Lɛta Fɔ Galeshya 5:10 - Krio Fɔs Oli Baybul

¹⁰ Bikɔs wi gɛt wanwɔd wit Krays, a biliv se una nɔ go tek wetin ɔda pipul de tɛl una, pas wetin a dɔn tɛl una, ɛn Gɔd go jɔj di pɔsin we de ambɔg una, ilɛk udat i bi.

Lɛta Fɔ Galeshya 5:10 Referans Kwoze

Lɛta Fɔ Galeshya 5:12

A de abop se di pipul dɛn we de mek una at wam go kɔmɔt biɛn una, ɛn lɛf una to unasɛf.

Lɛta Fɔ Filipay 3:15

Wi ɔl we dɔn biliv Krays gud gud ɛn we dɔn no ɔl wetin Gɔd want wi fɔ du, fɔ put wi at pan ɔl wetin a dɔn tɔk bɔt so, bɔt if una nɔ gri wit wetin a dɔn tɔk, Gɔd insɛf go sho una se wetin a tɔk na tru.

Lɛta Fɔ Galeshya 1:7

Ɔda gud nyuz nɔ de, bɔt sɔm pipul want mek una lɛf fɔ biliv pan Krays, dɛn de tray fɔ chenj di Gud Nyuz we tɔk bɔt Krays.

2 Kɔrint 2:3

Na dat mek a bin rayt lɛta to una, a nɔ bin want kam mek di pipul dɛn we fɔ mek a gladi, mek a sɔri. A no se wɛn a gladi, unasɛf go gladi.

Fɔs Lɛta To Timoti 1:20

Imɛniɔs na wan ɛn Alɛgzanda na ɔda wan; a dɔn lɛf dɛn gi Setan te dɛn tap fɔ tɔk bad bɔt Gɔd.

Lɛta Fɔ Galeshya 6:17

Bifo a dɔn wetin a de rayt una, a de tɛl una se: una nɔ mek ɛnibɔdi mek a sɔfa igen, bikɔs a gɛt di wip mak dɛn na mi bɔdi we sho se mi na Jizɔs in slev.

Lɛta Fɔ Galeshya 4:17

Dɛn ɔda pipul kia bɔt una, bɔt wetin dɛn want nɔ fayn. Dɛn want fɔ sɛtfaya, mek a nɔ go gɛt wanwɔd wit una, so dat una go de fɔ dɛn lɛkɛ aw dɛn de fɔ una.

Lɛta Fɔ Galeshya 3:1

Una dɛn pipul we kɔmɔt Galeshya, una nɔ gɛt sɛns! Udat de wich una mek una nɔ ebul no wetin una de du? A bin dɔn tɛl una plen wan aw pipul bin kil Jizɔs Krays na di krɔs.

Lɛta Fɔ Galeshya 2:6

Dɛn pipul na Jerusɛlɛm we dɛn se na bigman na di chɔch nɔ bin tɛl wi fɔ chenj di Gud Nyuz we a bin de tɛl dɛn pipul we nɔto Ju. A nɔ bisin udat dɛn bi, bikɔs Gɔd nɔ de luk aw pɔsin tan ɔ udat i bi bifo i gri fɔ am.

Lɛta Fɔ Galeshya 2:4

pan ɔl we sɔm pipul bin want am fɔ du dat. Dɛn sem pipul ya bin de mek lɛkɛ se dɛn biliv pan Jizɔs Krays, dɛn bin kam miks wit wi fɔ wach wi bikɔs wi fri fɔ du ɛnitin we Gɔd want we wi gɛt wanwɔd wit Jizɔs Krays. Dɛn bin want fɔ lɛ wi bi slev ɔnda di Ju Lɔ,

2 Kɔrint 10:6

Wɛn una go dɔn pruv se fɔ tru una de fala Krays, wi go rɛdi fɔ pɔnish ɛnibɔdi we nɔ de du wetin Gɔd want.

1 Kɔrint 5:5

una fɔ tek dis man ya gi Setan we go mek i sɔfa fɔ ɔl dɛn bad tin we de nain at, so dat di de we di Masta go kam, da man de in spirit go gɛt chans fɔ sev.

Apɔsul Dɛn Wok 15:24

Wi yɛri se sɔm pipul we kɔmɔt to wi na ya de mek tin traŋa fɔ una ɛn dɛn de kɔnfyus una wit di tin we dɛn de tɔk. Nɔto wi sɛn dɛn.

Faylimɔn 1:21

Lɛkɛ aw a de rayt yu so, a biliv se yu go du wetin a dɔn beg yu fɔ du, ɛn a biliv se yu go du pas wetin a dɔn beg yu fɔ du sɛf.

Sɛkɛn Lɛta Fɔ Tɛsalonayka 3:4

Na wi Masta mek wi de abop pan una, ɛn wi shɔ se una de du wetin wi tɛl una fɔ du ɛn una go stil de du am.

Lɛta Fɔ Galeshya 4:20

A jɛs want fɔ go to una naw, so dat a nɔ go tɔk to una traŋa wan lɛkɛ aw a de tɔk to una so. A nɔ no wetin fɔ du wit una igen.

Lɛta Fɔ Galeshya 4:11

Mi at de wɔri fɔ una, na fɔ natin a dɔn lebɔ pan una?

2 Kɔrint 13:10

Na dat mek a de rayt dɛn tin ya to una naw bifo a rich de; mek a nɔ go gɛt fɔ dil wit una traŋa wan wɛn a kam to una, pan ɔl we a gɛt di rayt fɔ du so, bikɔs di Masta sɛn mi; ɛniwe, di Masta nɔ sɛn mi fɔ mek a mek una at pwɛl, i sɛn mi fɔ ɛp una.

2 Kɔrint 10:2

una nɔ fos mi fɔ dil wit una traŋa wan wɛn a kam to una; a shɔ se a go dil wit dɛn wan we de se nɔto fɔ Gɔd wi de du ɔl wetin wi de du so.

2 Kɔrint 8:22

So wi de sɛn wi brɔda fɔ go wit dɛn; wi dɔn tray am plɛnti tɛm ɛn wi dɔn si se i want fɔ ɛp bad bad ɔltɛm. Ɛn naw we i trɔs una gud fashin, i want fɔ ɛp una mɔ.

2 Kɔrint 7:16

A gladi bad we a kin trɔs una pan ɔltin.

2 Kɔrint 5:16

So wi nɔ fɔ luk ɛnibɔdi igen lɛkɛ aw mɔtalman de luk dɛn. If wi bin de luk Krays fɔstɛm lɛkɛ aw mɔtalman de luk pɔsin, wi nɔ fɔ du so igen.

2 Kɔrint 2:6

We plɛnti pan una dɔn pɔnish dis pɔsin ya so, dat dɔn du fɔ am.

2 Kɔrint 1:15

A bin shɔ bɔt ɔl dɛn tin ya we a dɔn rayt, so a bin dɔn mekɔp se a go go to una so dat una kin gɛt blɛsin tu tɛm.

Lɛta Fɔ Galeshya 5:7

Una bin de du wɛl we una bin de biliv pan Krays mɔ ɛn mɔ; udat mek una lɛf fɔ du dɛn tru tin we Gɔd tɛl una fɔ du? Wetin di pɔsin du fɔ chenj una at?