrint 1:23

Bɔt wi de tɛl pipul se Krays day na di krɔs, dat de mek di Ju pipul dɛn vɛks ɛn di pipul dɛn we nɔto Ju dɛn se na nɔnsɛns.

Lɛta Fɔ Galeshya 6:12

Di pɔsin we want fos una fɔ mek una sakɔmsayz, jɛs want blɔf. Dɛn de du ɔl dat, so dat pipul nɔ go mek dɛn sɔfa, lɛkɛ aw dɛn go du, if dɛn biliv ɛn tɔk se Krays day fɔ sev mɔtalman.

Lɛta Fɔ Galeshya 4:29

Da tɛm de di pikin we Ega bin bɔn bin de mek di pikin we Gɔd in Spirit bin prɔmis Ebraam, sɔfa, ɛn na di sem tin de apin naw.

Lɛta Fɔ Galeshya 2:3

Taytɔs, we bin fala mi go, na bin Grik, bɔt dɛn nɔ fos am fɔ sakɔmsayz,

1 Kɔrint 15:30

As fɔ wi, wetin mek wi de put wisɛf pan denja ɛvri minit?

Apɔsul Dɛn Wok 21:21

Dɛn bin dɔn tɛl dɛn bɔt yu, dɛn se yu de lan ɔl dɛn Ju pipul we de na dɛn ɔda kɔntri se dɛn nɔ fɔ de du wetin di Ju Lɔ se; dɛn nɔ fɔ sakɔmsayz dɛn pikin ɛn dɛn nɔ fɔ de du dɛn tin we di Ju dɛn de du we dɛn grampapa papa dɛn lan dɛn fɔ du.

Lɛta Fɔ Galeshya 6:17

Bifo a dɔn wetin a de rayt una, a de tɛl una se: una nɔ mek ɛnibɔdi mek a sɔfa igen, bikɔs a gɛt di wip mak dɛn na mi bɔdi we sho se mi na Jizɔs in slev.

1 Kɔrint 1:18

Di tɔk we wi de tɔk bɔt di day we Krays day na di krɔs na nɔnsɛns to dɛn pipul we nɔ go sev, bɔt dat na Gɔd in yon pawa fɔ wi we i de sev.

Apɔsul Dɛn Wok 21:28

Dɛn Ju pipul ya se, “Wi Izrɛl pipul dɛn, una kam ɛp wi! Na dis man de go ɔlsay de lan pipul bad tin dɛn bɔt wi di Izrɛl pipul dɛn, di Lɔ we Gɔd bin gi Mozis, ɛn Gɔd in Os na dis tɔŋ. Nɔto dat nɔmɔ i dɔn du, naw i dɔn briŋ Grik pipul dɛn kam insay Gɔd in Os fɔ pwɛl dis ples we na Gɔd yon!”

Apɔsul Dɛn Wok 16:3

Pɔl bin want Timoti fɔ go wit dɛn, so i mek dɛn sakɔmsayz Timoti, bikɔs ɔl di Ju dɛn na dɛn ples de, bin no se Timoti in papa na Grik man.

Ayzaya 8:14

Ɛn i go tɔn oli ples, ɛn di ston we go ɔfɛnd pipul dɛn, ɛn di big ston we go mek di tu os dɛn na Izrɛl bɔk dɛn fut ɛn fɔdɔm, ɛn go bi trap fɔ di pipul dɛn na Jerusɛlɛm.

Lɛta Fɔ Galeshya 3:1

Una dɛn pipul we kɔmɔt Galeshya, una nɔ gɛt sɛns! Udat de wich una mek una nɔ ebul no wetin una de du? A bin dɔn tɛl una plen wan aw pipul bin kil Jizɔs Krays na di krɔs.