Lɛta Fɔ Galeshya 4:8 - Krio Fɔs Oli Baybul

⁸ Fɔs tɛm, una nɔ bin no Gɔd, so una na bin slev to dɛn spirit we nɔ gɛt pawa lɛkɛ Gɔd.

Lɛta Fɔ Galeshya 4:8 Referans Kwoze

1 Kɔrint 8:4

So, lɛkɛ aw a bin se, lɛ a kam tɔk bɔt dɛn it we dɛn kin sakrifays to dɛn tin we mɔtalman mek fɔ pre to: una no se dɛn tin we mɔtalman mek fɔ pre to nɔto Gɔd; wi no se na wangren Gɔd nɔmɔ de.

Sɛkɛn Lɛta Fɔ Tɛsalonayka 1:8

faya we de kech go de fɔ pɔnish dɛn pipul we nɔ gri mek Gɔd kam na dɛn layf ɛn dɛn pipul we nɔ gri tek wetin di Gud Nyuz bɔt wi Masta Jizɔs tɛl dɛn.

Fɔs Lɛta Fɔ Tɛsalonayka 4:5

i nɔ fɔ jɛs want in wɛf fɔ slip wit am nɔmɔ, lɛkɛ aw dɛn pipul we nɔ bisin bɔt Gɔd de du.

Fɔs Lɛta Fɔ Tɛsalonayka 1:9

Dɛn ɔl de tɔk bɔt aw una ol wi wɛn wi go fɛn una, ɛn dɛn de tɔk se una dɔn tap fɔ pre to dɛn tin we mɔtalman mek fɔ pre to, naw una de pre to di wan tru Gɔd we gɛt layf sote go,

Pita In Fɔs Lɛta 4:3

Una nɔ wes mɔ tɛm igen. Di tɛm dɔn pas we una bin de du dɛn tin we dɛn pipul we nɔ no Gɔd lɛk fɔ du. Dɛn man ɛn uman bin de du tin we dɛn nɔ fɔ du wit dɛn bɔdi, una bin de fala una at fɔ du dɛn bad tin ya ɛn ɔda bad tin dɛn, una bin de drɔnk, una bin de mek dɛn wayl wayl pati, ɛn dɛn pati we pipul fɔ go drink sote dɛn drɔnk. Una bin de pre to dɛn tin we mɔtalman mek fɔ pre to pan ɔl we di Lɔ se mek una nɔ du dat, ɛn na tin dat we una fɔ shem fɔ du.

1 Kɔrint 1:21

Gɔd yus in sɛns fɔ mek mɔtalman nɔ ebul fɛn am wit in yon sɛns. Bɔt i mekɔp fɔ tek di prich we wi de prich bɔt di day we Jizɔs day na di krɔs we tan lɛkɛ nɔnsɛns, fɔ sev dɛn wan we biliv pan Jizɔs.

Ayzaya 37:19

dɛn dɔn trowe dɛn gɔd dɛn na faya ɛn bɔn dɛn, bɔt sɛf, nɔto gɔd dɛn, na ɛmti tik ɛn ston we na mɔtalman an dɛn tek mek dɛn.

2 Kronikuls 13:9

Una nɔ dɔn drɛb PAPA GƆD in man dɛn we de mek sakrifays fɔ pipul sin we na Erɔn in pikin dɛn ɛn di Livayt dɛn, ɛn mek man dɛn we de mek sakrifays fɔ pɔpul sin fɔ una sɛf lɛk di pipul dɛm na ɔda kɔntri dɛn? Ɛnibɔdi we kam kɔnsikret insɛf wit wan yɔŋ man kaw or sɛvin man ship, yu de mek am man we de mek sakrifays fɔ pipul sin fɔ tin dɛn we nɔto gɔd.

Lɛta Fɔ Ɛfisɔs 4:18

We dɛn at nɔ opin, na dat mek dɛn nɔ sabi natin; dɛn de na dak ɛn dɛn nɔ gɛt di layf we Gɔd de gi.

1 Kɔrint 12:2

Una no se di tɛm we una nɔ bin no Gɔd yet, una bin de pre to dɛn tin we nɔ gɛt layf we mɔtalman mek fɔ pre to, ɛn ɔltɛm dɛn kin de drɔ una fɔ kɔmɔt na di rayt rod go fala dɛn.

Jɛrimaya 10:25

Tɔn mi vɛksteshɔn pan di neshɔn we nɔ no yu, ɛn pan di pipul dɛn we nɔ de pre to yu; bikɔs dɛn dɔn kil Jekɔb; dɛn dɔn kil am ɛn it am, ɛn dɛn dɔn mek di ples we i bin tap, yuslɛs.

Jɔshwa 24:15

I se, “if yu nɔ wan sav PAPA GƆD, yu fɔ mekɔp yu maynd tide udat yu go wɔship. ‘As fɔ mi ɛn ɔl udat de na mi os, na PAPA GƆD wi go wɔship” if dɛn at nɔ gi dɛn fɔ sav PAPA GƆD, da de de, dɛn fɔ pik bitwin dɛn fɔstɛmpapa dɛn gɔd ɛn di gɔd we di Amɔrayt dɛn bin de wɔship usay dɛn di Izrɛlayt dɛn bin de so datɛnde.

Jɔshwa 24:2

Nain i tɛl dɛn se PAPA GƆD we na PAPA GƆD na Izrɛl se, dɛn fɔstɛmpapa dɛn, Ebram in papa, Tɛra, ɛn Naɔ, bin de Mɛsopotemia oba Riva Yufretis, ɛn dɛn bin de wɔship fɔrin gɔd dɛn.

Ɛksodɔs 5:2

Bɔt di kiŋ ansa se, udat na da PAPA GƆD de ɛn wetin fɔ mek in lisin to dɛn ɛn mek di Izrɛlayt dɛn go. I se in nɔ no da PAPA GƆD de ɛn a nɔ go mek di Izrɛlayt dɛn go.

Jɔn In Fɔs Lɛta 3:1

Mi pikin dɛn we a lɛk, Gɔd so lɛk wi dat i kɔl wi in yon pikin dɛn ɛn wi nain pikin dɛn, fɔ tru. Plɛnti pipul dɛn na wɔl nɔ no se wi na Gɔd in pikin dɛn, bikɔs dɛn nɔ no Gɔd.

Lɛta Fɔ Rom 1:28

Bikɔs mɔtalman nɔ gri fɔ put dɛn at pan di tru tin we dɛn no bɔt Gɔd, Gɔd dɔn lɛf dɛn fɔ du di bad tin we de na dɛn at, so naw dɛn jɛs de du dɛn tin we dɛn nɔ fɔ du.

Apɔsul Dɛn Wok 17:23

We a de waka na una tɔŋ, a bin de luk na ɔl di ples dɛn we una de pre to una gɔd; na de a si wan ples we una rayt pan ston se, ‘Fɔ di gɔd we wi nɔ no’. Di gɔd we una de pre to, we una nɔ no, nain a kam tɛl una bɔt naw.

Apɔsul Dɛn Wok 14:12

Dɛn kɔl Banabas “Zus” ɛn dɛn kɔl Pɔl “Amis” bikɔs na Pɔl bin de tɔk.

Jɔn 1:10

Di Wɔd bin de na di wɔl, ɛn tru am Gɔd mek ɔltin na di wɔl, bɔt pan ɔl dat, di pipul dɛn na di wɔl nɔ bin no udat i bi.

Jɛrimaya 2:11

Neshɔn de we dɔn chenj in gɔd dɛm, ɔl we dɛn nɔto tru tru gɔd dɛm? Bɔt mi pipul dɛn dɔn chenj dɛn glori, fɔ tin we nɔ de bɛnifit nɔbɔdi.

Lɛta Fɔ Rom 1:23

Bifo dɛn pre to Gɔd, dɛn de pre to dɛn tin we dɛnsɛf mek we fiba mɔtalman, bɔd, bif na bush, ɔ snek. Gɔd gɛt layf, bɔt dɛn tin ya nɔ gɛt layf.

Jɛrimaya 5:7

“Aw a go sɔri fɔ yu? Yu pikin dɛm dɔn fɔsek mi, ɛn dɛn dɔn tek dɛn wan dɛn we nɔto gɔd, dɛn nem swɛ. We a bin fid dɛm te dɛn bɛlful, dɛn bin kɔmit adɔltri ɛn gɛda go na dɛn rare gyal dɛn os.

Jɛrimaya 16:20

Mɔtalman go ebul mek gɔd fɔ insɛf? Dɛn wan dɛn de nɔto gɔd dɛm!”

Lɛta Fɔ Galeshya 4:3

Na so wisɛf bin tan, wi na bin slev to dɛn dɛbul we bin de rul di wɔl, bifo wi no bɔt Gɔd gud gud.