Lɛta Fɔ Galeshya 5:1 - Krio Fɔs Oli Baybul

¹ Wi fri bikɔs Krays dɔn mek wi fri; so lɛ wi tray fɔ sho se wi na pipul we fri we Krays dɔn sev. Una nɔ put unasɛf pan slev layf igen.

Lɛta Fɔ Galeshya 5:1 Referans Kwoze

2 Kɔrint 3:17

Di “Masta” we dɛn de tɔk bɔt na ya, na di Spirit; ɛni say we di Masta in Spirit de, pipul fri.

Lɛta Fɔ Galeshya 5:13

Mi kɔmpin Kristiɛn dɛn, Krays dɔn kɔl una fɔ mek una fri. Una tek tɛm mek una nɔ bigin du wetin una at tɛl una fɔ du, bikɔs una dɔn fri naw. Bifo dat, una fɔ de ɛp una kɔmpin bikɔs una lɛk dɛn.

Pita In Fɔs Lɛta 2:16

Una fɔ de lɛkɛ pipul we fri, bɔt nɔto dat mek una fri fɔ de du ɛni bad tin. Una fɔ de du lɛkɛ pipul we de wok fɔ Gɔd.

Lɛta Fɔ Rom 6:14

Una nɔ fɔ mek sin rul una layf igen, bikɔs una nɔ de ɔnda di lɔ naw, bɔt na di lɛk we Gɔd lɛk una ɛn di sɔri we i sɔri fɔ una de rul una layf naw, pan ɔl we wi nɔ fit fɔ mek Gɔd lɛk wi so ɔ sɔri fɔ wi so.

Lɛta Fɔ Rom 8:2

Gɔd in Spirit we de gi layf ɛn we de rul wi dɔn mek wi gɛt wanwɔd wit Jizɔs Krays, ɛn i dɔn pul wi ɔnda di pawa we sin ɛn day bin gɛt oba wi.

Lɛta Fɔ Galeshya 4:9

Bɔt we una dɔn no Gɔd, ɔ a fɔ se, Gɔd dɔn no una; wetin mek una want tɔn bak go bi slev to di spirit dɛn we nɔ gɛt pawa ɛn we nɔ min natin? Wetin mek una want go bi dɛn slev bak?

Di Ibru Pipul Dɛn 10:23

Una lɛ wi tinap traŋa, ɛn lɛ wi abop se wi go gɛt dɛn tin we wi biliv se Gɔd go gi wi. Una lɛ wi nɔ dawt bikɔs Gɔd dɔn prɔmis se in go du dɛn tin de, ɛn i go du wetin i se, fɔ tru.

Lɛta Fɔ Galeshya 2:4

pan ɔl we sɔm pipul bin want am fɔ du dat. Dɛn sem pipul ya bin de mek lɛkɛ se dɛn biliv pan Jizɔs Krays, dɛn bin kam miks wit wi fɔ wach wi bikɔs wi fri fɔ du ɛnitin we Gɔd want we wi gɛt wanwɔd wit Jizɔs Krays. Dɛn bin want fɔ lɛ wi bi slev ɔnda di Ju Lɔ,

Lɛta Fɔ Galeshya 4:31

So, mi kɔmpin Kristiɛn dɛn, lɛ wi du lɛkɛ se wi na di mared wɛf in pikin dɛn, we wi bi, lɛ wi nɔ du lɛkɛ se wi na di pikin dɛn we di uman we de wok fɔ Ebraam in wɛf bɔn.

Rɛvɛleshɔn 3:3

So una mɛmba dɛn tin we dɛn dɔn lan una we una bin biliv, ɛn una nɔ lɛf fɔ biliv dɛn wit ɔl una at, una lɛf fɔ du dɛn bad tin we una de du. If una nɔ grap wantɛm ɛn bigin du dɛn tin we a tɛl una, a go kam lɛkɛ tifman kam mit una ɛn una nɔ go no di tɛm we a go kam mit una.

Pita In Sɛkɛn Lɛta 2:19

Dɛn de tɛl di pipul dɛn we dɛn de drɔ fɔ fala dɛn, se dɛn go fri, bɔt dɛnsɛf nɔ fri yet, dɛnsɛf na lɛkɛ slev to dɛn bad tin we de pwɛl layf; bikɔs if pɔsin nɔ ebul lɛf fɔ du sɔntin, da pɔsin de dɔn bi slev to da tin de.

1 Kɔrint 16:13

Una fɔ waydawek, una fɔ tinap traŋa pan di biliv we una biliv pan Gɔd, una fɔ gɛt kɔrej, una nɔ fɔ mek ɛnitin pul una pan di wok we una de du fɔ Gɔd.

Lɛta Fɔ Rom 7:6

Bɔt naw di Lɔ nɔ gɛt pawa fɔ rul wi igen bikɔs to di Lɔ yon pat, we na bin wi masta, wi dɔn day. Wi nɔ de fala di Lɔ we dɛn rayt igen fɔ sav Gɔd lɛkɛ aw wi bin de du fɔstɛm, bɔt naw wi de sav Gɔd lɛkɛ aw in Spirit de mek wi du.

Lɛta Fɔ Rom 6:18

Gɔd dɔn pul una kɔmɔt ɔnda sin in pawa, so naw una dɔn bi slev fɔ Gɔd fɔ du wetin rayt.

Ayzaya 61:1

Papa Gɔd we na Gɔd in Spirit de pan mi, bikɔs PAPA GƆD dɔn anɔynt mi fɔ briŋ gud yus to di wan dɛn we de sɔfa; I dɔn sɛn mi fɔ mɛn dɛn wan we gɛt brok at, fɔ anawns to dɛn wan we dɛn bin dɔn kapchɔ, se, dɛn dɔn fri, fɔ opin di jel yad fɔ di wan dɛn we dɛn tay;

Apɔsul Dɛn Wok 15:10

So wetin mek wi want du di tin we go mek Gɔd vɛks? Wetin mek wi de kam put lod pan dɛn pipul we dɔn biliv pan di Masta, da lod we wi grampapa papa dɛn nɔ bin ebul tot, da lod we wisɛf nɔ ebul tot?

1 Kɔrint 7:22

Ɛnibɔdi we na bin slev wɛn di Masta kɔl am fɔ du in wok, di Masta dɔn fri am; semwe so, ɛnibɔdi we Krays dɔn kɔl fɔ du in wok, we i dɔn fri, dɔn bi Krays in slev.

Di Sam Dɛm 51:12

Gi mi bak di jɔy we a fɔ gɛt we a no se yu go sev mi ɛn gi mi di kayn trɛnk we go mek a no se yu de wit mi.

Prɔvabs 23:23

Nɔ skyad fɔ spɛnd fɔ lɛ yu no di tru ɛn we yu gɛt am, nɔ mek bigful te yu lɔs am, ɛn tray fɔ lan, no wetin rayt frɔm rɔŋ, ɛn ɔndastand wetin yu de du.

Jud In Lɛta 1:3

Mi padi dɛn we a lɛk, na bɔt di sev we Gɔd dɔn sev wi a bin want rayt una bad, bɔt a fil se a fɔ rayt beg una naw fɔ mek una fɛt fɔ stil biliv pan Jizɔs Krays lɛkɛ aw Gɔd dɔn mek in pipul dɛn biliv wan tɛm nɔmɔ, fɔ ɔltɛm.

Lɛta Fɔ Filipay 1:27

Bɔt na wan tin nɔmɔ, una fɔ liv lɛkɛ pipul we dɔn biliv di Gud Nyuz bɔt Krays. So if a de wit una, ɔ if a nɔ de wit una, a want fɔ yɛri se una stil biliv pan Jizɔs, una gɛt wanwɔd, ɛn una ɔl want fɔ du di sem tin, dat na fɔ tɛl pipul di Gud Nyuz.

Lɛta Fɔ Ɛfisɔs 6:14

So una fɔ tinap traŋa: mek ɔl wetin tru bi di bɛlt we una fɔ tay; mek di rayt we bi di ayɛn plet we una go wɛr fɔ kɔba una chɛst wɛn una de fɛt.

Rɛvɛleshɔn 2:25

pas fɔ se mek una biliv gud dɛn tin we una dɔn lan, te a kam bak.

Di Ibru Pipul Dɛn 4:14

Wi fɔ stil biliv di Gud Nyuz we wi bin dɔn biliv, bikɔs pɔsin de we na di edman we de mek sakrifays fɔ pipul sin, nain dɔn go na di ples we Gɔd de. Na Jizɔs, we na Gɔd in Pikin, na di edman.

Di Ibru Pipul Dɛn 3:14

Una fɔ mɛmba se, if wi put wi at pan ɔl wetin Gɔd tɛl wi se in go du lɛkɛ aw wi bin de du di tɛm we wi jɛs bi Kristiɛn, ɛn wi nɔ tap fɔ du dat, wi go gɛt pan ɔl wetin Krays gɛt.

Di Ibru Pipul Dɛn 3:6

Bɔt Krays na di Pikin we de luk Gɔd, we na di Papa, in Os, ɛn i bin du in wok lɛkɛ aw Gɔd want am fɔ du. Wi we na Gɔd yon pipul, go bi Gɔd in Os, if wi gɛt kɔrej ɔltɛm ɛn put wi at pan ɔl wetin Gɔd prɔmis se in go du fɔ wi.

Sɛkɛn Lɛta Fɔ Tɛsalonayka 2:15

Wi Kristiɛn pipul dɛn, una nɔ fɔ chenj wetin una biliv, ɛn ɔltɛm una at fɔ de pan ɔl wetin wi pipul dɛn bin lan wi, ɛn we wisɛf bin lan una, wɛn wi bin de tɔk to una ɛn wɛn wi rayt una di fɔs lɛta.

Fɔs Lɛta Fɔ Tɛsalonayka 3:8

Bikɔs una nɔ gri mek ɛnitin mek una tap fɔ waka wit di Masta, wi gladi fɔ de na dis layf.

Lɛta Fɔ Galeshya 4:26

Bɔt di Jerusɛlɛm we de na ɛvin fri, ɛn da Jerusɛlɛm de tan lɛkɛ wi mama.

Lɛta Fɔ Galeshya 3:25

Bɔt naw we pipul dɔn biliv pan Krays, di Ju Lɔ nɔ de rul wi igen.

1 Kɔrint 15:58

So, mi kɔmpin Kristiɛn dɛn, una tinap traŋa, una nɔ gri mek ɛnitin mek una dawt. Una fɔ de du Gɔd in wok ɔltɛm, una no se ɛnitin we una de du fɔ Gɔd nɔ go go fɔ natin.

Matyu 23:4

Dɛn de mek dɛn lɔ we at fɔ pipul fɔ kip, bɔt dɛn nɔ de ɛp fɔ fɛn we fɔ mek pipul kip di lɔ dɛn.

Lɛta Fɔ Rom 7:3

Bɔt if di uman go liv wit ɔda man wɛn in maredman nɔ day yet, dat min se da uman de dɔn sin bikɔs i dɔn brok mared; bɔt di lɔ se if di uman in man dɔn day, di uman fri fɔ go mared to ɔda man, ɛn if i du dat i nɔ go sin.

Lɛta Fɔ Rom 8:15

Di Spirit we Gɔd gi una nɔ mek una bi slev ɛn i nɔ de mek una fred, bɔt i mek una bi Gɔd in pikin dɛn ɛn nain de mek wi se, “Papa, mi Papa,” we wi de kɔl Gɔd.

2 Kɔrint 11:20

Una de bia wit ɛni pɔsin we de mek lɛkɛ se in na una bɔs, we de tek advantej pan una, we de sɛt trap fɔ una, we nɔ gɛt rɛspɛkt fɔ una, ɛn we kin slap una sɛf.

Lyuk 5:38

Dɛn fɔ put nyu wayn insay nyu bɔtul.